पेन हुपिस्‍ता पोल्‍लें 7:17 - पवित्र पोल्‍ले

¹⁷ बारित्‍ते ईर अंटोर्कुन मेहानोर, राजगद्‍दे नड्‍डुम उद्‍दिस मनना गोर्रे पोरि आंदुर. ओर ईरकुन पिस्वरता एता उटानगा ओंतोर. पेन ओरा कळ्‍कुना कंडेह्कुन पुरागा उसमंता,” इंचि वेहतोर.

पेन हुपिस्‍ता पोल्‍लें 7:17 Iomraidhean Croise

मत्‍तयाल 2:6

एनकटा पेनदा कबुरतोर रासताप, “ए यहुदिया एरियाता बूमिपोर्रो मंदना बेतलहेम नाटेनोरिटा, मिमेट मीवा नार, सिन्‍नादे इंचि इनकुन्‍मट. बारित्‍ते नावा इस्राएल देसेमता लोकुल्‍कुन कापाळनोर, आ राजाल मीवा नाटेनेन पुटनद मंता.”

मत्‍तयाल 5:4

दुक्‍कमते मत्‍तोर्कुंक पेन आसिर्वाद हींता, अद ओर्क दैरनेम हींता.

योहान 10:11

बेस मेहानोन ननाने आंदुन. बेस मेहानोर, गोर्रेनाहाटीं ओर ओना जीवा हींतोर.

योहान 10:14

गानि नना बेस मेहानोन आंदुन. बल्हा अय्ते बाबाल नाकुन एरपाट कींतोर, नना बाबान एरपाट कींतन, अल्हेन नावा गोर्रेन नना एरपाट कींतन, अव नाकुन एरपाट कींतां. नना नावा गोर्रेनाहाटीं जीवा हींतन.

योहान 4:10

अस्‍के येसु, “ओक्‍कला निमे, पेनदा वरमतुन आनि उनालय एर हीम इंचि नीकुन तल्कानोर बोर आंदुरो, एरपाट कीसि मत्‍ते, निमेने कुद्‍दु नाकुन एर तल्किस मन्‍नेन, अस्‍के नना नीकु पिस्वर हियना एर हीसि मन्‍नेन,” इंचि इत्‍तोर.

योहान 4:11

अस्‍के आ मुरतळ, “कुहि अय्ते वेल्‍लेन लोतु मंता महाराज. निहगा एर तोरालय बाल्टिगुडा हिल्‍ले. इसोंटस्के ई पिस्वर हियना एर नीकु बल्हा दोर्कार?

योहान 4:14

गानि नना हियना एतुन बोर अय्ते उंटोरो, ओन्क मर्रा बस्‍केने दूपायो. नना हीता एर ओनालोप्‍पो बस्‍केळ्‍क ऊरसेके मनना ऊटालेसीं मारियसि, ओन्क बस्‍केळ्‍क पिस्सना पिस्वरतुन हिय्यार,” इंचि जवाब हीतोर.

प्रेरितुल्‍कुना कबाह्‍क 20:28

पवित्र आत्मा मीकुन मीवा कलिसियातोरपोर्रो कोहानोन-मेहानोन लेह्का पेर्कुत्‍ता. अद मंदातुन पेन कुद्‍दु दाना मर्रिना नेत्‍तुर हीसि असकुत्‍ता. अदुनहाटीं मीवद मिमेट अल्‍हेने मीवा जिम्मेदारिते मनना मंदातुनगुडा मिमेट बेस कापाळसेके मंटु.

1 पत्रु 5:2

मीवा जिम्मेदारिते मत्‍ता पेनदा मंदातुन पोस कीम्‍टु. इद कबळ बलमिते आयो गानि पेनदा इच्‍चा परकारम कुसिते कीम्‍टु, दोंगा कमाइताहाटीं आयो गानि मनसुनाल कीम्‍टु.

