रोम सहरतोरहाटीं पौलुसना सिट्‍टि 11:7 - पवित्र पोल्‍ले

⁷ इल्‍हा इस्राएल लोकुल्‍क बदुन अय्ते मनसु तासि पह्कसेक मत्‍तुरो, अद ओर्क दोर्काहिल्‍ले. गानि पेन पेरकुत्‍तोर्कुंक मात्रम अद दोर्कता. कळमतोर बोर अय्ते मत्‍तुर, ओर पेनदा पोल्‍ले केंजाकोंटा ओरा मनसुन गळसु कीता.

रोम सहरतोरहाटीं पौलुसना सिट्‍टि 11:7 Iomraidhean Croise

मरकुस 6:52

बारित्‍ते मुन्‍ने हेय्युं वेय्‍कुना मंदिक गाटो दोसतद हूळसि मत्‍तुर, अय्नागानि येसु सामिना बलमतुन ओर एरपाट किया हिल्‍लुर. ओरा मनसुक बंडालेसीं आसि होत्‍तां.

लूकाल 13:24

अस्‍के येसु ओन्क इल्‍हा वेहतोर. “मिमेट बस्‍केळ्‍क इर्कुटोम मत्‍ता हरदाल होळियालय इरगा कोसिस कीम्‍ट. नना वेहानद बतल इत्‍ते, आ हरदाल वेल्‍ले मंदि होळियालय हूळांतुर गानि ओर होळिया परुर.

योहान 12:40

“ओर ओरा कळ्‍कुन दिसाकोंटा कीतोर आनि ओरा मनसुन बंद कीतोर. अदुनहाटीं ओर कळ्‍कुने हूळा परसेक हिल्‍लुर, मनसुनाल ओर्क तेळियसेक हिल्‍ले. दीनहेंदाल ओर नाहेके तिरियुर, नना ओर्कुन बेस किय्योन.”

रोम सहरतोरहाटीं पौलुसना सिट्‍टि 10:3

बारित्‍ते पेने लोकुल्‍कुन नीतिमंतुल्क कींता इत्‍ता संगति ओर्क तेळियका, सतता नियमताहेंदाल नीतिमंतुल्क आंतोम इंचि ओर इनकुत्‍तुर. इल्‍हा ओर पेन हुपिस्‍ता हर्दुन ओप्कुना हिल्‍लुर.

रोम सहरतोरहाटीं पौलुसना सिट्‍टि 11:25

विस्वासुल्‍कुनिटा, “मोमोटे तेल्विगल्‍लोरम” इंचि मिमेट पोंगामन्‍नि. अदुनहाटीं इस्राएलतोरा बारेमता उंदि मर्मम मीकु वेहना इनकुत्‍तन. अद बतल इत्‍ते, पेनदा विचारम परकारम, यहुदि आयवोर बचटुर लोकुल्‍क अय्ते विस्वासमते वायनद मंता ओर अंटोर किरिस्‍तुनपोर्रो विस्वासम कियनदाका इस्राएलता इच्‍चुर लोकुल्‍क पेनदा पोल्‍ले केंजाकोंटा गळसु आसि मनानुर.

रोम सहरतोरहाटीं पौलुसना सिट्‍टि 11:5

अल्‍हेने इंदकेगुडा पेनदा कुर्पाहेंदाल इच्‍चुर लोकुल्‍कुन दानाहाटीं वेरे कीसि इरता.

रोम सहरतोरहाटीं पौलुसना सिट्‍टि 3:9

सरे! अय्ते मनम यहुदिल्कुम, यहुदि आयवोरकन्‍ना बेसतोर्कुमा? असले आयोम. बारित्‍ते यहुदिल्क आयिर, युनानिर्क आयिर. अंटोर पापम कीतोरे इंचि नना मीकु मुन्‍नेन वेहचि मत्‍तन.

