रोम सहरतोरहाटीं पौलुसना सिट्‍टि 13:12 - पवित्र पोल्‍ले

¹² इंदके हीकट मारालय आसि, पोळ्‍द पेय्सालय आता. अदुनहाटीं हीकटते कियानसोंटव कराब कबाह्‍कुन होळसिसि वेलगुने कियानसोंटा बेसता कबाह्‍कुन मना जीवाते एतकुनकोम.

रोम सहरतोरहाटीं पौलुसना सिट्‍टि 13:12 Iomraidhean Croise

रोम सहरतोरहाटीं पौलुसना सिट्‍टि 13:14

इत्‍ते, सामि येसु किरिस्‍तुना पोल्‍लेन मना जीवाते, मना मनसुनाल एतकुनना. मना मनसुने कराब गुनाल्कुंक हर्रि हियमटु.

1 कुरेंति 10:11

मना तादो-बाबुर्क जर्गता पोल्‍लें उंदि उदाहरनलेसीं मंचि, मनम आकिर युगमते एवताहाटीं मनाकु तेळियागोम इंचि रासमळ जर्गता.

1 कुरेंति 7:29

विस्वासुल्‍कुनिटा! नना वेहानद बतल इत्‍ते, वेला तक्‍को मंता. अदुनहाटीं इंदकेटाल मुन्‍ने बोन्क मुत्‍तो मंता, ओर मुत्‍तो हिल्‍वाप मंदना.

2 कुरेंति 10:4

मोमोट लडाइ कियाना विस्रें दुनियातोरसंटव आयों, गानि किल्‍लान कूलाहनाहाटीं पेनदाहेंदाल ताकततव आंदुं.

2 कुरेंति 6:7

सत्‍तेम पोल्‍लेते, पेनदा ताकतते, नीतिता आयदार्क तिना कय्‍दे, रोड्‍डा कय्‍दे पीसि,

इपीसि 4:22

अय्ते मीवा पडाना पिस्वरते मत्‍ता गुनाल्‍कुन इंदके तेंडसि पोहाट. अव गुनाल्‍क मीलोप्‍पो कराब कबाह्‍क कियाना आसे पुट्‍टिचि मीकुन पाडगीसि पोहंतां.

इपीसि 5:11

अचोने आयका, बताके ओज्जुवा हीकटता कबाह्‍कुने मिमेट पोत्‍तु आयमट. गानि असोंटा कबाह्‍कुन पलाते अरहट.

इपीसि 5:8

उंदास्के मिमेट हीकटते पिस्सेक मत्‍तिर. गानि सामिनपोर्रो बरोसा इरताहाटीं इंदके मीकु पेनदा वेलगु दोर्कता. अदुनहाटीं वेलगुने पिस्‍सानोरा संतानमलेह्का ताकट.

इब्रि 10:25

आरादनाहाटीं उंदगा जमा आयाना जेगाते वायाकोंटा मनमळ इच्‍चुर्कु अलवट आसि मंता. गानि मनम ओरलेह्का मनामन्‍नि. मुक्‍केमाता पोल्‍ले बतल इत्‍ते, येसु सामि मरुंदि मल्का वायाना रोजु दग्गेर्क वासंता, अदुनहाटीं मनम अंटोरम उंदासि, वरोंक-वरोर दैरनेम हीसेक मुन्‍ने अरकोम इंचि इंकिच्‍चो जिद्‍दिते वेहासेक मंदना.

इब्रि 12:1

इचोन मंदिता गवाइं, मब्बुनलेसीं मना सुट्‍टु आताप मंतां. अदुनहाटीं मनाकुन आपाना हरेक बर्वुन आनि अल्कगा पट्‍टुने अरहना पापमतुन होळसिसि, पेन मनाकु हुपिस्‍ता हरदे ओप्‍केते वितकोम.

याकोब 1:21

अदुनहाटीं मीलोप्‍पो मत्‍ता कराब पोल्‍लेन आनि दुस्‍ट मनसुन तेंडसि पोहाचि, पेन मीवा मनसुने हीता बेसता पोल्‍लेतुन मिमेट पेद्‍दातनम हूळाकोंटा पीकुंटु. बारित्‍ते अद मीवा आत्मान पिसागोटनाहाटीं बलमतद आंद.

याकोब 5:8

अल्‍हेने सामि मल्सि वायना वेला दग्‍गेरा वासि मंता. अदुनहाटीं मिमेटगुडा मीवा मनसुन गट्‍टिगा कीसि, ओप्‍केते मंटु.

1 पत्रु 2:1

पेन बच्‍चोर दया कियानद आंद इंचि मिमेट अय्ते एरपाट कीतिट. अदुनहाटीं अन्‍नि तीरकुना तप्पु कबाह्‍क, अन्‍नि तीरकुना बोंकिचमळ, नडेह कियमळ, कळ्‍क पोतमळ, अन्‍नि तीरकुना अपमानम कियमळ इवुन होळसीम्टु.

1 पत्रु 4:7

इंदके दुनियाते मनना अन्‍निटवुना आकिर रोजकु दग्‍गेरा एवतां. अदुनहाटीं मिमेट पारतना कियानेंके बेस विचारमते, तेल्‍विते मंटु.

2 पत्रु 3:11

इवन्‍नि नासडेम आयाना मंता, अदुनहाटीं मिमेट पवित्र अल्हेन पेनदा पिस्वरते बल्हा मंदगोम, विचारम कीम्‍टु.

2 पत्रु 3:9

सामि हीता पोल्‍ले पूरा कियालय ओर आल्सेम कीसेक मंतोर इंचि इच्‍चुर इंतुर, ओर अल्हा आल्सेम कीसेक हिल्‍लोर. गानि बोरे मनकल नासडेम आयाकोंटा, अंटोर्क ओरा मनसु मार्सकुनना मोका दोर्कना इंचि मीवा बारेमते ओर्सुकुंचेके मंतोर.

1 योहान 2:18

पिलाल्‍कुनिटा! इद आकिरता वेला आंद, किरिस्‍तुना पगातोर वायानुर इंचि मिमेट केंजसि मत्‍तिर. अल्‍हेने इंदके किरिस्‍तुना वेल्‍लेटोरे पगातोर वातुर. इदुनहेंदाल, इद आकिरता वेला आंद इंचि मनाकु तेळियंता.

पेन हुपिस्‍ता पोल्‍लें 1:3

पेनदाहेंदाल वाता ई वायाना कालमते जर्गना पोल्‍लेन बोर अय्ते हदवंतुर, केंजांतुर आनि अव्टे रासि मत्‍ता परकारम ताकंतुर ओर आसिर्वाद दोर्कतोर आंदुर. बारित्‍ते इव पोल्‍लें जर्गना वेला दग्गेर्क एवता.

पेन हुपिस्‍ता पोल्‍लें 22:10

अद दूता मर्रा नातोनि, “इद पुस्तकमते वेह्‍चि मत्‍ता पोल्‍लें निजम आयाना वेला दग्‍गेरा एवता, अदुनहाटीं इद पुस्तकमतुन निमे मक्‍किचि इर्रुमा,” इंचि इत्‍ता.