रोम सहरतोरहाटीं पौलुसना सिट्‍टि 13:1 - पवित्र पोल्‍ले

¹ इदु दुनियापोर्रो मननव अन्‍नि अदिकाराल्‍क पेनदाहेंदाले वातव आंदु, इंदके राज्येम कियनोर्कगुडा पेने अदिकारम हीता. अदुनहाटीं राज्येम कियनोर वेहाताप अंटोर बेस केंजिस ताका पींता.

रोम सहरतोरहाटीं पौलुसना सिट्‍टि 13:1 Iomraidhean Croise

मत्‍तयाल 6:13

माकुन पट्‍टुने अर्राकोंटा कापाळा, सेड्‍डातनमताल माकुन पिसागोट्‍टा. बस्केळक राजाल निमेन आंदिन. अदुनहाटीं ताकत आनि महिमा बस्केळक नीवदे आंद.” आमीन!

योहान 19:11

अस्‍के येसु, “पोर्रो मनना पेन आ अदिकारम नीकु हीता, अचोने! हिलाकोंटे नीकु नावापोर्रो बतले अदिकारम हिल्‍ले. अदुनहाटीं, नाकुन नीवा कय्‍दुक अप्पजेपतोंके एक्‍को पापम दल्‍गंता,” इंचि इत्‍तोर.

प्रेरितुल्‍कुना कबाह्‍क 2:41

अस्‍के बोर अय्ते ओना पोल्‍लेन ओप्‍कुत्‍तुर, ओर अंटोर बापतिस्मा एततुर. इल्‍हा ओर अंटोर कलियसि मूड वेय्‍कुना मंदि आतुर.

रोम सहरतोरहाटीं पौलुसना सिट्‍टि 12:21

मीवा कय्‍दाल सेड्‍डा कबाह्‍क आयाकोंटा उसारते मंटु, बेसता कबाह्‍क कीसि सेड्‍डा कबाह्‍कुन ओळिच्‍चट.

रोम सहरतोरहाटीं पौलुसना सिट्‍टि 13:2

बारित्‍ते, अदिकारि वेहाताप ताकवोर, पेन निलाहता पद्‍दतकुंक विरोद कीताप आंता. अल्हा ताकवोर ओनद-ओरे सिक्‍सा दोर्किच्‍कुंतोर.

इपीसि 5:21

मनसुने किरिस्‍तुना वेर्रे इर्सि वरोंक-वरोर लोंगिस मंटु.

1 तिमोति 2:2

मनम राजालोराहाटीं आनि पेद्‍दा-पेद्‍दा अदिकारिल्कुनाहाटीं पारतना कियगोम. अल्हा कीते मनम आरामते, सांतिते आनि पेनदुक नच्‍चना कदरगल्‍ला पिस्वर पिसा पर्रांतोम.

तीतु 3:1

राज्येम कियानोरद आनि अदिकारिल्कुना पोल्‍ले केंजसि ओर वेहताप ताकना, इंचि लोकुल्‍कुंक मति कीसि हीम. इंका कदरलायक मंदना हरेक बेस कबळ कियालय बस्‍केळ्‍क तयार मंदना.

यहुदा 1:8

अल्‍हेने कलां हूळना लोकुल्‍कगुडा मेंदुल्तुन पापमते अरहंतुर, पेनदा अदिकारमतुन हय्सुर आनि स्वर्गमकु संबंदिंचि मत्‍तोर्कुना अपमानम कींतुर.

पेन हुपिस्‍ता पोल्‍लें 17:14

ईर राजालोर गोर्रे पोरिनतोनि लडाइ कियानुर. गानि गोर्रे पोरि सामिल्‍कुना सामि, राजालोरा राजाल आताहाटीं, अद दाना केयतोर, पेरतोर आनि विस्वासुल्‍कुनतोनि कलियसि आ राजालोर्कुन गेल्‍संता,” इंचि इत्‍ता.

पेन हुपिस्‍ता पोल्‍लें 19:16

ओना कपडि आनि तोडापोर्रो, “राजालोर्कुना राजाल, सामिल्‍कुना सामि,” इंचि रासि मंता.