रोम सहरतोरहाटीं पौलुसना सिट्‍टि 1:11 - पवित्र पोल्‍ले

¹¹ सामिनाहेंदाल नाकु दोर्कता आत्माता वराल्कुन मीतोनि पंचकुनना इंचि नावा इच्‍चा मंता. दीनहेंदाल मिमेट पेनदा बक्‍तिते गट्‍टिगा बेर्सकिर, अदुनहाटीं नना मिहगा वायालय हूळसंतन.

रोम सहरतोरहाटीं पौलुसना सिट्‍टि 1:11 Iomraidhean Croise

प्रेरितुल्‍कुना कबाह्‍क 16:5

इल्‍हा अगाटा कलिसियानोरा विस्वासम गट्‍टिगासि इंका वेल्‍लेन लोकुल्‍क विस्वासमते वासि रोज-रोज वेल्‍लेन मंदि आतुर.

प्रेरितुल्‍कुना कबाह्‍क 19:21

इदंता जर्गुता पज्जो, पौलुस मेसिडोनिया, अकाया इनना एरियानाल येरुसलेम होनना पिलान पवित्र आत्माता सहायमतोनि कीतोर. अगा होत्‍ता पज्जो, बल्हा कीसि अयना रोम सहरतुन हूळापींता, इंचि इत्‍तोर.

प्रेरितुल्‍कुना कबाह्‍क 19:6

पजा बस्के अय्ते पौलुस ओरापोर्रो कय इरतोरो अस्‍के ओर अंटोरपोर्रो पवित्र आत्मा रेयता. ओर वेरे-वेरे बासाने वळकालय, बविस्यवानि कियालय दल्‍गुतुर.

रोम सहरतोरहाटीं पौलुसना सिट्‍टि 1:12

इत्‍ते, मीकु-नाकु मनालोप्‍पो मत्‍ता विस्वासमताहेंदाल मनम वरोंक-वरोर प्रोत्‍साहन कीकुनना इंचि नावा मनसु मंता.

रोम सहरतोरहाटीं पौलुसना सिट्‍टि 15:23

गानि इंदके, हींदा एरियाने येसु किरिस्‍तुना बेसता कबुर वेहना कबळतुन महतन, इगे बतल कबळ हिल्‍ले. अल्‍हेने वेल्‍लेने वर्सानाल मिहगा वांतन इंचि नावा जीवा तनलाळसेक मंता.

रोम सहरतोरहाटीं पौलुसना सिट्‍टि 15:29

नना मिहगा वातस्के मनम अंटोरम किरिस्‍तुना आसिर्वादते निंडांतोम इंचि नाकु एरपाटे.

रोम सहरतोरहाटीं पौलुसना सिट्‍टि 15:32

मनम पारतना कीताप पेनदुक इस्‍टम मत्‍ते, नना मिहगा वासि कोन्‍नि रोजकु मीवातोनि कुसिते मनंतन.

रोम सहरतोरहाटीं पौलुसना सिट्‍टि 16:25

येसु किरिस्‍तुना बारेमते नना वेहता बेसता कबुर परकारम, पेन मीकुन विस्वासमते इंका गट्‍टिगा किया परांता. इद बेसता कबुर एनकटा कालमताल मर्ममते मत्‍ता. गानि इंदके पेनदा कबुरतोर रासता पुस्‍तकाल्‍कुना हेंदाल मर्ममते मत्‍ता बेसता कबुरतुन बय्यारा कियालय माकु वेहता. अंटोर लोकुल्‍क इद कबुरतुन विस्वासम कीसि, पेनदा पोल्‍लेने ताकाना इंचि पेन आदेस हीता. आ बस्‍केळ्‍क मनना उंदे तेल्‍विगल्‍ला पेनदुन, मनम येसु किरिस्‍तुनाहेंदाल बस्‍केळ्‍क महिमा कीकोम. आमीन.

2 कुरेंति 1:15

इद बरोसाता हेंदाले नना मोदाला मिहगा आगिसि, मिहागटाल मेसिडोनिया दांतन. मर्रा मेसिडोनियाताल मल्सि वायानेंकेगुडा मीकु रोंडु पाय्‍दां आयगोम इंचि मिहगा आगंतन. पजा अगटाल मिमेट नाकुन यहुदिया एरियाताहाटीं सार्ला किया परांतिर इंचि इनकुंचेके मंतन.

2 कुरेंति 1:21

मीवातोनि अबिसेकम कीसि, किरिस्‍तुनलोप्‍पो गट्‍टिगा निलाहनोर पेने आंदु.

