रोम सहरतोरहाटीं पौलुसना सिट्‍टि 1:6 - पवित्र पोल्‍ले

⁶ येसु किरिस्‍तुना लोकुल्‍क आयनाहाटीं केयतोरव्टे मिमेटगुडा मंतिर.

रोम सहरतोरहाटीं पौलुसना सिट्‍टि 1:6 Iomraidhean Croise

रोम सहरतोरहाटीं पौलुसना सिट्‍टि 9:24

मनम अंटोरम पेन पेरता लोकुल्‍के. गानि पेन सिराप मना यहुदिल्कुनाले पेर्रा हिल्‍ले, यहुदि आयवोर लोप्पोटालगुडा पेरता.

1 कुरेंति 1:9

पेन विस्वासम लायकतद आंद. अद दाना मर्रि मना सामि येसु किरिस्‍तुनतोनि कूळसि मनालय मीकुन केयता.

गलातिया 1:6

बद पेन अय्ते येसु किरिस्‍तुना कुर्पाहेंदाल मीकुन दग्‍गेरा कीकुत्‍ता, असोंटा पेनदुन इच्‍चोन बिराना होळसिसि, बदो वेरे बेसता कबुरतेके तिरियतिर. इदुन केंजसि नाकु वेल्‍लेन इचंत्रम आसंता.

इपीसि 1:11

पेन अन्‍निटवुन दाना इच्‍चा मत्‍ताप पिलान कीसि ताकसंता. अदे पिलान परकारम मनाकुन पेनदा लोकुल्‍क इंचि मुन्‍नेने किरिस्‍तुना लोप्पो पेरमळ जर्गता.

कुलुसि 1:21

दीनकन्‍ना मुन्‍ने मिमेट पेनदागटाल लक्‍कु मत्‍तिर, कराब कबाह्‍कुनाहेंदाल दाना पगातोर आसि मत्‍तिर.

कुलुसि 1:6

अदे बेसता कबुर मिहगा वासि, पूरा दुनियाते पैलांचि लोकुल्‍कुना पिस्वरतुन बदलांचेके मंता. अल्‍हेने बस्के अय्ते अदुन मिमेट केंजतिर, केंजसि पेनदा निजम कुर्पातुन एरपाट कीसि स्विकार कीतिर, अस्‍केटाल अद मीवा पिस्वरतुनगुडा बदलांचेके मंता.

2 तेसलोनि 2:14

इल्‍हा मिमेट मना सामि येसु किरिस्‍तुना महिमातुन दोर्किच्‍कुनना इंचि, पेन मोमोट वेहता बेसता कबुरताहेंदाल मीकुन केयता.

2 तिमोति 1:9

पेन मनाकुन कापाळसि, दाना पवित्र पोल्‍लेते केयता. इदंता मना कबाह्कुनहेंदाल जर्गाहिल्‍ले गानि सिराप ओना पिलान परकारम आनि ओना कुर्पाहेंकेन जर्गता. ई दया-मायातुन पेनबाबाल मनाकु ई दुनिया पुट्‍टका मुन्‍नेन किरिस्‍तु येसुनाहेंदाल हीतोर.

इब्रि 3:1

अदुनहाटीं, पवित्र विस्वासुल्‍कुनिटा! मुक्‍तिता पालिगाह्क आयालय पेन मीकुन केयता. येसुन पेन पेद्‍दा पेर्मल आनि प्रेरित आयालय लोहचीता इंचि मनम ओप्कुत्‍तोम, अय्ते ओना बारेमते मिमेट विचारम कीम्‍टु.

1 पत्रु 2:21

इदुनहाटींगे मीकुन पेन केयता आनि किरिस्‍तु मीवाहाटीं तकलिप अरतोर, मिमेट इंका ओना अळगुने अळगु वाटसि ओना पज्जो तकलिप अर्सि ताकना इंचि उंदि उदाहरनलेसीं पेन मीकुन निलाहता.

1 पत्रु 2:9

गानि मिमेट अय्ते पेन पेरकुत्‍ता वंसमतोर, राजुल्कुनसोंटा पेर्मालोर्क, पवित्र राज्येमतोर, पेनदा लोकुल्‍क आंदिर. अदुनहाटीं मिमेट दाना अद्‍बूतामाता कबाह्‍कुन वेहाना इंचि मीकुन हीकटताल अद्‍बूतामाता वेल्‍गुने तत्‍ता.

2 पत्रु 1:10

अदुनहाटीं विस्वासुल्‍कुनिटा! पेन मीकुन केय्‍सि पेरता इत्‍ता पोल्‍लेतुन पक्‍का कियालय बस्‍केळ्‍क आतच्‍चोन कोसिस कीम्‍टु, अल्हा कीते मिमेट बस्‍केने विस्वासमताल अर्सि होन्‍निर.

यहुदा 1:1

नना यहुदन, येसु किरिस्‍तुना सेवकुन आनि याकोबुना तम्मुन आंदुन. पेनबाबाल मीकुन केय्‍सि पावरम कीतोर आनि येसु किरिस्‍तुना कय्‍दे कापाळसेक मंतोर, मी अंटोर्क नना जोहर कींतन.

पेन हुपिस्‍ता पोल्‍लें 17:14

ईर राजालोर गोर्रे पोरिनतोनि लडाइ कियानुर. गानि गोर्रे पोरि सामिल्‍कुना सामि, राजालोरा राजाल आताहाटीं, अद दाना केयतोर, पेरतोर आनि विस्वासुल्‍कुनतोनि कलियसि आ राजालोर्कुन गेल्‍संता,” इंचि इत्‍ता.