पेन हुपिस्‍ता पोल्‍लें 7:13 - पवित्र पोल्‍ले

¹³ अस्‍के पेद्‍दाल्कुना अव्टेटाल वरोर “तेल्‍ला कपडिं केरसि मन्‍नानुर ईर बोर आंदुर? ईर बगाटाल वातुर?” इंचि नाकुन पूसकीतोर.

पेन हुपिस्‍ता पोल्‍लें 7:13 Iomraidhean Croise

योहान 7:28

येसु गुळितगा कराहनेंके इल्‍हा वळकालय दल्‍गतोर, “हो! नना बोन आंदुन, बगाटाल वातन इदंता मीकु एरपाटे मंता. गानि नावद ननेन इगे वाया हिल्‍लेन. नाकुन लोहतोर सत्‍तेमंतुड आंदुर, ओर बोर आंदुरो मीकु एरपाट हिल्‍ले.

प्रेरितुल्‍कुना कबाह्‍क 3:12

ओर्कुन हूळसि पत्रु इल्‍हा वळकालय दल्‍गतोर. “ए इस्राएलता लोकुल्‍कुनिटा, मिमेट जर्गतदुन हूळसि इल्‍हा बारि इचंत्रम आसि माहेके हूळसेक मंतिर? मोमोट मावा ताकतते, मावा बक्‍तिते ईन ताकानाल-तिरियानाल किया हिल्‍लोम.

पेन हुपिस्‍ता पोल्‍लें 3:4

गानि सरदिस सहरता इच्‍चुर विस्वासुल्‍क, ओरा कपडिंक डाग अंटाकोंटा इरताप, ओरा ताकमळतुन बेस इरतुर. ओर तेल्‍ला कपडिं केरताप सत्‍तेमते नावातोनि ताकनुर; ओर अल्हा ताकना लायक मंतुर.

पेन हुपिस्‍ता पोल्‍लें 4:10

अस्‍के ओर इरवै नालुर पेद्‍दाल्क पेनदा मुन्‍ने टोंगरां ऊनसि ओरा तल्‍लानपोर्रो मत्‍ता किरिटाल्कुन हिळु इर्सि,

पेन हुपिस्‍ता पोल्‍लें 4:4

राजगद्‍देता सुट्‍टु इरवै नालुं राजगद्‍दें मत्‍तां. अव राजगद्‍देन पोर्रो इरवै नालुर एनकटा पेद्‍दाल्क तेल्‍ला कपडिं केरसि उद्‍दिस मत्‍तुर. ओरा तल्‍लानपोर्रो बंगारमता किरिटाल्कु दोस्‍सि मत्‍तां.

पेन हुपिस्‍ता पोल्‍लें 5:11

पजा नना अगा हूळते, आ राजगद्‍दे सुट्‍टु, अव नालुं जिवरासिना सुट्‍टु आनि पेद्‍दाल्कुना सुट्‍टु पेनदा वेल्‍लेन दूताना लेंग केंजावाता. अव दूतां लेक्‍कुते लाकुल्क, कोट्‍कुने मत्‍तां.

पेन हुपिस्‍ता पोल्‍लें 5:5

अस्‍के “निमे अळमा. हूळा! आ गुंडूर्गा हुट्‍सि मत्‍ता पुस्तकमपोर्रोटा सिक्‍कान नेम्‍हाचि अदुन विच्‍चिसि हूळानाहाटीं दाविदना वंसंमतोर, यहुदाना गोत्रमता सिंहम इंचि पोरोल होत्‍तोर वरोर, गेल्सि मंतोर” इंचि आ पेद्‍दाल्कुना अव्टेटाल वरोर नाकुन इत्‍तोर.

पेन हुपिस्‍ता पोल्‍लें 7:9

अद आता पजा, पेनदा राजगद्‍दे आनि गोर्रे पोरिना मुन्‍ने तेल्‍ला कपडिं केरसि, कजूर मराता कोम्मां कय्‍दे पीसि हरेक जातितोर, हरेक बासातोर, हरेक लोकुल्‍क आनि अन्‍नि देसेल्‍कुनोर इल्‍हा लेक्‍कुते बोरे लेक्‍का पर्रुर अच्‍चोन मंदितुन नना हूळतन.