रोम सहरतोरहाटीं पौलुसना सिट्‍टि 1:4 - पवित्र पोल्‍ले

⁴ गानि मना सामि येसु किरिस्‍ते पेनदा मर्रि आंदुर इंचि हुप्‍सालय पेन दाना पवित्र आत्माता ताकतहेंदाल ओन हातोरा लोप्पोटाल मर्रा जीवाते तेहता.

रोम सहरतोरहाटीं पौलुसना सिट्‍टि 1:4 Iomraidhean Croise

मत्‍तयाल 4:3

अस्‍के आ पट्‍टु हूळानोर येसुनगा वासि, “ओक्‍कला निमे पेनदा मर्रिन आते ई बंडां हारिं आयिं इंचि आदेस हीम,” इंचि इत्‍ता.

प्रेरितुल्‍कुना कबाह्‍क 17:31

अद पेर्कुत्‍ता मनकनाहेंदाल, इद दुनियाते मनना हरेक मनकना न्‍यायम नीतिते कियानाहाटीं पेन उंदि रोजुन पिक्‍स कीता. अचोने आयका अद पेर्कुत्‍ता मनकन हातोराव्टेटाल मर्रा जीवा अरहचि अंटोर मनकालोर्कुंक अद हीता पोल्‍लेतुन रुजुव कीता.”

प्रेरितुल्‍कुना कबाह्‍क 2:24

गानि येसुन पेन हामुटाल अलग कीसि मर्रा जीवाते तेहाता, अदुनहाटीं हामुर ओन इर्रा पराहिल्‍ले.

प्रेरितुल्‍कुना कबाह्‍क 2:32

आ येसुन पेने मर्रा जीवा तेहता इंचि मोमोट अंटोरम गवाइ मंतोम.

प्रेरितुल्‍कुना कबाह्‍क 3:15

मिमेट लोकुल्‍कुंक बस्‍केळ्‍क पिस्‍साना पिस्वरता हर्रि हुप्‍सानोन हव्कतिर, गानि पेन ओन हातोराव्टेटाल मर्रा जीवा अरहता, दीना मोमोट गवाइ मंतोम.

रोम सहरतोरहाटीं पौलुसना सिट्‍टि 1:3

इद बेसता कबुर, मनकना रूपमते पुटसि वाता पेनदा मर्रिना बारेमते मंता. ओर दाविद राजाना वंसंमते पुटतोर.

2 कुरेंति 13:4

बारित्‍ते, किरिस्‍तु कमजोर आसि मत्‍तस्के ओन क्रुसुनपोर्रो मोल्‍लां कोह्‍किसि वेलाळ वाटतुर, अयना गानि पेनदा ताकतते ओर मर्रा तेदसि जीवाते मंतोर. मोमोटगुडा ओनालेसींगे कमजोर मंतोम, गानि मोमोट मीवाहाटीं पेनदा ताकतते किरिस्‍तुनतोनि जीवाते मनंतोम.

इब्रि 9:14

गानि किरिस्‍तुना नेत्‍तुर, हामुरताहेके ओयाना कबाह्‍क कियाना मना मनसुन अवुंकन्‍ना बच्‍चोर सुद्‍द किय्‍यार! अद बल्हा इत्‍ते, बस्‍केळ्‍क मनना पेनदा पवित्र आत्माता बलमतोनि, बतले दोसेम हिलुवा येसु, पेनदा मुन्‍ने सतागा मोक्‍कु आतोर. बस्‍केळ्‍क जीवाते मंदना पेनदुन मनम मोळ्‍काना इंचि येसु अल्हा कीतोर.

1 पत्रु 1:11

किरिस्‍तु बल्हा तकलिप वासि हायनुर, दाना पजा बल्हा ओनकु स्वर्गमते कदर दोर्कार इंचि ओरा लोप्पो मनना किरिस्‍तुना आत्मा मुन्‍नेन वेहचि मत्‍ता. गानि इव पोल्‍लें बोना बारेमते, बस्के आयनुं इंचि पेनदा कबुरतोर पहकुंदुर.

2 पत्रु 1:21

बारित्‍ते बवे बविस्यवानिं मनकना इच्‍चाताहेंदाल वाया हिल्‍लें, गानि पवित्र आत्माते निंडता लोकुल्‍के पेनदाहेंदाल वळ्‍कुंदुर.

पेन हुपिस्‍ता पोल्‍लें 1:18

नना अय्ते हासि मत्‍तन गानि हूळा, इंदके नना बस्‍केळ्‍ताहाटीं पिस्सि मनंतन. हामुर आनि नरकमता चाबि नहागेन मंता.

पेन हुपिस्‍ता पोल्‍लें 19:10

पजा नना आ दूताता काल्क मोळ्‍कालय दाना काल्कुनपोर्रो अरतन अय्ते अद नाकुन, “निमे नाकुन मोळ्‍कमा. ननागुडा नीलेसीं, नीवा दंटाता विस्वासुल्‍कुनलेसीं येसुना बारेमता गवाइ वेहासेके सेवा कियानोने आंदुन. निमे सिराप पेनदुने मोळ्‍का. बारित्‍ते येसुना बारेमता गवाइ इत्‍तेने बविस्यवानिता आत्मा आंदु.”