पेन हुपिस्‍ता पोल्‍लें 8:2 - पवित्र पोल्‍ले

² अस्‍के पेनदा मुन्‍ने नित्‍तिसि मननव एडुं दूतन नना हूळतन. अवुंक एडुं तूताकोम्‍कु हियमळ जर्गता.

पेन हुपिस्‍ता पोल्‍लें 8:2 Iomraidhean Croise

मत्‍तयाल 18:10

हुळाट, नावापोर्रो विस्वासम कीता ई सिन्‍नोरकुन बोने तेंडसि पोहमटु. नना वेहनद बतल इत्‍ते, ओरा पेनदा दूतां स्वर्गमते मनना नावा पेनबाबांक बस्केळक कलियसेके मनंतां.

मत्‍तयाल 24:31

अस्‍के तूताकोमता पेद्‍दा आवाजुनतोनि, नना नावा दूतन बूमिपोर्रो लोहांतन. आ दूतां बूमिपोर्रो नालुं मूलानाल, मब्बुना ई कोस्‍साताल अय्ते आ कोस्‍सादाका नना पेर्कुत्‍ता लोकुल्‍कुन जमा कींतां.

लूकाल 1:19

अस्‍के पेनदा दूता, “निमे नाकुन बोर इनकुंचंतिन? नना गब्रिएल दूतातुन आंदुन. नना पेनदा मुन्‍ने नित्‍तिसि मनानदुन आंदुन. नीवातोनि वळ्‍कानाहाटीं, इद बेसता कबुर वेहनाहाटीं पेने नाकुन लोहता.

लूकाल 21:36

अदुनहाटीं वेल्‍लेन उसारते मंचि, बव अय्ते गटनां जर्गनद मंता, अव अन्‍नि गटनानाल पिस्‍सनाहाटीं ताकत दोर्कगोम इंचि बस्केळक पारतना कीसेक मंटु. अल्हा मत्‍तिरित्‍ते, बस्के अय्ते मनकना रूपमते पुटतोन नना वांतन, अस्‍के नावा मुन्‍ने वेरियाकोंटा नित्‍ता परकिट.”

1 कुरेंति 15:52

इदंता, उंदि सेकंदतेन, कळु रेप्‍पा तंतच्‍चोरजेमनेन जर्गंता. आकिरता तूताकोम उह्‍कुता उह्‍कुळे, हातोर अंटोर बस्‍केने नासडेम आयाकोंटा मननाहाटीं मर्रा जीवाते तेदानुर आनि मना रूपम बारे मारियंता.

1 तेसलोनि 4:16

बारित्‍ते सामि स्वर्गमताल हिळु रेयानुर अस्‍के पेद्‍दा आवाजते आदेस हियमळ, पेद्‍दा दूताता पोल्‍लेते आनि पेनदा तूताकोमता आवाज कियमळ जर्गंता. अस्‍के बोर अय्ते किरिस्‍तुनलोप्‍पो हातुर, ओर मुन्‍ने जीवाते तेदानुर.

पेन हुपिस्‍ता पोल्‍लें 1:4

आसिया राज्येमते मनना एडुं कलिसियानोर्क नना योहानुन बतल रासेक इत्‍ते, इंदके मनानद, मोदोलताल मत्‍तद आनि मुन्‍ने वायाना मंता आ पेनदाहेंदाल, दाना राजगद्‍देता मुन्‍ने मनना आ एडुं आत्मानाहेंदाल इंका विस्वासमलायक गवाइ मत्‍ता येसु किरिस्‍तुनाहेंदाल मीकु कुर्पा, सांति दोर्किकांटी. येसु हातोराव्टेटाल जीवाते तेदता मोदाटा मनकल आंदुर. ओर ई बूमिपोर्रोटा राजालोरा राजाल आंदुर. मना अंटोर्कुन पावरम कियानोर आंदुर, इंका ओना नेत्‍तुरतुन पोंगागोटसि मनाकुन मना पापाल्कुनाल पाय्सतोर.

पेन हुपिस्‍ता पोल्‍लें 11:15

एडुंगो दूता तूताकोम उह्कता, अस्‍के स्वर्गमते पेद्‍दा आवाज केंजावाता. अद आवाज, “दुनियाता पूरा राज्येम मना सामिनद आनि ओना किरिस्‍तुनद आता. युगा-युगाल्‍कुनदाका ओरे राज्येम कींतोर,” इंचि इत्‍ता.

पेन हुपिस्‍ता पोल्‍लें 15:1

अस्‍के स्वर्गमते नना मरुंदि पेद्‍दा इचंत्रमता चिन्‍ह हूळतन. अद बतल इत्‍ते, एडुं दूतानगा, एडुं गंडाल्कु मत्‍तां. अव आकिरता गंडाल्कु आंदुं. अव आता पजा पेनदा होंग सल्‍लारंता.

पेन हुपिस्‍ता पोल्‍लें 16:1

अस्‍के गुळिताल उंदि पेद्‍दा आवाज आ एडुं दूतनतोनि, “होन्‍टु! पेनदा होंगुना अव एडुं वाटिन बूमिपोर्रो वळियटु” इत्‍तद नाकु केंजावाता.

पेन हुपिस्‍ता पोल्‍लें 8:13

पज्जो उंदि गुव्वा डेगातुन मब्बुन नड्‍डुमताल परियसेक वायनद हूळतन अद जोरते इल्‍हा इनानद केंजतन: “इंदके मूड दूतां अवुना तूताकोम उह्कानदे मंता, अव अवुना तूताकोम उह्कतस्के बूमिपोर्रो मनना अंटोर्क इरगा गोसा आयार! गोसा आयार! गोसा आयार!”

पेन हुपिस्‍ता पोल्‍लें 8:6

अस्‍के तूताकोम पीसि मत्‍ता अव एडुं दूतां तूताकोम्‍कु उह्कालय तयार आतां.

पेन हुपिस्‍ता पोल्‍लें 9:1

पजा हेय्युंगो दूता तूताकोम उह्कता, अस्‍के मब्बुनाल उंदि सुक्‍का बूमिपोर्रो अरता. आ सुक्‍काक वेल्‍लेन लोत मत्‍ता पोक्‍काता चाबि हीतद नना हूळतन.