रोम सहरतोरहाटीं पौलुसना सिट्‍टि 12:3 - पवित्र पोल्‍ले

³ पेन दाना कुर्पाते नाकुन सेवक इंचि निलाहता, दानहाटीं नना मीकु वरोर-वरोंक बतल वेहसेक इत्‍ते, पेन मीक तूसि हीता विस्वासमता लेक्‍का परकारमे वळ्कना अचोने, दानकन्‍ना एक्‍को विचारम कियमट.

रोम सहरतोरहाटीं पौलुसना सिट्‍टि 12:3 Iomraidhean Croise

लूकाल 18:11

परिसि वेरे नित्‍तिसि पारतना कियालय दल्‍गतोर, ए पेनबाबा! नना इंका वरोनलेसीं दोंगन आयोन, इंकावरोन बोंकिचानोन आयोन, बोगम कबाह्‍क कियानोन आयोन, ई कर वसुल कियानोनलेसीं लोकुल्‍कुन मुळहानोन आयोन.

योहान 3:34

बोन अय्ते पेन लोहचीता, ओन पेन दाना आत्माते पुरागा निहता. अदुनहाटीं ओर सिराप पेनदा पोल्‍लेंगें वेहांतोर.

रोम सहरतोरहाटीं पौलुसना सिट्‍टि 1:5

अंटोर लोकुल्‍क ओन विस्वासम कियना, ओर वेहताप ताकना इंचि पेन नावापोर्रो कुर्पा हुपिच्‍चि नाकुन येसुनहेंदाल प्रेरित इंचि निलाहता.

रोम सहरतोरहाटीं पौलुसना सिट्‍टि 11:20

मिमेट इनानद निजमे! गानि उंदि पोल्‍ले मति इर्रट, ओर पेन पोर्रो विस्वासम कियवाहेंका पेन ओर्कुन कोम्मन नर्किसि पोहताप पोह्‍चीता. मिमेट बारे किरिस्‍तुनपोर्रो विस्वासम कीतिर इंचि पेनतोनि कलियसि मंतिट. अदुनहाटीं वट्‍टिदे पोंगसेके तिरियाकोंटा पेनदुक वेरियसि मंटु.

रोम सहरतोरहाटीं पौलुसना सिट्‍टि 11:25

विस्वासुल्‍कुनिटा, “मोमोटे तेल्विगल्‍लोरम” इंचि मिमेट पोंगामन्‍नि. अदुनहाटीं इस्राएलतोरा बारेमता उंदि मर्मम मीकु वेहना इनकुत्‍तन. अद बतल इत्‍ते, पेनदा विचारम परकारम, यहुदि आयवोर बचटुर लोकुल्‍क अय्ते विस्वासमते वायनद मंता ओर अंटोर किरिस्‍तुनपोर्रो विस्वासम कियनदाका इस्राएलता इच्‍चुर लोकुल्‍क पेनदा पोल्‍ले केंजाकोंटा गळसु आसि मनानुर.

रोम सहरतोरहाटीं पौलुसना सिट्‍टि 12:16

अंटोरतोनि बेस कलियसि मंटु, पोमाडेंगि वेहकुन्‍मटु. कदर हिल्वा लोकुल्‍कुनतोनि बेस कूळसि मंटु, मोमोटे तेल्विगल्‍लोरम इनकुनमटु.

1 कुरेंति 15:10

गानि इंदके बतलय्ते मंतानो, पेनदा कुर्पाहेंदाले मंतन. अद कुर्पा नाक एर्तम आयाहिल्‍ले. नना कळमता प्रेरितुल्‍कुंकन्‍ना एक्‍को कस्‍टम कीतन. अय्नागानि निजम इत्‍ते नना किया हिल्‍लेन, पेनदा कुर्पा नावातोनि मत्‍ता, अदे कीता.

