रोम सहरतोरहाटीं पौलुसना सिट्‍टि 1:13 - पवित्र पोल्‍ले

¹³ विस्वासुल्‍कुनिटा! नना मीकु वेहानद बतल इत्‍ते, यहुदि आयवा लोकुल्‍कुंक बेसता कबुर वेह्‍चि ओर्क सहायम कीतन, अस्‍के ओर ओरा विस्वासमता पिस्वरते बेस बेर्सतुर. अल्हेन मिमेटगुडा मीवा विस्वासमता पिस्वरते बेस बेर्सना इंचि नना ऊके-ऊके मिहगा वायालय हूळुंदुन, गानि इदवेरादाका बतलन्‍ना-बतल अड्‍डम वासेक मत्‍ता, इद पोल्‍ले मीकु तेळियना इंचि नना वेहासेके मंतन.

रोम सहरतोरहाटीं पौलुसना सिट्‍टि 1:13 Iomraidhean Croise

योहान 12:24

नना निजम-निजम वेहासेक, वंजि पेडे बूमिते अर्सि हासोन्‍नाकोंटे अद उंदे मनंता. गानि अद हासोंचि मोल्का वाते मात्रम पेद्‍दा बेर्सि वेल्‍लेन पेडेकुन तयार कींता.

योहान 15:16

नाकुन मिमेट पेर्रा हिल्‍लिर, गानि मीकुन नना पेरतन. पेरसि, मिमेट बेसता कबाह्‍क कीसेक बेस पलम हियगोम, इंचि नना मीकुन निलाहतन. अल्हा कीते, मिमेट नावा पोरोल्ते बाबान बतल तल्किनागानि, अद मीकु दोर्कंता.

योहान 4:36

पंटा कोय्‍यानोर बूति दोर्किच्‍कुंचेक मंतोर आनि बस्‍केळ्‍क पिस्सना पिस्वरताहाटीं पलम जमा कीसेक मंतोर. दीनहेंदाल वीततोर, कोय्‍यानोर इव्वुरगुडा कुसिते कलियसि मना परांतुर.

प्रेरितुल्‍कुना कबाह्‍क 1:15

उंदि रोजु नूटा इरवै (120) विस्वासि दादालोरा नड्‍डुम पत्रु नित्‍तिसि,

प्रेरितुल्‍कुना कबाह्‍क 14:27

अगा होत्‍तरित्‍ते, ओर कलिसियातोर्कुन जमा कीसि, पेन ओरा कय्‍दे बल्हा पेद्‍दा-पेद्‍दा कबाह्‍क कीता, वेहतुर. वेरे जातितोर्कुनगुडा विस्वासम कियालय पेन बल्हा हर्रि कीता, इंचि वेहतुर.

प्रेरितुल्‍कुना कबाह्‍क 15:12

अस्‍के बरनाबास आनि पौलुस, पेन ओर्कुन वेरे जातितोर लोप्पो लोहचि ओराहेंदाल बसंटा चिन्‍हां, इचंत्रमता कबाह्‍क कीता, अदुन ओर वेहालय दल्‍गुतुर अय्ते अंटोर लोकुल्‍क सपुडदाका आसि ओरा पोल्‍लें केंजालय दल्‍गुतुर.

प्रेरितुल्‍कुना कबाह्‍क 19:21

इदंता जर्गुता पज्जो, पौलुस मेसिडोनिया, अकाया इनना एरियानाल येरुसलेम होनना पिलान पवित्र आत्माता सहायमतोनि कीतोर. अगा होत्‍ता पज्जो, बल्हा कीसि अयना रोम सहरतुन हूळापींता, इंचि इत्‍तोर.

प्रेरितुल्‍कुना कबाह्‍क 21:19

मोदाला पौलुस ओर्क अंटोर्क जोहार कीतोर. पजा पेन ओन दाना सेवाते वाळकुंचि यहुदि आयवोरा लोप्पो बता-बता कबाह्‍क कीता, अव उंदि-उंदि कबळता बारेमते ओर्क वेहतोर.

प्रेरितुल्‍कुना कबाह्‍क 28:14

अगा माकु इच्‍चुर विस्वासुल्‍क कलियतुर. ओर माकुन ओरतोनि एडुं रोजकु मंटु इंचि इत्‍तुर. इल्‍हा मोमोट रोम सहरते एवतोम.

