पेन हुपिस्‍ता पोल्‍लें 9:11 - पवित्र पोल्‍ले

¹¹ वेल्‍लेन लोत पोक्‍काता दूता, अवुंक राजाल आसि मत्‍ता. इब्रानि बासाते दान अबदोन आनि ग्रीक बासाते अपुलोन इंचि इंतुर.

पेन हुपिस्‍ता पोल्‍लें 9:11 Iomraidhean Croise

लूकाल 8:31

पजा देय्याल्क येसुनतोनि, “माकुन नरकमता लोतु जेगाते होनना आदेस हियमा,” इंचि बच्‍चोरो विनंति कीतां.

योहान 12:31

इंदके इद दुनियाता न्‍यायम कियना वेला एवता. इद दुनियापोर्रो राज्येम कियना अदिकारिन पलाते पेचाहचि गेदमना वेला इंदके वाता.

योहान 14:30

इंका मीतोनि एक्‍को वळ्‍कोन. बारित्‍ते दुनियापोर्रो राज्येम एलाना अदिकारि वासेकेन मंतोर. वासि अयना नावापोर्रो ओन्क बतले अदिकारम हिल्‍ले.

योहान 16:11

इंका इद दुनियापोर्रो राज्येम एलाना अदिकारिना न्‍यायम अय्ते मुन्‍नेन आसि मंता. अदुनहाटीं सहायम कियानोर न्‍यायमता बारेमते लोकुल्‍कुंक तेळियागोट्‍सि वेहंतोर.

योहान 5:2

येरुसलेम सहरते गोर्रे दरबाजा इनना जेगातगा उंदि सेरवु मंता, दान इब्रानि बासाते बेतेस्‍दा इंचि इंतुर. आ सेरवुना ओड्‍डुंक हेय्युं गुडसें वाटसि मत्‍तां.

योहान 8:44

मिमेट देय्यमता पिलाल्क आंदिर, देय्यमे मीवा बाबाल आंदुर. अदुनहाटीं मीवा बाबाल कियना तप्‍पुड कबाह्‍क कियमळ इत्‍ते मीकु वेल्‍लेन इस्‍टम. देय्यम मुन्‍नेटाले जीवां तिंचेके वाता. अद सत्‍तेमतुन बस्‍केने हय्सो. दानागा सत्‍तेम हिल्‍लेन हिल्‍ले. आबद्‍दम वळ्‍कमळे दाना गुनम आंदु, अदुनहाटीं अद बस्‍केळ्‍क आबद्‍दमे वळ्कंता, आबद्‍दमतुन पुट्‍संता.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

इपीसि 2:2

मिमेट मुन्‍ने इद दुनियातोर ताकाना रीति-रिवाजकुन पीसि ताकिंदिर. पोर्रो वळिते तिरियना देय्याल्कुना मुक्‍यल बल्हा ताकिस्‍ते अल्हा ताकिंदिर. इंदकेळ्‍कगुडा पेनदा पोल्‍ले परकारम ताकवोर लोप्पो अद आत्मा कबळ कीसेके मंता.

1 योहान 4:4

पिलाल्‍कुनिटा! मिमेट पेनदा हेंदोर आंदिर. मीलोप्‍पो मनना आत्मा, दुनियाते मनना आत्माकन्‍ना बच्‍चोनो पेद्‍देद आंद. अदुनहाटीं आ आबद्‍दम कबुरतोरा आत्मान मिमेट गेल्‍सतिर.

1 योहान 5:19

मनाकु एरपाट मनम पेनदा हेंदोरम आंदुम. पूरा दुनिया आ देय्यम कय्‍दे मंता.

पेन हुपिस्‍ता पोल्‍लें 12:9

पजा अद मासुल तरासतुन आनि दाना दूतन बूमिपोर्रो दोब्‍बिसीयमळ जर्गता. अद तरास दाना दूतनतोनि कलियसि पूरा दुनियातुन पसांचेके मंता. इद मासुल तरासुन पडाना तरास, हिलाकोंटे पसांचनदु, हिलाकोंटे देय्यम इंचि इंतुर.