1 कुरेंति 3:10

नाक पेन हीता कुर्पाहेंदाल, वरोर बेसता मिस्‍त्रिनलेसीं पुनादि दोहतन, दानपोर्रो इंकावरोर रद्‍दा दोस्सेक मंतोर, इल्‍हा वरोर-वरोर दानपोर्रो दोस्सानोर बल्हा रद्‍दा दोस्सेक मंतोर, ओर बेस हूळसि दोसना.

1 कुरेंति 7:17

गानि बल्हा अय्ते मीकुन सामि निलाहतोर, बल्हा अय्ते मीकुन पेन केयता, अल्‍हेने मिमेट मंटु. इद अन्‍नि कलिसियाने नावा नियम आंद.

2 कुरेंति 10:13

मोमोट अय्ते मावा अदिकारता पलाते बस्‍केने होन्‍नोम, गानि पेन माक हीता गेट्‍टुना लोप्‍पोने मंचि मोमोट पेद्‍दिरकेम कींतोम. इदे गेट्‍टुन लोप्पो मिमेट मंतिर.

2 कुरेंति 12:13

वेरे कलिसियांकन्‍ना मिमेट बद पोल्‍लेते तक्‍को मत्‍तिट? सिराप इदे गदा, नना मीपोर्रो बर्वु आसि मना हिल्‍लेन, इदे नावा तप्‍पु, नावा तप्‍पुन मापि कीम्‍टु.

2 कुरेंति 12:7

नाक हुपिस्‍ता मर्ममता पोल्‍लें वेल्‍लेने मत्‍ताहाटीं नावा लोप्पो पेद्‍दिरकेम वायामन्‍नि इंचि पेन नावा मेंदुलते उंदि हापु इरता. अद नाकुन दबांचि इर्रालय देय्यमता दूतालेसीं कोह्‍कसेके मनंता.

गलातिया 6:3

बारित्‍ते, बोरे आयिर पेद्‍दातनम हिलाकुना गानि पेद्‍दातनम हुप्‍संतुर, असंटोर ओरद-ओरे पसांचकुंचेके मंतुर.

इपीसि 3:2

पेन दाना कुर्पाता बारेमते मीकु वेहना जिम्मेदारि नाकु हीता इंचि मिमेट केंजसे मंदकिट.

इपीसि 3:4

अदुन मिमेट हदुवकिर अस्‍के किरिस्‍तुना बारेमता आ मर्ममता पोल्‍लें नाक बल्हा तेळियतां इंचि मिमेट एरपाट कीकिट.

इपीसि 4:16

मेंदुल्ते मनना कील्‍कु-नर्राल्‍कु मेंदुल्ता वेरे-वेरे बागाल्‍कुन बल्हा अय्ते उंदान्‍कु-उंदि अंटिच्‍चि इर्रांतंगों, अल्हे किरिस्‍तुना मेंदुल आसि मत्‍तोर्कुन ओरे अंटिच्‍चि इर्रंतोर. मेंदुल्ता हरेक बागम, मेंदुलतोनि कलियसि अवुना कबाह्‍क अव बरोबर कीतेने मेंदुल बेस बरोबर मनंता. अल्‍हेने कलिसियातोरगुडा वरोन-वरोर पावरमते हूळसेक, ओर्क पेन हीता कबाह्‍कुन बरोबर कीते, ओर पेनदापोर्रोटा बरोसाते बेस बेर्संतुर.

कुलुसि 1:29

इदुनहाटीं किरिस्‍तुना पूरा ताकत नावा लोप्पो गट्‍टिगा कबळ कीसेके मंता, दानाहेंदाल नना मनसु दोस्‍सि बागा कस्‍टम कीसेके मंतन.

कुलुसि 2:13

मिमेट तप्‍पु कबाह्‍क कीतिर, यहुदि आयवोर मत्‍तिर, अदुनहाटीं आत्माते हासि मत्‍तिर. गानि पेन मना अन्‍नि पापाल्कुन मापि कीसि किरिस्‍तुनतोनि मीकुन जीवाते तेहता.

1 तिमोति 1:14

मना सामिना कुर्पा नाकु वेल्‍लेन दोर्कता. अचोने आयका, येसु किरिस्‍तु ओनगा मनना विस्वासम आनि पावरमगुडा नाकु हीतोर.

