रोम सहरतोरहाटीं पौलुसना सिट्‍टि 10:9 - पवित्र पोल्‍ले

⁹ अद बल्हा इत्‍ते, नीवा पिस्वरते, येसुए नावा सामि इंचि निमे तोळ्‍दाल ओप्‍कुंचि, ‘ओन पेन हातोरव्टेटाल मर्रा जीवाते तेहता,’ इंचि निमे नीवा मनसुनाल विस्वासम कीते, पेन नीकु मुक्‍ति हींता.

रोम सहरतोरहाटीं पौलुसना सिट्‍टि 10:9 Iomraidhean Croise

लूकाल 12:8

“नना मीकु वेहांतन, बोर अय्ते लोकुल्‍कुना मुन्‍ने नाकुन एरपाट कींतन इंचि ओप्‍कुंतोरो, मनकना रूपमते पुटतोन ननागुडा ओन पेनदा दूताना मुन्‍ने, ‘एरपाट कींतन’ इंचि ओप्‍कुंतन.

योहान 9:22

यहुदि पेद्‍दाल्कुंक वेरियसि ओना तल्‍लुर-बाबो अल्हा इत्‍तुर. बारित्‍ते येसुए किरिस्‍तु आंदुर इंचि बोर अय्ते ओप्‍कुंतोर, ओन दर्मसास्‍त्रम कराहना लोताल पेचाहमळ जर्गंता, इंचि ओर मुन्‍नेन उंदि आसि मत्‍तुर.

प्रेरितुल्‍कुना कबाह्‍क 16:31

अस्‍के, “निमे येसु सामिना पोर्रो विस्वासम इर्रा, नीकु, नीवा लोते मत्‍तोर अंटोर्क मुक्‍ति दोर्कंता,” इंचि ओर इत्‍तुर.

प्रेरितुल्‍कुना कबाह्‍क 2:24

गानि येसुन पेन हामुटाल अलग कीसि मर्रा जीवाते तेहाता, अदुनहाटीं हामुर ओन इर्रा पराहिल्‍ले.

प्रेरितुल्‍कुना कबाह्‍क 2:32

आ येसुन पेने मर्रा जीवा तेहता इंचि मोमोट अंटोरम गवाइ मंतोम.

प्रेरितुल्‍कुना कबाह्‍क 8:36

इल्‍हा हर्रि पीसि होननेंके-होननेंके ओर उंदि एर मत्‍ता जेगातगा एव्‍तुर. अस्‍के एतुन हूळसि, “हूळा! इगे एर मंता. इंदके नाकु बापतिस्मा एतालय बतलन्‍ना तकलिप मंतना?” इंचि आ आडिगुंल्‍ला मनकल इत्‍तोर.

रोम सहरतोरहाटीं पौलुसना सिट्‍टि 10:10

बारित्‍ते मनम मनसुनाल विस्वासम कीतोम इंचि मनाकुन पेन नीतिमंतुल्क कींता. तोळ्‍दाल ओप्कुत्‍तोम इंचि मनाकु पेन मुक्‍ति हींता.

रोम सहरतोरहाटीं पौलुसना सिट्‍टि 14:11

दीना बारेमते पेनदा पुस्तकमते इल्‍हा रासि मंता: “नना ओट्‍टु तिंचि वेहासेक मंतन, अंटोर लोकुल्‍क नावा मुन्‍ने टोंगरां ऊनसि, ननाने पेन इंचि एरपाट कियानुर.” इंचि मंता.

रोम सहरतोरहाटीं पौलुसना सिट्‍टि 14:9

जीवाते मत्‍तोर आयि, हासोत्‍तोर आयि, अंटोर्कुंक सामि आसि मनना इंचि किरिस्‍तु हासि मर्रा जीवाते तेदतोर.

रोम सहरतोरहाटीं पौलुसना सिट्‍टि 4:24

गानि अद मनाहाटींगुडा मंता. हातोरव्टेटाल येसु सामिन मर्रा जीवाते तेहता पेनदुन मनम विस्वासम कीतोम, इंचि अद मनाकुनगुडा नीतिमंतुल्क इंता.

रोम सहरतोरहाटीं पौलुसना सिट्‍टि 8:34

अय्ते मरि मनाकु सिक्‍सा तप्‍पो इंचि बोर इना परांतुर? सिराप पेने इना परंता. गानि येसु किरिस्‍तु मनाहाटीं हातोर अस्‍के पेने ओन मर्रा जीवाते तेहाचि दाना तिना बाजुंक उपिस्ता. इंदके ओर अगा मनाहाटीं पेनतोनि विनंति कीसंतोर.

1 कुरेंति 12:3

अदुनहाटीं पेनदा आत्माते वळ्कानोर बोरे आयिर, “येसु सापनेम दल्‍गतोर आंदुर,” इंचि इन्‍नुर. अल्‍हेने पवित्र आत्माते ताकवोर बोरे आयिर, “येसु सामि आंदुर,” इंचि इन्‍नुर.

पिलिपिया 2:11

इंका “येसु किरिस्‍ते सामि आंदुर,” इंचि हरेक नाल्के ओप्कुनगोम. इल्‍हा पेनबाबांक कदर दोर्कना इंचि अल्हा कीता.

1 पत्रु 1:21

ओनहेंदाल मिमेट पेनदापोर्रो बरोसा कीतिर. पेन ओन हातोरा लोप्पोटाल मर्रा जीवाते तेहाचि, ओन्क पेद्‍दातनम हीता. अदुनहाटीं मीवा आसे आनि विस्वासम पेनदापोर्रो मंता.

1 योहान 4:15

बोरन्‍ना ओक्‍कला, येसुए पेनदा मर्रि इंचि ओप्‍कुनानय्ते, पेन ओनालोप्‍पो निल्‍सि मनंता, ओर पेनदा लोप्पो निल्‍सि मनंतोर.

2 योहान 1:7

येसु किरिस्‍तु मनकना रूपमते पुट्‍सि वायाहिल्‍लोर इंचि वेह्‍चि पसांचनोर वेल्‍लेन लोकुल्‍क इद दुनियाते पेय्‍सतुर. इसंटोरे हूळा! पसांचनोर आनि किरिस्‍तुना पगातोर्क.