पेन हुपिस्‍ता पोल्‍लें 9:5 - पवित्र पोल्‍ले

⁵ मनकालोर्कुन हव्काना अदिकारम अय्ते अवुंक हिल्‍ले, गानि हेय्युं नेल्कुनदाका ओर्कुन तकलिपते अरहना अदिकारम हियमळ जर्गता. अवुनाहेंदाल आयाना तकलिप, मनकन मिच्‍चो कस्कुते बल्हा मनंता अल्हा मत्‍ता.

पेन हुपिस्‍ता पोल्‍लें 9:5 Iomraidhean Croise

योहान 19:11

अस्‍के येसु, “पोर्रो मनना पेन आ अदिकारम नीकु हीता, अचोने! हिलाकोंटे नीकु नावापोर्रो बतले अदिकारम हिल्‍ले. अदुनहाटीं, नाकुन नीवा कय्‍दुक अप्पजेपतोंके एक्‍को पापम दल्‍गंता,” इंचि इत्‍तोर.

पेन हुपिस्‍ता पोल्‍लें 11:7

पेनदा बारेमते ओरा गवाइ वेहामळ आतस्के, लोत पोक्‍काताल उंदि जिवरासि पलाते पेय्सि वासि ओरतोनि लडाइ किय्‍यार. लडाइ कीसि ओर्कुन गेल्सि हव्कार.

पेन हुपिस्‍ता पोल्‍लें 13:5

अद जिवरासि पेद्‍दिरकेमते आनि अपमानम कियाना पोल्‍लें वळ्‍कानाहाटीं पेन दानकु नल्‍पै रोंडु नेल्‍लांदाका अदिकारम हीता.

पेन हुपिस्‍ता पोल्‍लें 13:7

दान्क पेनदा लोकुल्‍कुनतोनि लडाइ कीसि ओर्कुन गेल्सानद अदिकारम हियमळ जर्गता. इच्‍चोने आयाका दान्क हरेक जाति, हरेक बासा, हरेक लोकुल्‍क आनि दुनियाता अन्‍नि देसेल्‍कुना लोकुल्‍कुनपोर्रो अदिकारम हियमळ जर्गता.

पेन हुपिस्‍ता पोल्‍लें 9:10

अवुंक मिच्‍चोनलेसीं तोकां, कोंडिं मत्‍तां. मनकालोर्कुन हेय्युं नेल्कुनदाका तकलिपते अरहचि इर्राना ताकत, अवुना तोकाने मत्‍ता.

पेन हुपिस्‍ता पोल्‍लें 9:3

आ पोयाताल गोल्‍लाबामा पुळ्कु पेय्सि बूमिपोर्रो वातां. बूमिपोर्रोटा मिच्‍चोंक बसोंटा ताकत मंतनो असोंटदे ताकत अवुंक हियमळ जर्गता.