1 तिमोति 2:15

गानि अद ओक्‍कला विस्वासम, पावरम, पवित्र आनि ओप्‍केते पिलाल्क कंचेके तल्‍लुना जिम्मेदारिं पूरा कियानय्ते, दानकु तप्‍पाकोंटा मुक्‍ति दोर्कार.

1 तिमोति 2:9

अल्‍हेने मुरताह्कुना हेंदाल नना कोरानद बतल इत्‍ते, अव सादा-सिंपल कपडिं पोंडसि, साप मनसुने मनगोम. इंका बेस कबाह्‍क कीसि पेनदा बेस बक्‍ति कियनावुनलेसीं मनगोम. गानि बंगाराल्क, डिस्‍को पूसाना दुम्मे वाटकुंचि, वेल्‍लेन दराता कपडिं केरसि, रका-रकाल्कुना जेडां वाटसि सिंगाराल्क अर्रानायो. बारित्‍ते मुरताह्कुंक अदे बेस.

तीतु 2:12

अद दया मनाकु, मनम पेनदुक नच्‍चुवा पिस्वर आनि सततुन आपकुंचि, इद दुनियाते बेस बक्‍तिते, सवरटा हर्दे आनि पेनदुक नच्‍चना पिस्वर पिसगोम, इंचि कराहंता.

तीतु 2:2

ओप्‍केते, इमानदार मनमळते, सततुन आपकुनमळते, विस्वासमते, पावरमते, दैरनेमते, ओर्सकुनमळते गट्‍टिगा मंदालय मातरलोर्कुंक करहा.

तीतु 2:4

अल्‍हेने अव लेय्या मुरताह्कुंक, अवुना मुय्दुर्कुन, पिलाल्कुन पावरम कियाना,

तीतु 2:6

अल्‍हेने लेय्युर्कुंक जोर हीसि वेहा गदा, ओर सततुन आपकुंचि पिस्सिरकांटी.

याकोब 4:6

पेन अय्ते इंका एक्‍को कुर्पा कींता. अदुनहाटीं, “पेन पेद्‍दिरकेम कियानोर्कुंक विरोद कींता आनि सिन्‍नातनम आसि मनानोर्कुंक कुर्पा कींता,” इंचि दर्मसास्‍त्रमते रासि मंता.

1 पत्रु 1:13

अदुनहाटीं मिमेट बेसता बुद्‍दितोनि, हुसारते मंटु. येसु किरिस्‍तु मर्रा मल्सि वातस्के मीक दोर्कना कुर्पाताहाटीं पूरा आसेते मंटु.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.

1 पत्रु 4:7

इंदके दुनियाते मनना अन्‍निटवुना आकिर रोजकु दग्‍गेरा एवतां. अदुनहाटीं मिमेट पारतना कियानेंके बेस विचारमते, तेल्‍विते मंटु.

1 पत्रु 5:5

अल्‍हेने ए लेय्युरिटा! मिमेटगुडा पेद्‍दाल्क वेहताप ताकट, वरोंक-वरोर सेवा कियानाहाटीं सिन्‍नागासि मुन्‍ने ताकट. बारित्‍ते, पेन गर्रा कियानोर्कुंक अड्‍डम तिरियंता, गानि सादा-सिंपल मंचि ताकानोर्कुंक कुर्पा हींता.

1 पत्रु 5:8

मीवा पगातद पेद्‍दा देय्यम बोन तिनकन इंचि सिंहमतालेसीं वरगेयसेके नालुं मूलां तिरियसेक मंता, अदुनहाटीं हुसारते, तेल्‍विते मंटु.

3 योहान 1:9

नना कलिसियातोर्क उंदि सिट्‍टि रासि लोहतन. गानि कलिसियाते पेद्‍दा आयालय हूळना दियुतिरपेस इनानोर नना वेहानदुन ओप्‍कुंचेक हिल्‍लोर.