रोम सहरतोरहाटीं पौलुसना सिट्‍टि 1:8 - पवित्र पोल्‍ले

⁸ मोदाला नना मीकु वेहानद बतल इत्‍ते, मीवा विस्वासम बारेमते पूरा दुनियाक तेळियसि होत्‍ता. इदुन मति कीसेक मीवा अंटोराहाटीं येसु किरिस्‍तुनहेंदाल पेनदुक दन्यवाद कींतन.

रोम सहरतोरहाटीं पौलुसना सिट्‍टि 1:8 Iomraidhean Croise

मत्‍तयाल 24:14

पेनदा राज्येमता बारेमता बेसता कबुर दुनियाता अन्‍नि देसेल्‍कुना लोकुल्‍कुंक उंदि गवाइ इंचि तेळियागोटसि वेहतस्के, इद दुनियाता आकिर आयार.”

लूकाल 2:1

योहान पुटतस्के, रोम सरकारता राजाल कैसर अगस्तुस ओना कय हिळु मनना अन्‍नि देसेल्‍कुना लोकुल्‍कुनद सिरगंति कियना इंचि आदेस हीतोर.

प्रेरितुल्‍कुना कबाह्‍क 11:28

ओरव्टे वरोर अगबुस पोरोलतोर मत्‍तोर. ओर पवित्र आत्माते निंडिस, पूरा दुनियाते उंदि पेद्‍दा कर्वु अर्रानद मंता, इंचि वेहतोर. इदु कर्वु कलादियुस इनना राजाना कालमते अर्सि मत्‍ता.

प्रेरितुल्‍कुना कबाह्‍क 28:22

गानि अन्‍नि जेगाने नासरेत पार्टितोरा विरोदतेन वळ्‍कानद माकु एर्का मंता. अयना नीवा विचारम बतल मंता, इद मोमोट नीवाहेंदाले केंजंतोम,” इंचि इत्‍तुर.

रोम सहरतोरहाटीं पौलुसना सिट्‍टि 10:18

अयना नना उंदि पोल्‍ले पूसकींतन, इस्राएलतोर इद कबुरतुन केंजा हिल्‍लुरा? तप्‍पाकोंटा केंजतुर. इदुना बारेमते इल्‍हा रासतद मंता: “ओरा लेंग दुनियंता केंजा होत्‍ता, ओरा पोल्‍ले दुनियाता मूला-मूलादाका एव्ता,” इंचि दर्मसास्‍त्रमते रासि मंता.

रोम सहरतोरहाटीं पौलुसना सिट्‍टि 16:19

बेसता कबुरता पोल्‍लें मत्‍ताप मिमेट ताकसेक इंचि अंटोर केंजतुर, अदुनहाटीं नना वेल्‍ले कुसिते मंतन. मिमेट बेसता पोल्‍लेनहाटीं बुद्‍दितोर आसि मंटु, सेड्‍डा पोल्‍लेनहाटीं लक्‍कु मंटु इंचि नना मीकु वेहासेक मंतन.

रोम सहरतोरहाटीं पौलुसना सिट्‍टि 6:17

मुन्‍ने मिमेट पापमता दासुल्के मत्‍तिर, गानि मीकु एव्ता पेनदा पोल्‍लेन मिमेट बेस केंजसि, करियसि इंदके अवुन पीसि ताकसंतिर. इंचि पेनदुक नना दन्यवाद कींतन.

1 कुरेंति 1:4

किरिस्‍तु येसुनलोप्‍पो मीक पेन हीता कुर्पाताहाटीं, नना पेनदुन बस्‍केळ्‍क दन्यवाद कींतन.

2 कुरेंति 2:14

पेनदुक दन्यवाद आयि! अद किरिस्‍तुनलोप्‍पो मनाकुन बस्‍केळ्‍क गेल्‍सागोटसेक ओंता आनि गमा-गमा गब्‍बुनसोंटा दाना तेल्‍वितुन मनाहेंदाल अन्‍नि जेगाने पैलांचंता.