रोम सहरतोरहाटीं पौलुसना सिट्‍टि 1:12

इत्‍ते, मीकु-नाकु मनालोप्‍पो मत्‍ता विस्वासमताहेंदाल मनम वरोंक-वरोर प्रोत्‍साहन कीकुनना इंचि नावा मनसु मंता.

रोम सहरतोरहाटीं पौलुसना सिट्‍टि 11:25

विस्वासुल्‍कुनिटा, “मोमोटे तेल्विगल्‍लोरम” इंचि मिमेट पोंगामन्‍नि. अदुनहाटीं इस्राएलतोरा बारेमता उंदि मर्मम मीकु वेहना इनकुत्‍तन. अद बतल इत्‍ते, पेनदा विचारम परकारम, यहुदि आयवोर बचटुर लोकुल्‍क अय्ते विस्वासमते वायनद मंता ओर अंटोर किरिस्‍तुनपोर्रो विस्वासम कियनदाका इस्राएलता इच्‍चुर लोकुल्‍क पेनदा पोल्‍ले केंजाकोंटा गळसु आसि मनानुर.

रोम सहरतोरहाटीं पौलुसना सिट्‍टि 7:1

विस्वासुल्‍कुनिटा, नना मूसाना नियम तेळियसि मत्‍तोरतोनि वळ्कसेक मंतन. वरोर मनकल जीवाते मत्‍ताचुं रोजके ओनपोर्रो मूसाना नियमता अदिकारम मनंता इंचि मीकु तेळियोना?

1 कुरेंति 1:10

विस्वासुल्‍कुनिटा! मीलोप्‍पो जगडाल्‍क आसेक मंतां इंचि क्‍लोयेना लोतोर नाक वेहतुर. अदुनहाटीं मिमेट अंटोर उंदे पोल्‍लेते ताकाटु, मीलोप्‍पो वरोनद-वरोंक अर्राकोंटा मनमट, गानि मिमेट उंदे मनसुने, उंदे विचारमते कलियसि मंटु इंचि नना मीक मना सामि येसु किरिस्‍तुना पोरोलते विनंति कीसेक मंतन.

1 कुरेंति 10:1

विस्वासुल्‍कुनिटा! इद पोल्‍ले मीक तेळियका मनमळ नाक इस्‍टम हिल्‍ले. अद बतल इत्‍ते, मना एनकटा तादो-बाबुर अंटोर मब्बु तेर्पेता हिळु मंचि समुद्रमता नड्‍डुमताल ताकतुर.

1 कुरेंति 12:1

विस्वासुल्‍कुनिटा! आत्माता वराल्‍कुना बारेमते मीक तेळियका मनमळ नाक इस्‍टम हिल्‍ले.

1 कुरेंति 14:20

विस्वासुल्‍कुनिटा! मिमेट तेल्‍विते सिन्‍ना-पिलाल्कुनालेसीं मनमट, गानि पेद्‍दा मनकालोर्कुनालेसीं मंटु. कराब पोल्‍लेने सिन्‍ना-पिलाल्‍कुनलेसीं तेळियवाप मंटु. विचारम कियमळते पेद्‍दोरालेसीं मंटु.

1 कुरेंति 14:26

विस्वासुल्‍कुनिटा! इंदके बतल कियाना? बस्के अय्ते मिमेट जमा आंतिर, अस्‍के वरोर पाटा पारालय, वरोर कराहलय, वरोर पेनदा पोल्‍ले बैय्यरा कीसि वेहालय, वरोर वेरे बासाते वळ्कालय, वरोर वेरे बासाता अर्तम वेहालय तयार मनंतुर. इवन्‍नि कलिसियातोर्कुना बक्‍ति बेर्सनाहाटीं आयमळ गावाले.

1 कुरेंति 9:2

नना वेरे लोकुल्‍कुनाहाटीं प्रेरित आयाकोन्‍ना गानि मीवाहाटीं अय्ते प्रेरितुने आंदुन. नना सामिन लोप्पो प्रेरितुन इंचि मिमेटे सिक्‍कालेसीं निसान आंदिट.

