रोम सहरतोरहाटीं पौलुसना सिट्‍टि 10:16 - पवित्र पोल्‍ले

¹⁶ गानि इस्राएल लोकुल्‍क अद बेसता कबुरतुन केंजसिगुडा अंटोर विस्वासम किया हिल्‍लुर. बारित्‍ते, “ए सामि! मोमोट वेहता कबुरतुन बोर नम्मुतुर?” इंचि दीना बारेमते दर्मसास्‍त्रमते यसायाहल रासतोर.

रोम सहरतोरहाटीं पौलुसना सिट्‍टि 10:16 Iomraidhean Croise

मत्‍तयाल 13:14

यसायाह इनानोर ओरा बारेमते रासतद पेनदा पोल्‍ले इंदके इल्‍हा निजम आता: “मिमेट केंजंतिर निजमे, गानि बस्‍केने अर्तम कीकुन्‍निर. कळ्‍कुने हूळंतिर, गानि अद मीकु तोसो.

योहान 10:26

गानि मिमेट नावा गोर्रेना मंदातोर आयिर. अदुनहाटीं मिमेट नापोर्रो विस्वासम कीसेक हिल्‍लिर.

प्रेरितुल्‍कुना कबाह्‍क 28:24

ओर वेहता पोल्‍लें इच्‍चुर्कु नच्‍चुतां, इच्‍चुर्कु नच्‍चुवा ओर विस्वासम किया हिल्‍लुर.

रोम सहरतोरहाटीं पौलुसना सिट्‍टि 1:5

अंटोर लोकुल्‍क ओन विस्वासम कियना, ओर वेहताप ताकना इंचि पेन नावापोर्रो कुर्पा हुपिच्‍चि नाकुन येसुनहेंदाल प्रेरित इंचि निलाहता.

रोम सहरतोरहाटीं पौलुसना सिट्‍टि 11:17

यहुदिल्क इत्‍ते पेन पोस कीता जय्‍तुन मराता कोम्मनसंटोर आंदुर. मिमेट यहुदि आयवोर इत्‍ते केडाते पुटसि-बेर्सता जय्‍तुन मराता कोम्मनसंटोर आंदिर. पेन पोस कीता मराताल सगोम कोम्मन रेब्बिस पोहताप पेन दान नम्मुवा यहुदिल्कुन पोहचीता. पोहचि, केडाते पुट्‍सि-बेर्सता जय्‍तुन मराता कोम्मन तच्‍चि रेब्बिस पोहता कोम्मना जेगाते अंटा वाटताप मीकुन ओरव्टे कल्‍पता. अल्हासि पेन पोस कीता मराता हिह्कुनाल मीकु ताकत दोर्कसंता.

रोम सहरतोरहाटीं पौलुसना सिट्‍टि 2:8

गानि बोर अय्ते सत्‍तेमते ताकाकोंटा तप्‍पुड कबाह्‍क कीसेके सतताहाटीं पिस्संतुर, ओरपोर्रो पेन होंग आसि सिक्‍सा हींता.

रोम सहरतोरहाटीं पौलुसना सिट्‍टि 3:3

यहुदिल्कुना लोप्पो पेनदा पोल्‍ले केंजवोर इच्‍चुर मत्‍तुर. ओर अल्हा मत्‍तुर इंचि पेन विस्वासमतद आयो इनकुंचंतिरा?

रोम सहरतोरहाटीं पौलुसना सिट्‍टि 6:17

मुन्‍ने मिमेट पापमता दासुल्के मत्‍तिर, गानि मीकु एव्ता पेनदा पोल्‍लेन मिमेट बेस केंजसि, करियसि इंदके अवुन पीसि ताकसंतिर. इंचि पेनदुक नना दन्यवाद कींतन.

गलातिया 3:1

ए गलातिया एरियाता लोकुरिटा, मिमेट निजमे बुद्‍दि हिल्वोर आंदिर. येसु किरिस्‍तुन क्रुसुनपोर्रो बारि वेलाळ वाटतुर? दाना अर्तम बतल? इदंता नना मीकु बेस तेळियानाल वेहचि मत्‍तन. असल मीकुन तप्‍पुड हर्दुक तिराहतोर बोर?

गलातिया 5:7

मिमेट मुन्‍ने बरोसाते बेस बेरस्सेक मत्‍तिर. गानि इंदके मीकुन बोरो आपसेक मंतुर, इंचि सत्‍तेम हर्दे ताकसेक हिल्‍लिर.

2 तेसलोनि 1:8

बोर अय्ते पेनदुन एरपाट किय्युर, बोर अय्ते मना सामि येसुना बेसता कबुरतुन पीसि ताकुर, ओर्क पेन सिक्‍सा हिय्यार.

इब्रि 11:8

विस्वासमहेंदाले पेन अब्राहामुन, “नना नीकु हुप्‍साना देसेमते होन, अगाटा पूरा जेगा नीकु हीकन” इंचि इत्‍तस्के, बेके होनना इंचि तेळियाकोन्‍ना गानि तेळियवा जेगाहेके होनालय पेय्सतोर.

इब्रि 4:2

बारित्‍ते, ई आराम दोर्कना जेगाता बारेमता बेसता कबुर इस्राएल लोकुल्‍कुंक एवताप मनकगुडा वेहमळ जर्गता. गानि ओर आ कबुरपोर्रो विस्वासम इर्रा हिल्‍लुर, अदुनहाटीं ओर्कु दानद बतले पायदा आयाहिल्‍ले.

इब्रि 5:9

इल्‍हा, ओन्क बल्हा अय्ते आयाना मत्‍ता अल्हा पुरागा आसि, ओना पोल्‍लेपोर्रो ताकाना अंटोराहाटीं ओर, बस्‍केळ्‍ताहाटीं मुक्‍ति हियानोर आतोर.

1 पत्रु 1:22

मिमेट सत्‍तेमता हर्रि ताकसि मीवा आत्मातुन पवित्र कीकुत्‍तिर. अदुनहाटीं मिमेट वरोंक-वरोर पावरम कीसेके मंतिट. अल्‍हेने इंदके मीलेसीं विस्वासुल्‍क आतोर्कुन मिमेट पूरा मनसुनाल पावरम कीम्‍टु.

1 पत्रु 2:8

इंका दर्मसास्‍त्रमते इल्‍हा मंता गदा, “अद बंडा लोकुल्‍कुंक दल्‍गंता, इंका पर्पु बंडा ओर्कुन हिळु अरहंता. बारित्‍ते, ओर पेनदा पोल्‍लेने ताकवाहेंके, बंडा दल्‍गिसि हिळु अर्रंतुर. ओर हिळु अर्रनाहाटींगे इल्‍हा निलाहमळ जर्गता.”

1 पत्रु 3:1

अल्‍हेने मुत्‍तोह्कुनिटा, मिमेट मीवा मुय्दुरा कय्‍दा हिळु वेर्रेते मंटु. ओक्‍कला ओर पेनदा पोल्‍लेते ताकाकोंटे, पोल्‍लेनतोनि आयाकोन्‍ना मीवा पवित्र आनि सत्‍तेमते ताकानदुन हूळसि विस्वासमते वायानुर.