रोम सहरतोरहाटीं पौलुसना सिट्‍टि 10:3 - पवित्र पोल्‍ले

³ बारित्‍ते पेने लोकुल्‍कुन नीतिमंतुल्क कींता इत्‍ता संगति ओर्क तेळियका, सतता नियमताहेंदाल नीतिमंतुल्क आंतोम इंचि ओर इनकुत्‍तुर. इल्‍हा ओर पेन हुपिस्‍ता हर्दुन ओप्कुना हिल्‍लुर.

रोम सहरतोरहाटीं पौलुसना सिट्‍टि 10:3 Iomraidhean Croise

लूकाल 10:29

ओर, नना नीतिमंतुन इंचि हुप्‍सालय, “नावा पक्‍कातोर इत्‍ते बोर आंदुर?” इंचि येसुन पूसकीतोर.

लूकाल 16:15

पजा येसु ओर्कुन, “मिमेट लोकुल्‍कुना मुन्‍ने, ‘मोमोट नीतिमंतुल्‍कुम’ इंतिर, गानि पेन मीवा मनसुन एरपाट कींता. बव पोल्‍लें अय्ते मनकना विचारमते कदरतव मंतां, अव पोल्‍लेन पेन बिल्कुल हय्‍सो.”

रोम सहरतोरहाटीं पौलुसना सिट्‍टि 1:17

बारित्‍ते पेनदा मुन्‍ने मनकल नीतिमंतुड बल्हा आंतोर इत्‍ता पोल्‍ले बेसता कबुर मनाकु वेहंता. सुरुवनाल आकिरदाका विस्वासमतेन इद आया परंता. “नीतिमंतुल्क विस्वासमतोनि पिस्संतुर,” इंचि दर्मसास्‍त्रमते रासि मंता.

रोम सहरतोरहाटीं पौलुसना सिट्‍टि 10:2

पेनदा सेवा कियना इंचि ओर्क वेल्‍लेन जिद्‍दु मंता, इदुन नना कुद्‍दु हूळतन. गानि पेनदा सेवा कियना निजम हर्रि ओर्क तेळियो.

रोम सहरतोरहाटीं पौलुसना सिट्‍टि 10:20

पजा “नाकुन पहकवोर नाकुन दोर्किच्‍कुत्‍तुर. नाकुन पूसकियवोर्कुंक ननाने कुद्‍दु दिसतन,” इल्‍हा पेन वेहता पोल्‍लेतुन दैरनेम कीसि यसायाहलगुडा रासतोर.

रोम सहरतोरहाटीं पौलुसना सिट्‍टि 11:7

इल्‍हा इस्राएल लोकुल्‍क बदुन अय्ते मनसु तासि पह्कसेक मत्‍तुरो, अद ओर्क दोर्काहिल्‍ले. गानि पेन पेरकुत्‍तोर्कुंक मात्रम अद दोर्कता. कळमतोर बोर अय्ते मत्‍तुर, ओर पेनदा पोल्‍ले केंजाकोंटा ओरा मनसुन गळसु कीता.

रोम सहरतोरहाटीं पौलुसना सिट्‍टि 3:22

अद हर्रि बतल इत्‍ते, बोरे आयिर येसु किरिस्‍तुनपोर्रो विस्वासम इरते पेन ओर्कुन नीतिमंतुल्क कींता. इव्टे कुलम, जाति इल्‍हा बतल हिल्‍ले.

रोम सहरतोरहाटीं पौलुसना सिट्‍टि 5:19

वरोर आदाम पेनदा पोल्‍ले केंजवाहेंका वेल्‍लेन लोकुल्‍क पापिर्क आतुर. अल्हेन इंकावरोर मनकल इत्‍ते येसु किरिस्‍तु पेनदा पोल्‍ले केंजताहेंका, वेल्‍लेन लोकुल्‍क नीतिमंतुल्क आंतुर.

2 कुरेंति 5:21

मनम किरिस्‍तुनाहेंदाल पेनदा लोप्पो नीतिमंतुल्क आयागोम इंचि मना बदलाते मना पापाल्कुनाहाटीं पापम कियवा किरिस्‍तु मोक्‍कु आतोर.

पिलिपिया 3:9

इंका किरिस्‍तुनतोनि उंदि आसि मनमळे नावा उद्‍देसम. मूसाना नियमपोर्रो बरोसा कीसि नीतिमंतुड आया पराहिल्‍लेन, गानि किरिस्‍तुनपोर्रो विस्वासम कीताहाटीं पेनदा नदरते नीतिमंतुड आतन.

2 पत्रु 1:1

नना सिमोन पत्रुन, येसु किरिस्‍तुना दासुन आनि प्रेरितुन आंदुन. बोर अय्ते मना पेन आनि मुक्‍ति हियना येसु किरिस्‍तुना सत्‍तेमताहेंदाल मावालेसीं विलुवाता विस्वासम दोर्किच्‍कुत्‍तुर, ओर्क इद सिट्‍टि रासेके मंतन.