2 कुरेंति 11:4

बारित्‍ते बोरन्‍नागिंटा मिहगा वासि, मोमोट वेहवासोंटा वेरे येसुना पोल्‍ले मीक वेहते, हिलाकोंटे बदन्‍ना मुन्‍ने मिहगा हिल्‍वसोंटा आत्मा दोर्कते, हिलाकोंटे इंका बदन्‍ना मुन्‍ने मिमेट ओप्‍कुन्‍वसोंटा बेसता कबुर वाते, अदुन मिमेट कुसिते ओप्‍कुंतिर.

2 कुरेंति 9:14

मीवापोर्रो पेनदा कुर्पा वेल्‍लेने मंता, अदुनहाटीं ओर मीकुन हूळना इंचि तनलाळसेके ओर मीवाहाटीं वेल्‍लेने पावरमते पारतना कींतुर.

पिलिपिया 1:8

किरिस्‍तु येसुनलेसीं ननागुडा मीकुन पावरम कींतन, इंचि नावा जीवा मीकुन हूळानाहाटीं बस्‍केळ्‍क तनलाळंता. दीनकु कुद्‍दु पेने गवाइ मंता.

पिलिपिया 4:1

अदुनहाटीं विस्वासुल्‍कुनिटा! मिमेट सामिना विस्वासमते गट्‍टिगा मंटु. मीकुन हूळागोम इंचि नावा जीवा बच्‍चोरो तनलाळसेक मंता. नावा पावरमतोर मिमेटे आंदिर. किरिस्‍तु वातस्के, नना नावा कबळ महतन इंचि हुप्‍सानोर मिमेटे आंदिर.

1 तेसलोनि 3:13

बस्के अय्ते मना सामि येसु ओना अंटोर पवित्र लोकुल्‍कुनतोनि वांतोरो, अस्‍के मनम पेनबाबाना मुन्‍ने पवित्रते दोसेम हिलाकोंटा मनालय मना मनसुकुन गट्‍टिगा कियिरकांटी, आमीन.

1 तेसलोनि 3:2

किरिस्‍तुना बेसता कबुरतुन मावातोनि कलियसि वेहानोर पेनदा दासुड तिमोति तम्मुन मिहगा लोहतोम. मीक बसोंटा तकलिप वायिनागानि पजोळ्क-मुन्‍नेळ्‍क आयाकोंटा विस्वासमते गट्‍टिगा मंदना इंचि ओर मीकु समजांचि वेहंतोर. बारित्‍ते इसोंटा तकलिपकु बोगांचालये पेन मनाकुन निलाहता इंचि मीक एरपाटे.

2 तेसलोनि 2:17

मीवा हरेक बेस कबळते, हरेक पोल्‍लेते पेन मीकुन गट्‍टिगा किय्‍यिकांटी, इंका मीवा मनसुने सांति हिय्यिकांटी.

2 तेसलोनि 3:3

गानि सामि विस्वासमगल्‍लोड आंदुर; ओर मीकुन देय्यमता कयदाल कापाळसि गट्‍टिगा निलाहंतोर.

इब्रि 13:9

अदुनहाटीं, वेरेतोर वासि कराहना रका-रकाल्कुना बोदां केंजसि मिमेट गयबेत आयमट. बोनके बतल पायदा वायवा, तिंदाना नियमकुन पीसि तनलाळसेक मत्‍ते मना मनसुंकु ताकत दोर्को, गानि पेनदा कुर्पातेन मनसुंकु ताकत वांता.

1 पत्रु 5:10

अन्‍नि तीरकुना कुर्पा कियाना पेन मीकुन किरिस्‍तुना लोप्पो दाना बस्‍केळ्‍क मनना पेद्‍दातनमहाटीं केयता. मिमेट कोन्‍नि रोजकु तकलिपकु बोगांचतंका अदे पेन मीकुन दानलायक कींता, मीकु बलम हीसि निलाहंता.

1 पत्रु 5:12

विस्वासमगल्‍ला तम्मुर इंचि नना नम्मुता सिल्‍वानुसना कय्‍दे इद सिन्‍ना सिट्‍टि रासतन. इदे पेनदा निजम कुर्पा आंदु, इव्टे मिमेट गट्‍टिगा निल्‍सि मंटु, इंचि नना मीकु इद सिट्‍टिते रासि तेळियागोट्‍सि वेहासेक मंतन.

2 पत्रु 1:12

अदुनहाटींगे, इव पोल्‍लें मीक तेळियसि मनिना, मीकु दोर्कता सत्‍तेमते मिमेट गट्‍टिगा निल्‍सि मनिना, नना मीकु बस्‍केळ्‍क मति कीसि हीसेक मनंतन.