रोम सहरतोरहाटीं पौलुसना सिट्‍टि 6:15

इंदके पेनदा कुर्पा मनाकु दोर्कताहाटीं मनम मूसाना नियमता कय्‍दा हिळु हिल्‍लोम, अय्ते इंदके मनम पापम कीकोमा मरि? अल्हा बस्‍केने कियामन्‍नि.

रोम सहरतोरहाटीं पौलुसना सिट्‍टि 9:18

दीनहेंदाल मनाकु बतल तेळियंता इत्‍ते, पेन अद इनकुत्‍तोन पोर्रो दया कींता, अल्‍हेने अद इनकुत्‍तोन कटकेलमरि कींता.

रोम सहरतोरहाटीं पौलुसना सिट्‍टि 9:23

पेन अल्हा ओप्के पीसि बारि मत्‍ता इत्‍ते, पेन दाना महिमा आनि दया बच्‍चोन बेसतद इंचि बोर लोकुल्‍कुंक अय्ते हुप्‍सना मत्‍ता, अद ओर्कुन मुन्‍नेन पेरता.

1 कुरेंति 10:19

नना बतल वेहसेक इत्‍ते, बोम्मांक मोळ्कता गाटोक बतल हिल्‍ले, बोम्मन लोप्‍पोगुडा बतल हिल्‍ले.

2 कुरेंति 3:14

इस्राएल लोकुल्‍कुना मनसुक गट्‍टिगा आसि होत्‍तां. इव रोजकुनेगुडा बस्के अय्ते ओर पळाना नियम हदवंतुर, अस्‍के अदे मुस्‍कु ओरा मनसुन मुच्‍चंता. सिराप किरिस्‍तुनपोर्रो विस्वासम इरते, किरिस्‍तुए ओरा मुस्‍कुन तेंडा परांतोर.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

इपीसि 1:4

अद बल्हा इत्‍ते, मनम पेनदा नदरते पवित्र आनि दोसेम हिलाकोंटा मंदना इंचि, पेन ई दुनियातुन पुट्‍सकामुन्‍नेन अद मनाकुन किरिस्‍तुना लोप्पो पेरकुत्‍ता.

इपीसि 4:18

ओरा विचाराल्क बत्‍ताके ओज्‍जाकोंटा आतां. ओर्कु तेल्वि तक्‍को मत्‍ताहाटीं ओरा मनसु बंडालेसीं गट्‍टिपळसोत्‍ता. अदुनहाटीं ओर पेनदुन तेल्‍पिचकुना हिल्‍लुर. इल्‍हा पेन हिय्याना पूना पिस्वरताल ओर्कुन लक्‍कु कियमळ जर्गता.

पिलिपिया 1:18

अयना बतल आयो. बेस उद्‍देसमते आयि, कराब उद्‍देसमते आयि, अद बल्हे आयि! किरिस्‍तुना बारेमतेन वेहमळ जर्गसंता इंचि नाकु वेल्‍लेन कुसि आसंता. आनि नना इल्हेन कुसिते मनंतन.

इब्रि 12:17

पजा एसावुना गति बतल आता मीक अय्ते तेळियसे मंता. वारसान हक्‍कुनाहाटीं बाबोनगा आसिर्वाद येतालय होत्‍तस्के, बाबो ओन्क आसिर्वाद हिय्या हिल्‍लोर. ओर अळसि-अळसि वेल्‍ले कोसिस कीतोर गानि ओन्क मनसु मार्सकुनालय मोका दोर्काहिल्‍ले.

1 पत्रु 1:2

पेनबाबाल मीकुन मुन्‍नेन पेरसि निलाहतोर. अदुनहाटींगे, मिमेट येसु किरिस्‍तु वेहताप ताकगोम, ओना पोंगता नेत्‍तुरते मीवा पापाल्क पायसि होनगोम इंचि पवित्र आत्माताहेंदाल मीकुन पवित्र कीतोर. पेनदा कुर्पा, सांति मीक इरगा दोर्किकांटी.