रोम सहरतोरहाटीं पौलुसना सिट्‍टि 11:6 - पवित्र पोल्‍ले

⁶ ओरा बेसता कबाह्‍कुन हूळसि पेन ओर्कुन पेर्रा हिल्‍ले, गानि अद दाना कुर्पाहेंदाले ओर्कुन पेरता. ओक्‍कला अल्हा जर्गकोंटा मंचि मत्‍ते, दाना कुर्पा निजम कुर्पा मनाकोनवड.

रोम सहरतोरहाटीं पौलुसना सिट्‍टि 11:6 Iomraidhean Croise

लूकाल 6:13

पंगातस्के ओना सिस्युल्कुन अंटोर्कुन दग्गेर्क केय्‍सि ओराव्टेटाल पन्‍नेंड मंदितुन पेरतोर. पेरसि ओर्कु, प्रेरितुल्क इंचि पोरोल दोसतोर. येसु पन्‍नेंड मंदितुन पेरकुत्‍तोर ओरे प्रेरितुल्क इंचि पोरोल दोसतोर.

1 कुरेंति 15:10

गानि इंदके बतलय्ते मंतानो, पेनदा कुर्पाहेंदाले मंतन. अद कुर्पा नाक एर्तम आयाहिल्‍ले. नना कळमता प्रेरितुल्‍कुंकन्‍ना एक्‍को कस्‍टम कीतन. अय्नागानि निजम इत्‍ते नना किया हिल्‍लेन, पेनदा कुर्पा नावातोनि मत्‍ता, अदे कीता.

गलातिया 2:21

पेनदा कुर्पातुन नना विलवा हिल्‍ले इंचेक हिल्‍लेन. गानि मूसाना नियम परकारम ताकसि मनकालोर नीतिमंतुल्क आयानय्ते मनाहाटीं येसु किरिस्‍तु हायना अव्‍सरम मनाहिल्‍ले मरि.

गलातिया 5:4

मी लोप्पोटाल बोर अय्ते मूसाना नियम मत्‍ताप ताकसि नीतिमंतुल्क आंतोम इंचि इनकुंचेके मंतिर, मिमेट किरिस्‍तुनाल अलग आतिर, ओना कुर्पाताल लक्‍कु आतिर.

2 तिमोति 1:9

पेन मनाकुन कापाळसि, दाना पवित्र पोल्‍लेते केयता. इदंता मना कबाह्कुनहेंदाल जर्गाहिल्‍ले गानि सिराप ओना पिलान परकारम आनि ओना कुर्पाहेंकेन जर्गता. ई दया-मायातुन पेनबाबाल मनाकु ई दुनिया पुट्‍टका मुन्‍नेन किरिस्‍तु येसुनाहेंदाल हीतोर.

तीतु 3:5

मनाकुन कापाळतोर. मनम कीता नीति कबाह्‍कुनाहेंका ओर मनाकुन कापाळा हिल्‍लोर गानि ओना सतता दयाहेंदाले मनाकुन कापाळतोर. पूना रीतुने पुट्‍टना एर तुंगमळहेंदाल आनि पवित्र आत्मा मनाकुन पूनगा कियमळहेंदाल इल्‍हा आता.