पेन हुपिस्‍ता पोल्‍लें 8:12 - पवित्र पोल्‍ले

¹² नालुंगो दूता तूताकोम उह्कता, अस्‍के पोळ्‍दु, वेडसि आनि सुक्‍कां इवुना मूड बागाल्कुनाल उंदि बागम नासडेम आता. अदुनहाटीं अवुना मूड बागाल्कुनाल उंदि बागम हीकट आता. पोद्‍दाला-नर्कागुडा मूड बागाल्कुनाल उंदि बागम हीकट आसोत्‍ता.

पेन हुपिस्‍ता पोल्‍लें 8:12 Iomraidhean Croise

मत्‍तयाल 24:29

आ रोजकुना तकलिपकु मारता मारुडे, “पोळ्‍दुंक हीकट मुच्‍चका वायार, वेळसि वेल्‍गु हियाकोंटा आयार, मब्बुनाल सुक्‍कां हिळु अर्रानुं, मब्बुने मनना अन्‍नि सक्‍तिन कदलिच्‍मळ जर्गंता.”

मत्‍तयाल 27:45

पजा पिय्यटा पन्‍नेंड एगानस्‍केटाल अय्ते मूड एगनदाका पूरा बूमिअंता हीकट आता.

मरकुस 13:24

गानि अव रोजकुने तकलिपकु मारतस्के पोळ्‍दुंक हीकट मुच्‍चका वायार, वेळसि वेल्‍गु हियाकोंटा आयार.

मरकुस 15:33

अस्‍के पिय्यटा पन्‍नेंड एगानस्‍केटाल अय्ते, मूड एगनदाका पूरा बूमिअंता हीकट आता.

लूकाल 21:25

“पोळ्‍दुनपोर्रो, वेळसिपोर्रो, सुक्‍कनपोर्रो चिन्‍हां दिस्‍सानुं. इंका बूमिपोर्रो समुद्रमता आवाज आनि अव्टे तेदाना पेद्‍दा तडाना सप्पुड केंजसि देसे-देसेल्‍कुना लोकुल्‍क इरगा वेरियानुर.

प्रेरितुल्‍कुना कबाह्‍क 2:20

पेनदा आ बच्‍चोनो पेद्‍दा, बेसता रोज वायाका मुन्‍ने, पोळ्‍द हीकटा, वेडसि बारे नेत्‍तुरलेह्का आंता.

2 कुरेंति 4:4

किरिस्‍तु पेनदा रूपम आंदुर, ओना महिमाता बेसता कबुरता वेल्‍गुन हूळा मनि इंचि ई दुनियातोरा पेन विस्वासम कियवोरा मनसुन हीकट कीसि पोहता.

पेन हुपिस्‍ता पोल्‍लें 12:4

अद तरास दाना तोकाते, मब्बुने मनना सुक्‍काना मूड बागाल्कुनाल उंदि बागम सुक्‍कान इग्‍गिस बूमिपोर्रो अरहता. एर पूरालय आसि मत्‍ता मुरतळ, एर पूरतारित्‍ते, दाना पेळान मिंगनाहाटीं आ तरास, मुरतटा मुन्‍ने होंचि नित्‍तिसि मत्‍ता.

पेन हुपिस्‍ता पोल्‍लें 16:10

पेनदा हेय्युंगो दूता दाना वाटितुन आ जिवरासिता राजगद्‍देपोर्रो वळियसीता. अस्‍के दाना राज्येमते पुरागा हीकट आता. पजा तिप्पल्‍कुंक आगा पर्राका लोकुल्‍क ओरा नाल्‍कें ओरे कोर्ककुनालय दल्‍गतुर.

पेन हुपिस्‍ता पोल्‍लें 6:12

गोर्रे पोरि हारुंगो सिक्‍कातुन नेम्‍हाचि विच्‍चुता, अस्‍के पेद्‍दा बुकंप आतद नना हूळतन. अस्‍के पोळ्‍दु कर्रे गोंगोळिलेसीं कर्रेगा आनि वेळ्‍सिअंता बारे नेत्‍तुरलेसीं एर्रगा आता.

पेन हुपिस्‍ता पोल्‍लें 9:15

अदे वेला, अदे रोजु, अदे नेला, अदे वर्साताहाटीं होळसालय पेन अवुन तयार कीसि मत्‍ता. बूमिपोर्रोटा लोकुल्‍कुना मूड बागाल्कुनाल उंदि बागम लोकुल्‍कुन हव्कानाहाटीं आ नालुं दूतन होळ्‍सीयमळ जर्गता.

पेन हुपिस्‍ता पोल्‍लें 9:18

आ मूड गंडाल्कुनाहेंदाल इत्‍ते, गुर्राल्कुना तोळ्‍दाल पेय्‍सना तळमि, पोया, गंदकम इवुनाहेंदाल बूमिपोर्रोटा मूड बागाल्कुना लोकुल्‍कुनाल उंदि बागम लोकुल्‍कुन हव्‍किसि पोहमळ जर्गता.