रोम सहरतोरहाटीं पौलुसना सिट्‍टि 10:6 - पवित्र पोल्‍ले

^6-8 मिमेट, “माकु पेनदा पोल्‍लें कराहलासि स्वर्गमते होंचि किरिस्‍तुन इदु बूमिपोर्रो बोर तर्रा परांतोर, हिलाकोंटे हातोरव्टेटाल किरिस्‍तुन जीवाते तेहचि तर्रालय बोर दांतोर?” इंचि इनकुनमट. गानि विस्वासम कीसि नीतिमंतुड आयनोरा बारेमते दर्मसास्‍त्रम बतल वेहंता इत्‍ते, “पेनदा पोल्‍ले निहागेन मंता, नीवा मनसुना लोप्पो आनि नीवा तोळदेन मंता.” मोमोट मीकु वेहता पोल्‍लें इवे आंदुं.

रोम सहरतोरहाटीं पौलुसना सिट्‍टि 10:6 Iomraidhean Croise

योहान 6:33

बारित्‍ते पेनबाबाल स्वर्गमताल लोहतदे, इद दुनियातोर्क पिस्वरतुन हींता. पेनबाबाल लोहचीता निजमाता तिंडि अदे आंद,” इंचि वेहतोर.

योहान 6:38

बारित्‍ते नना नावा इच्‍चां पूरा कियालय स्वर्गमताल हिळु रेय्‍सि वाया हिल्‍लेन. नाकुन लोहतोना इच्‍चातुन पूरा कियालय नना वातन.

योहान 6:58

स्वर्गमताल हिळु वाता निजम तिंडि ननाने आंदुन. मीवा एनकटा पेद्‍दाल्क मन्‍ना इनना तिंडि तिंचिगुडा हातुर, गानि इद तिंडितुन तिनानोर मात्रम बस्‍केळ्‍क जीवाते मनांतुर,” इंचि येसु ओर्क वेहतोर.

रोम सहरतोरहाटीं पौलुसना सिट्‍टि 3:22

अद हर्रि बतल इत्‍ते, बोरे आयिर येसु किरिस्‍तुनपोर्रो विस्वासम इरते पेन ओर्कुन नीतिमंतुल्क कींता. इव्टे कुलम, जाति इल्‍हा बतल हिल्‍ले.

रोम सहरतोरहाटीं पौलुसना सिट्‍टि 3:25

मना पापाल्कुना सिक्‍सातगा मोक्‍कु आयालय पेन येसुन लोह्ता. येसु किरिस्‍तु मना पापाल्कुनाहाटीं मोक्‍कु आतोर इंचि मनम विस्वासम कीसि ओप्कुनगोम. दीनहेंदाल येसुनपोर्रो विस्वासम कीतोर्कुन पेन नीतिमंतुल्क कींता. इदवेरदाका बोर अय्ते पापम कीतुरो, ओर्क सिक्‍सा हियाकोंटा पेन ओप्के पीसि मत्‍ता. इल्‍हा अद नीतिमंतुड इंचि हुपिस्‍ता.

रोम सहरतोरहाटीं पौलुसना सिट्‍टि 4:13

“मीकुन ई दुनियाता वारसदार्क कींतन,” इंचि पेन अब्राहाम आनि ओना वंसंमतोर्क पोल्‍ले हीसि मत्‍ता. अब्राहाम मूसाना नियमते वेहताप ताकतोर इंचि पेन ओन्क पोल्‍ले हिया हिल्‍ले. गानि पेनदापोर्रो ओर विस्वासम कीसि नीतिमंतुड आतोर इंचि पेन ओन्क ई पोल्‍ले हीता.

पिलिपिया 3:9

इंका किरिस्‍तुनतोनि उंदि आसि मनमळे नावा उद्‍देसम. मूसाना नियमपोर्रो बरोसा कीसि नीतिमंतुड आया पराहिल्‍लेन, गानि किरिस्‍तुनपोर्रो विस्वासम कीताहाटीं पेनदा नदरते नीतिमंतुड आतन.

इब्रि 1:3

आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्‍ला पोल्‍लेने ई दुनियातुन ताकिच्‍चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्‍तुने स्वर्गमते मंदना अन्‍निटकन्‍ना पेद्‍दा पेनदा तिना बाजुंक होंचि उदतोर.

इब्रि 11:7

विस्वासमहेंदाले नोहाल, कम्मुड वायाना मंता इंचि पेन ओन्क वेर्रे वेहतस्के ओर कम्मुडतुन बस्‍केने हूळा हिल्‍लोर गानि, पेनदा पोल्‍लेक कदर हीसि, कम्मुड वायाका मुन्‍नेन ओना कुटुंबतोर्कुन कापाळनाहाटीं पेद्‍दा डोंगा तयार कीतोर. इल्‍हा ओर दुनियातोर अंटोर तप्‍तुर इंचि ओना विस्वासमहेंदाल पेन दुनियातोर्कुन दोसिल्‍क इंचि वेहता. ओना इदे विस्वासमहेंदाल ओर, पेनदा मुन्‍ने नीतिमंतुल्क आतोरा लोप्पो कलियतोर.