इपीसि 1:15

अदुनहाटीं बस्केटाल अय्ते नना, सामि येसुना पोर्रोटा मीवा विस्वासम बारेमते आनि पवित्र लोकुल्‍कुन मिमेट बेस पावरमते हूळांतिर इत्‍तदुना बारेमते केंजतन, अस्‍केटाल नना नावा पारतनाते मीकुन मति कीसेके, मीवाहाटीं पेनदुक बस्‍केळ्‍क दन्यवाद वेहासेक मनंतन.

इपीसि 3:21

कलिसियाते किरिस्‍तु येसुनाहेंदाल बस्‍केळ्‍क पीळि-पीळिनदाका पेनदुके कदर दोर्कि, आमीन.

इपीसि 5:20

अन्‍नि पोल्‍लेनाहाटीं, मना सामि येसु किरिस्‍तुना पोरोलते मना पेनबाबांक बस्‍केळ्‍क दन्यवाद कीसेके मंटु.

पिलिपिया 1:11

मीवा पिस्वरते येसु किरिस्‍तु मत्‍ताहाटीं, मिमेट बस्‍केळ्‍क नीति कबाह्के कीसेक मंदना. दीनहेंदाल पेनदा पोरोल, कदर वेल्‍लेन बेरस्सेक दांता.

पिलिपिया 1:3

मीकुन नना बस्के-बस्के अय्ते मति कींतन, अस्‍के-अस्‍के पेनदुक दन्यवाद कींतन.

कुलुसि 1:3

मोमोट मीवाहाटीं बस्‍केळ्‍क पारतना कीसेके, मना सामि येसु किरिस्‍तुना पेनबाबांक दन्यवाद कीसेके मंतोम.

1 तेसलोनि 1:2

मोमोट पारतनाने मीवा मति कीसेके, मी अंटोराहाटीं पेनदुक बस्‍केळ्‍क दन्यवाद कींतोम.

1 तेसलोनि 2:13

बस्के अय्ते पेनदा पोल्‍ले मावाहेंदाल मिहगा एव्ता, अस्‍के अद मनकालोराहेंदाल वातद आयो, गानि पेनदाहेंदाल वाता निजम पोल्‍ले आंद इंचि मिमेट केंजसि ओप्कुत्‍तिर. अदुनहाटीं मोमोट पेनदुक बस्‍केळ्‍क दन्यवाद कींतोम. मीवा विस्वासुल्कुना नड्‍डुम पेनदा पोल्‍लेगुडा कबळ कीसेके मंता.

2 तेसलोनि 1:3

विस्वासुल्‍कुनिटा! मीवा विस्वासम वेल्‍ले बेरस्सेक मंता, मिमेट वरोन-वरोर कीकुनना पावरम वेल्‍ले बेरस्सेक मंता. अदुनहाटीं मोमोट बस्‍केळ्‍क मीवा बारेमते पेनदुक दन्यवाद कियमळ गावाले. इदे बरोबर मंता.

2 तिमोति 1:3

नावा पारतनाने नीकुन बस्‍केळ्‍क मति कीसेके, ना तादो-बाबुरालेह्का नना मनसुना पोल्‍लेते, बद पेनदद अय्ते सेवा कीसंतनो, अद पेनदुक दन्यवाद वेहचंतन.

पिलेमोन 1:4

पिलेमोन, सामि येसुना पोर्रोटा नीवा विस्वासम बारेमते, अल्‍हेने पेनदा लोकुल्‍कुनपोर्रो निमे हुप्‍सना पावरम बारेमते नना केंजतन. अदुनहाटीं नना पारतना कियनेंके बस्‍केळ्‍क नीकुन मति कीसि पेनदुक दन्यवाद वेहंतन.

इब्रि 13:15

अदुनहाटीं, येसु मनाहाटीं कीतदुन मति कीसि, बस्‍केळ्‍क मना तोळ्‍दाल पेनदा पोरोल येतसि, पारतना-दन्यवादाल्कुना मोक्‍कुल्क हीसेक मंदकोम.

1 पत्रु 2:5

मिमेटगुडा जीवाते मंदना बंडानलेसीं पवित्र आत्माता लोन दोहचेक मंतिट. येसु किरिस्‍तुनाहेंदाल पवित्र आत्माता बक्‍तितुन मोक्‍कु हीताप पेनदुक ओप्‍पनालायक मनालय, मिमेट पवित्र पेर्मालोरलेसीं निलाहतुर आंदिर.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.