पेन हुपिस्‍ता पोल्‍लें 14:4

ईर अंटोरगुडा मरमिं आयवोर, मुर्ताह्कुनाल लक्‍कु मंचि सतातुन पवित्र इरतोर आंदुर. गोर्रे पोरि बगा-बगा अय्ते होनुंदु ईर अंटोर दाना पज्जो-पज्जो होनानोर आंदुर. ईर अंटोरगुडा पेन आनि गोर्रे पोरिनाहाटीं मोदाटा पलम आयगोम इंचि अस्‍कुत्‍तोर आंदुर.

पेन हुपिस्‍ता पोल्‍लें 21:22

अद सहरते नाकु गुळि दिसा हिल्‍ले. बारित्‍ते अगाटा गुळि अन्‍निटकन्‍ना सक्‍तिमंतुड आता पेनबाबाल आनि गोर्रे पोरि आंद.

पेन हुपिस्‍ता पोल्‍लें 21:23

अद सहरते वेलगु हियालय पोळ्‍दु, वेडसिता अव्‍सरम हिल्‍ले, बारित्‍ते पेनदा महिमाता वेल्‍गु अगा कांति हींता आनि गोर्रे पोरि दाना वेळसि आंद.

पेन हुपिस्‍ता पोल्‍लें 21:4

अद ओरा कळ्‍कुना कांडेह्कुन उस्मंता. मोदाटा पोल्‍लें मायसोत्‍तां, अदुनहाटीं ओर्कु हामुर, दुक्‍काल्क, बादां, तिप्‍पल्‍क मन्‍नों,” इंचि केंजावाता.

पेन हुपिस्‍ता पोल्‍लें 21:6

पजा मरुंदि मल्का नाकु इल्‍हा वेहतोर, “इव पोल्‍लें पुरागा आतां. अल्‍पा आनि ओमेगा, मोदोल आनि आकिर ननाने आंदुन. दूपाते मत्‍तोर्कुंक नना पिस्वरता एता ऊटाताल एर पुक्‍कटते हींतन.

पेन हुपिस्‍ता पोल्‍लें 22:1

अस्‍के पेनदा दूता नाकु सक्‍कगा मिटकरा मनना पिस्वरता एर हिय्यना बेरेटुन हुपिस्‍ता. अद बेरेड पेनदा आनि गोर्रे पोरिना राजगद्‍देताल सुरुव आसि, अद सहरता पेद्‍दा हरदा नड्‍डुमताल पोंगसेक मनुंदु. अद बेरेटा ओड्‍डुंक रोंडु पक्‍काने पिस्वर हियना मराक मत्‍तां. अव मराक वर्साता हरेक नेलाते पन्‍नेंड तीरकुना पंडि हादसेकेन मनुंदु. दुनियाता अन्‍नि देसेल्‍कुना लोकुल्‍क अव मराकुना आकिने बेस आयुंदुर.

पेन हुपिस्‍ता पोल्‍लें 4:11

“निमेने ई दुनियाता अन्‍नि वस्‍तुक तयार कीतिन, इव अन्‍नि नीवा इच्‍चा परकारम तयार आतां. नीवा इच्‍चा परकारमे मंतां, निमेने मावा पेन, मावा सामिन आंदिन. महिमा, स्‍तुति आनि ताकत नीवदे आंदु,” इंचि इंतुर.

पेन हुपिस्‍ता पोल्‍लें 5:6

अस्‍के आ राजगद्‍दे, जीवाते मनना नालुं जिवरासीं आनि पेद्‍दाल्कुना नड्‍डुम, मोक्‍कु हीतदुनलेसीं उंदि गोर्रे पोरि नित्‍तिसि मत्‍तद नना हूळतन. दान्क एडुं कोह्कु, एडुं कळ्‍क मत्‍तां. आ एडुं कळ्‍क इत्‍ते, पेन बूमिपोर्रो अन्‍नि दिक्‍कुल्कुने लोहता दाना एडुं आत्मां आंदुं.