पेन हुपिस्‍ता पोल्‍लें 8:7 - पवित्र पोल्‍ले

⁷ मोदाटा दूता तूताकोम उह्कता, अस्‍के नेत्‍तुर कलियसि मत्‍ता बंडां आनि तळमि बूमिपोर्रो अरता. अरतस्के बूमिता मूड बागाल्कुनाल उंदि बागम आनि मराकुना मूड बागाल्कुनाल उंदि बागम कर्विसोत्‍ता. इंका पच्‍चाटा जाळिगुळा पुरागा वेसोत्‍ता.

पेन हुपिस्‍ता पोल्‍लें 8:7 Iomraidhean Croise

याकोब 1:11

बारित्‍ते पोळ्‍दु पेय्संता अस्‍के एर्राना एद्‍दि मनंता, दानहेंदाल जाडि वतसि दांता, पजा दाना पुंगाह्कु राल्सि होंचि सिंगारम हिलाकोंटा आंता. अल्‍हेने सिरमंत मनकलगुडा ओना कमाइ कियाना विचाराल्‍कुनेन मुळ्‍गिसि मंचि नासडेम आसि दांतोर.

1 पत्रु 1:24

दर्मसास्‍त्रम इल्‍हा वेहंता गदा, “अंटोर मनकालोर जाडितालेसीं मंतुर, ओरा अन्‍नि पेद्‍दातनाल्‍क पुंगाह्कुनालेसीं मंतां. जाडि वतंता, पुंगाह्कु रालंतां. गानि सामिना पोल्‍ले मात्रम पीळि-पीळिनदाका मनंता.” इदुने मीक बेसता कबुर इंचि वेहमळ जर्गता.

पेन हुपिस्‍ता पोल्‍लें 12:4

अद तरास दाना तोकाते, मब्बुने मनना सुक्‍काना मूड बागाल्कुनाल उंदि बागम सुक्‍कान इग्‍गिस बूमिपोर्रो अरहता. एर पूरालय आसि मत्‍ता मुरतळ, एर पूरतारित्‍ते, दाना पेळान मिंगनाहाटीं आ तरास, मुरतटा मुन्‍ने होंचि नित्‍तिसि मत्‍ता.

पेन हुपिस्‍ता पोल्‍लें 16:2

अदुनहाटीं पेनदा मोदाटा दूता होंचि, दाना वाटितुन बूमिपोर्रो वळियसीता, अस्‍के अद जिवरासिता निसानि मत्‍तोर्कु आनि बोर अय्ते दाना बोम्मातुन मोळ्‍कुंदुर ओर्कु इरगा नोयाना लसा-लसा पुनकु आतां.

पेन हुपिस्‍ता पोल्‍लें 16:21

मब्बुनाल एबै किलो वजन मत्‍ता बर्प बंडां लोकुल्‍कुनपोर्रो अरताहाटीं लोकुल्‍कुंक इरगा तकलिप आसि, ओर पेनदा अपमानम कीतुर. अद तकलिप वेल्‍लेने कतरनाक मत्‍ता.

पेन हुपिस्‍ता पोल्‍लें 6:8

पजा नाकु अगा उंदि पस्पु रंगुना गुर्रम दिस्ता. आ गुर्रमपोर्रो उद्‍दिस मत्‍तोना पोरोल हामुर, ओना पज्जो-पज्जो नरकम वासेक मत्‍ता. ओन्क बूमिता नालुं बागाल्कुनाल उंदि बागमपोर्रोटा लोकुल्‍कुन कसेरते, कर्वुने, बिमार्कुने आनि केडाता जिवरासिन हेंदाल नासडेम कियाना अदिकारम हियमळ जर्गता.

पेन हुपिस्‍ता पोल्‍लें 7:1

इवन्‍नि जर्गतारित्‍ते, बूमिता नालुं मूलांक पेनदा नालुं दूतां नित्‍तिसि मत्‍तद नना हूळतन. अव बूमिपोर्रो आयि, समुद्रमते आयि आनि बवे मराकुन पोर्रो आयि वळितुन वायाकोंटा आपसि पीसि मत्‍तां.

पेन हुपिस्‍ता पोल्‍लें 9:15

अदे वेला, अदे रोजु, अदे नेला, अदे वर्साताहाटीं होळसालय पेन अवुन तयार कीसि मत्‍ता. बूमिपोर्रोटा लोकुल्‍कुना मूड बागाल्कुनाल उंदि बागम लोकुल्‍कुन हव्कानाहाटीं आ नालुं दूतन होळ्‍सीयमळ जर्गता.

पेन हुपिस्‍ता पोल्‍लें 9:18

आ मूड गंडाल्कुनाहेंदाल इत्‍ते, गुर्राल्कुना तोळ्‍दाल पेय्‍सना तळमि, पोया, गंदकम इवुनाहेंदाल बूमिपोर्रोटा मूड बागाल्कुना लोकुल्‍कुनाल उंदि बागम लोकुल्‍कुन हव्‍किसि पोहमळ जर्गता.

पेन हुपिस्‍ता पोल्‍लें 9:4

आ गोल्‍लाबामांकु, बूमिपोर्रोटा जाळितुन आयि, बवे पच्‍चटा पोर्कां, मराकुन आयि, नासडेम कियानायो. बोरा कपालमपोर्रो अय्ते पेनदा सिक्‍का तंचि हिल्‍लेनो सिराप ओर्कुने नासडेम कियाना इंचि वेहामळ जर्गता.