पेन हुपिस्‍ता पोल्‍लें 8:9 - पवित्र पोल्‍ले

⁹ अदुनहेंदाल समुद्रमते जीवाते मत्‍ता जिवरासिना मूड बागाल्कुनाल उंदि बागम जिवरासीं हासोत्‍तां. आनि समुद्रमते मत्‍ता जहाजकुना मूड बागाल्कुनाल उंदि बागम नासडेम आता.

पेन हुपिस्‍ता पोल्‍लें 8:9 Iomraidhean Croise

पेन हुपिस्‍ता पोल्‍लें 12:4

अद तरास दाना तोकाते, मब्बुने मनना सुक्‍काना मूड बागाल्कुनाल उंदि बागम सुक्‍कान इग्‍गिस बूमिपोर्रो अरहता. एर पूरालय आसि मत्‍ता मुरतळ, एर पूरतारित्‍ते, दाना पेळान मिंगनाहाटीं आ तरास, मुरतटा मुन्‍ने होंचि नित्‍तिसि मत्‍ता.

पेन हुपिस्‍ता पोल्‍लें 16:3

पेनदा रोंडो दूता दाना वाटितुन समुद्रमते वळियसीता, अस्‍के अद समुद्रम हाता मनकना नेत्‍तुरलेसीं आसोत्‍ता, पजा समुद्रमते मनानव अन्‍नि जिवरासि हासोत्‍तां.

पेन हुपिस्‍ता पोल्‍लें 8:10

पेनदा मूडो दूता तूताकोम उह्कता, अस्‍के मब्बुनाल डिव्टितलेसीं पोतसेके उंदि पेद्‍दा सुक्‍का बूमिपोर्रो अरता. अद सुक्‍का मूड बागाल्कुनाल उंदि बागम बेरेह्क आनि एता उटानपोर्रो अरता.

पेन हुपिस्‍ता पोल्‍लें 8:12

नालुंगो दूता तूताकोम उह्कता, अस्‍के पोळ्‍दु, वेडसि आनि सुक्‍कां इवुना मूड बागाल्कुनाल उंदि बागम नासडेम आता. अदुनहाटीं अवुना मूड बागाल्कुनाल उंदि बागम हीकट आता. पोद्‍दाला-नर्कागुडा मूड बागाल्कुनाल उंदि बागम हीकट आसोत्‍ता.

पेन हुपिस्‍ता पोल्‍लें 8:7

मोदाटा दूता तूताकोम उह्कता, अस्‍के नेत्‍तुर कलियसि मत्‍ता बंडां आनि तळमि बूमिपोर्रो अरता. अरतस्के बूमिता मूड बागाल्कुनाल उंदि बागम आनि मराकुना मूड बागाल्कुनाल उंदि बागम कर्विसोत्‍ता. इंका पच्‍चाटा जाळिगुळा पुरागा वेसोत्‍ता.

पेन हुपिस्‍ता पोल्‍लें 9:15

अदे वेला, अदे रोजु, अदे नेला, अदे वर्साताहाटीं होळसालय पेन अवुन तयार कीसि मत्‍ता. बूमिपोर्रोटा लोकुल्‍कुना मूड बागाल्कुनाल उंदि बागम लोकुल्‍कुन हव्कानाहाटीं आ नालुं दूतन होळ्‍सीयमळ जर्गता.

पेन हुपिस्‍ता पोल्‍लें 9:18

आ मूड गंडाल्कुनाहेंदाल इत्‍ते, गुर्राल्कुना तोळ्‍दाल पेय्‍सना तळमि, पोया, गंदकम इवुनाहेंदाल बूमिपोर्रोटा मूड बागाल्कुना लोकुल्‍कुनाल उंदि बागम लोकुल्‍कुन हव्‍किसि पोहमळ जर्गता.