2 कुरेंति 1:8

विस्वासुल्‍कुनिटा! आसिया एरियाते माक वेल्‍लेने तकलिप वाता, अद तकलिप मोमोट आपकुना परवच्‍चो मत्‍ता, मोमोट पिसंतोम इंचिगुडा इनकुना हिल्‍लोम. अद पोल्‍ले मीक तेळियसि मनागोम इंचि वेहासेक मंतोम.

2 कुरेंति 2:14

पेनदुक दन्यवाद आयि! अद किरिस्‍तुनलोप्‍पो मनाकुन बस्‍केळ्‍क गेल्‍सागोटसेक ओंता आनि गमा-गमा गब्‍बुनसोंटा दाना तेल्‍वितुन मनाहेंदाल अन्‍नि जेगाने पैलांचंता.

गलातिया 3:15

अय्ते विस्वासुल्‍कुनिटा! मना रोजता पिस्वरताल उंदि पोल्‍ले नना मीकु वेहांतन. अद बतल इत्‍ते, मनकालोरा नड्‍डुम आता करारतुनगुडा, “इद करार ताको, हिलाकोंटे इदुन बदलांचा पींता,” इंचि मनम इना परोम.

गलातिया 6:18

विस्वासुल्‍कुनिटा! मना सामि येसु किरिस्‍तुना कुर्पा मी अंटोरतोनि मन्‍निकांटी. आमीन.

पिलिपिया 1:22

इव रोंडुन नड्‍डुम नना इरगा अचाह्ताप आतन. नना पिस्सि मत्‍ते पेनदाहेंदाल इनाम दोर्कनलायक बेस कबळ किया परंतन. इल्‍हा नना हामुरतुन पेरकाना मरि पिस्वरतुन पेरकाना नाकु बतले तेळियसेक हिल्‍ले. नाक अय्ते इद मेंदुलतुन होळसि किरिस्‍तुनगेन होंचि मंदकन बारे अनपिच्‍चंता. बारित्‍ते इदे बच्‍चोनो बेस.

पिलिपिया 4:17

नाक मीहेंदाल सहायम गावाले इंचि आयो, गानि मिमेट कियना बेसता कबाह्कुनहेंका मीकु पेनदाहेंदाल आसिर्वाद दोर्कसेकेन मनना इंचि नावा विचारम मंता.

कुलुसि 1:10

इदुनहेंदाल, मिमेट अन्‍नि तीरुकुने सामिन कूस कियालय मीवा पिस्वर दानकु इस्‍टमाताप मनंता, मीक हरेक बेसता कबळते पलम दोर्किसि, पेनदा तेल्‍विते बेर्स्‍सेके दांतिट.

कुलुसि 1:6

अदे बेसता कबुर मिहगा वासि, पूरा दुनियाते पैलांचि लोकुल्‍कुना पिस्वरतुन बदलांचेके मंता. अल्‍हेने बस्के अय्ते अदुन मिमेट केंजतिर, केंजसि पेनदा निजम कुर्पातुन एरपाट कीसि स्विकार कीतिर, अस्‍केटाल अद मीवा पिस्वरतुनगुडा बदलांचेके मंता.

1 तेसलोनि 2:18

बारित्‍ते माक मिहगा वायागोम इंचि मंता. नना पौलुस, बच्‍चुंगो मल्कां कोसिसगुडा कीतन, गानि देय्यम माक अड्‍डम आयुंदु.

1 तेसलोनि 4:13

विस्वासुल्‍कुनिटा! हातोरा बारेमते मीक तेळियाकोंटा मनमळ माक इस्‍टम हिल्‍ले. बदे आसे हिल्वोर दुक्‍कमते मनंतुर, गानि ओरालेसीं मिमेट मनमट.

2 तेसलोनि 2:7

पेनदा पोल्‍लेतुन विरोद कियानोना मर्ममता ताकत इंदकेगुडा कबळ कीसेकेन मंता; गानि दान आपानोन पक्‍कक कियानादाका पेन ओन आपसेकेने मनंता.

2 तिमोति 4:17

गानि नाहेंदाल बेसता कबुर अंटोर्क एव्‍सि, दान यहुदि आयवोर अंटोर केंजगोम इंचि, सामि नाकु तोळ मंचेके नाकु बलम हीतोर. इल्‍हा नाकुन सिंहम तोळ्‍दाल कापाळतोर.