पेन हुपिस्‍ता पोल्‍लें 9:20 - पवित्र पोल्‍ले

²⁰ अव गंडाल्कुनाहेंदाल अच्‍चोन तिप्‍पल्‍क वायिनागानि बोर अय्ते हाया हिल्‍लुरो, ओर ओरा कराब कबाह्कुनाल मनसु मार्सकुन्‍ना हिल्‍लुर. ओर देय्याल्कुन इत्‍ते, वळ्का पर्रुवव, केंजा पर्रुवव, ताका पर्रुवव बंगारम, एंडि, रागि, बंडा, कट्‍टेतोनि तयार कीता बोम्मन मोळ्‍कसेकेन मत्‍तुर.

पेन हुपिस्‍ता पोल्‍लें 9:20 Iomraidhean Croise

मत्‍तयाल 21:32

योहान मीकु सत्‍तेमता हर्रि हुप्‍सालय वातोर, ओन मिमेट नम्मा हिल्‍लिर. गानि बोगामोताह्क, कर वसुल कियानोर बारे ओन नमतुर, इद मीकु एर्के. अय्नागानि मीवा मनसु बदलांचि योहानुन नम्‍मालय मिमेट तयार आया हिल्‍लिर,” इंचि येसु इत्‍तोर.

प्रेरितुल्‍कुना कबाह्‍क 17:29

“अय्ते मनम पेनदा मर्कुम आसिगुडा, मनकल ओना तेल्विनुसार तयार कीता एंडि, बंगारम आनि बंडाता बोम्मानलेह्का पेन मनंता इंचि बस्‍केने इननायो.

प्रेरितुल्‍कुना कबाह्‍क 19:26

ई पौलुस इपीसि सहरता आनि दग्‍गेर-दग्‍गेरा पूरा आसिया एरियाता लोकुल्‍कुंक, ‘मनकल कीता पेनकु निजम पेनकु आयों,’ इंचि ओर्क एकरेवुल्क वेहसेक ओर्कुन बदलांचतोर. इद संगतितुन मिमेट हूळतिर आनि केंजतिर गुडा.

प्रेरितुल्‍कुना कबाह्‍क 7:41

पजा ओर अंटोर कलियसि पेय्यातसंटा उंदि बोम्मा तयार कीसि, आ बोम्मक मोक्‍कुल्क हियालय दल्‍गुतुर. आ बोम्मातुन ओरे तयार कीता कुसिते दाना मुन्‍ने पेद्‍दा पंडुगु कीतुर.

2 कुरेंति 12:21

अल्‍हेने नना मर्रा वाता पजा, इच्‍चुर विस्वासुल्‍क कराब कबाह्‍क, बोगमतनम, लंजेतनम इसोंटा पापाल्कुनाल मनसु मार्सकुनाकुंटे नाक वेल्‍ले दुक्‍कम आयार. अचोने आयाका पेनदा मुन्‍ने नावा सिग्गु होनना वेला वायारो बतल इंचिगुडा वेरियतन.

1 तिमोति 4:1

वायना रोजकुने, इच्‍चुर लोकुल्‍क दोका हियना आत्माना बोदां आनि देय्यमता पोल्‍लें केंजसि ओरा विस्वासमतुन होळसंतुर, इंचि पवित्र आत्मा किलियर वेहंता.

पेन हुपिस्‍ता पोल्‍लें 15:1

अस्‍के स्वर्गमते नना मरुंदि पेद्‍दा इचंत्रमता चिन्‍ह हूळतन. अद बतल इत्‍ते, एडुं दूतानगा, एडुं गंडाल्कु मत्‍तां. अव आकिरता गंडाल्कु आंदुं. अव आता पजा पेनदा होंग सल्‍लारंता.

पेन हुपिस्‍ता पोल्‍लें 16:8

नालुंगो दूता दाना वाटितुन पोडदुन पोर्रो वळियसीता, अस्‍के लोकुल्‍कुन दाना दगळाते कर्वगोटाना अदिकारम पोळ्‍दुंक हियमळ जर्गता.

पेन हुपिस्‍ता पोल्‍लें 9:19

आ गुर्राल्कुना ताकत अवुना तोड्‍डिने, तोकाने मत्‍ता. अवुना तोकांक तरास तल्‍लानलेसीं तल्‍लां मत्‍ताहाटीं, अव लोकुल्‍कुन कस्‍किसि ओर्कुन तिप्‍पल्‍क किय्युंदूं.

पेन हुपिस्‍ता पोल्‍लें 9:21

अचोने आयका लोकुल्‍कुन हव्‍कमळ, होदें कियमळ, बोगमतनाल्क कियमळ, दोंगातनाल्‍क कियमळ इसोंटा कबाह्कुनालगुडा मनसु मार्सकुन्‍ना हिल्‍लुर.