पेन हुपिस्‍ता पोल्‍लें 8:10 - पवित्र पोल्‍ले

¹⁰ पेनदा मूडो दूता तूताकोम उह्कता, अस्‍के मब्बुनाल डिव्टितलेसीं पोतसेके उंदि पेद्‍दा सुक्‍का बूमिपोर्रो अरता. अद सुक्‍का मूड बागाल्कुनाल उंदि बागम बेरेह्क आनि एता उटानपोर्रो अरता.

पेन हुपिस्‍ता पोल्‍लें 8:10 Iomraidhean Croise

मत्‍तयाल 25:1

येसु मर्रा उंदि वेसुड वेहालय सुरुव कीतोर. ओर इत्‍तोर, स्वर्ग राज्येम बारेमते नना उंदि वेसुड वेहंतन केंजट. पदि लेय्यां कंदिलिं पीसि वरोर मरमिना पेडांक कलियालय होत्‍तां.

लूकाल 10:18

अस्‍के येसु ओर्कुन इल्‍हा इत्‍तोर, “नना पेद्‍दा देय्यमतुन मब्बुनाल पिळगुनलेसीं अरनेंके हूळतन.

यहुदा 1:13

ओर, समुद्रमता तडाने एतपोर्रो तेलाना कराब पोंगुरतालेसीं सिग्गु हिल्वा कबाह्‍क कियानोर आंदुर. ओर हर्रि तप्‍सि तिरियना सुक्‍कानसंटोर आंदुर. ओराहाटीं बस्‍केन मारवा हिर्र-हीकट तयार कीसि मंता.

पेन हुपिस्‍ता पोल्‍लें 1:20

निमे नावा तिना कय्‍दे हूळता एडुं सुक्‍कां आनि बंगारमता एडुं दीसोडिना मर्ममता अर्तम इल्‍हा मंता; एडुं दीसोडिं इत्‍ते एडुं कलिसियां आंदु आनि एडुं सुक्‍कां इत्‍ते, उंदि-उंदि कलिसियाता उंदि-उंदि दूता आंदु” इंचि इत्‍ता.

पेन हुपिस्‍ता पोल्‍लें 12:4

अद तरास दाना तोकाते, मब्बुने मनना सुक्‍काना मूड बागाल्कुनाल उंदि बागम सुक्‍कान इग्‍गिस बूमिपोर्रो अरहता. एर पूरालय आसि मत्‍ता मुरतळ, एर पूरतारित्‍ते, दाना पेळान मिंगनाहाटीं आ तरास, मुरतटा मुन्‍ने होंचि नित्‍तिसि मत्‍ता.

पेन हुपिस्‍ता पोल्‍लें 14:7

अद दूता पेद्‍दा आवाजते, “पेन न्‍यायम कियाना वेला दग्गेर्क एवता. अदुनहाटीं दानकु वेरियटु, दाना महिमा कीम्‍टु. स्वर्गमतुन, बूमितुन, समुद्रमतुन आनि एता ऊटान तयार कीता पेनदा आरादना कीम्‍टु” इंचि इत्‍ता.

पेन हुपिस्‍ता पोल्‍लें 16:4

पेनदा मूडोव दूता दाना वाटितुन बेरेह्कुने आनि एता ऊटान पोर्रो वळियसीता, अस्‍के अव्टे मत्‍ता पूरा एर नेत्‍तुरलेसीं आसोत्‍ता.

पेन हुपिस्‍ता पोल्‍लें 6:13

पेद्‍दा वळि दुमारम वाते तोया मराता पंडिं बल्हा हिड अर्रंता, अल्‍हेने सुक्‍कां मब्बुनाल बूमिपोर्रो अरतां.

पेन हुपिस्‍ता पोल्‍लें 8:7

मोदाटा दूता तूताकोम उह्कता, अस्‍के नेत्‍तुर कलियसि मत्‍ता बंडां आनि तळमि बूमिपोर्रो अरता. अरतस्के बूमिता मूड बागाल्कुनाल उंदि बागम आनि मराकुना मूड बागाल्कुनाल उंदि बागम कर्विसोत्‍ता. इंका पच्‍चाटा जाळिगुळा पुरागा वेसोत्‍ता.

पेन हुपिस्‍ता पोल्‍लें 9:1

पजा हेय्युंगो दूता तूताकोम उह्कता, अस्‍के मब्बुनाल उंदि सुक्‍का बूमिपोर्रो अरता. आ सुक्‍काक वेल्‍लेन लोत मत्‍ता पोक्‍काता चाबि हीतद नना हूळतन.

पेन हुपिस्‍ता पोल्‍लें 9:15

अदे वेला, अदे रोजु, अदे नेला, अदे वर्साताहाटीं होळसालय पेन अवुन तयार कीसि मत्‍ता. बूमिपोर्रोटा लोकुल्‍कुना मूड बागाल्कुनाल उंदि बागम लोकुल्‍कुन हव्कानाहाटीं आ नालुं दूतन होळ्‍सीयमळ जर्गता.

पेन हुपिस्‍ता पोल्‍लें 9:18

आ मूड गंडाल्कुनाहेंदाल इत्‍ते, गुर्राल्कुना तोळ्‍दाल पेय्‍सना तळमि, पोया, गंदकम इवुनाहेंदाल बूमिपोर्रोटा मूड बागाल्कुना लोकुल्‍कुनाल उंदि बागम लोकुल्‍कुन हव्‍किसि पोहमळ जर्गता.