पेन हुपिस्‍ता पोल्‍लें 6:9 - पवित्र पोल्‍ले

⁹ गोर्रे पोरि हेय्युंगो सिक्‍कातुन नेम्‍हाचि विच्‍चुतस्के, पेनदा पोल्‍लें लोकुल्‍कुंक वेहताहाटीं आनि ओरा गवाइ वेहताहाटीं मोक्‍कु हिय्यना गद्‍दे हिळु हव्‍किसि मत्‍तोर्कुना आत्मान हूळतन.

पेन हुपिस्‍ता पोल्‍लें 6:9 Iomraidhean Croise

योहान 16:2

विस्वासम कियवा पेद्‍दाल्क मीकुन दर्मसास्‍त्रम कराहना लोहकुनाल पेच्‍हांतुर. इंका मीकुन हव्कना हरेक मनकल, नना पेनदा सेवा कीसंतन, इंचि इनकुनना कालम वायाना मंता.

2 कुरेंति 5:8

मोमोट दैरनेमते मनंतोम, मेंदुल्तुन होळसिसि सामिनतोनि मनमळे बेस इनकुंतोम.

पिलिपिया 2:17

पेनदा सेवा कियनाहाटीं मिमेट उंदि मोक्‍कुनलेह्का आसि वेल्‍लेन तिप्‍पल्‍क अरसंतिर. इदंता मीकु पेनदापोर्रो वेल्‍लेन विस्वासम मत्‍ताहेंका आसंता. अदुनहाटीं इसोंटा मीवा मोक्‍कुनतोनि नावा जीवा हीसि नेत्‍तुर वारागिच्‍चालयगुडा नना पजोळ्क होन्‍नोन, गानि वेल्‍लेन कूस मनंतन.

2 तिमोति 1:8

अदुनहाटीं मना सामिना बारेमते आयि, ओनाहाटीं जेलने मनना नावा बारेमते आयि वेरेतोर्क गवाइ वेहालय बस्‍केने सिग्गु अरमा. दानकु बदुल, बेसता कबुरतुन वेहनाहाटीं पेन हीता बलमते निमे नातोनि तकलिप्क सहन कियालय तयार मन्‍नु.

2 तिमोति 4:6

नना अय्ते पेनदुक मोक्‍कु हियना पट्‍टुनगड्‍क एवतन. दुनियातुन होळसि होनना नावा वेला दग्गेर्क एव्ता.

इब्रि 12:23

नीतिमंतुड लोकुल्‍कुना आत्माना कलिसियातगा मिमेट वातिट. आ कलिसियातगा अंटोरा पोरोलीं रासि मंतां, अंटोर्क जेस्‍टम पालना अदिकारम मंता. अंटोर्कुन पेन दानतोनि मनालय पुरागा कीता. दुनियाते मनना अन्‍निटवुना न्‍यायम कियाना पेनदागा मिमेट वातिट.

पेन हुपिस्‍ता पोल्‍लें 1:2

अस्‍के ओर पेनदा पोल्‍लेता बारेमते, येसु किरिस्‍तुना गवाइता बारेमते आनि ओर हूळता अन्‍नि पोल्‍लेना बारेमते गवाइ वेहतोर.

पेन हुपिस्‍ता पोल्‍लें 1:9

नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.

पेन हुपिस्‍ता पोल्‍लें 14:18

अस्‍के गद्‍देताल पेनदा इंकुंदि दूता वाता. अद दूताक तळमिता अदिकारम हीसि मत्‍ता. इरगा करा-करा मत्‍ता हेटेळ पीसि मत्‍तोनु पेद्‍दा आवाजते, “बूमिपोर्रो मनना अंगुर पंडिना पंटा पंडता अदुनहाटीं नीवा इरगा करा-करा मत्‍ता हेटेटे अंगुर गुत्‍तिं कोय्या” इंचि इत्‍ता.

पेन हुपिस्‍ता पोल्‍लें 16:7

अच्‍चोटेन मोक्‍कु हिय्याना गद्‍देताल, “ए पेनबाबा, सामि, निमेने अन्‍निटकन्‍ना सक्‍तिमंतुन आता पेनदुन आंदिन. निमे कियाना न्‍यायमते निजम आनि सत्‍तेम मंता,” इंचि नाकु केंजावाता.

पेन हुपिस्‍ता पोल्‍लें 19:10

पजा नना आ दूताता काल्क मोळ्‍कालय दाना काल्कुनपोर्रो अरतन अय्ते अद नाकुन, “निमे नाकुन मोळ्‍कमा. ननागुडा नीलेसीं, नीवा दंटाता विस्वासुल्‍कुनलेसीं येसुना बारेमता गवाइ वेहासेके सेवा कियानोने आंदुन. निमे सिराप पेनदुने मोळ्‍का. बारित्‍ते येसुना बारेमता गवाइ इत्‍तेने बविस्यवानिता आत्मा आंदु.”

पेन हुपिस्‍ता पोल्‍लें 2:13

बगा अय्ते देय्यमता राजगद्‍दे मंता अग्गेन निमे मनांतिन इंचि नाकु एरपाटे. अयना ना पोरोलते निमे निल्‍सि मंतिन. नावा विस्वासमगल्‍ला सेवक अंतिपान मीवा नड्‍डुमे देय्यम मनना जेगाते हव्कतुर, अव रोजकुनेगुडा निमे नावा पोर्रोटा विस्वासमताल पजोळ्क होना हिल्‍लिन.

पेन हुपिस्‍ता पोल्‍लें 20:4

मर्रा राजगद्‍दें हूळतन. अवुनपोर्रो उद्‍दिस मत्‍तोर्कुंक न्‍यायम कियाना अदिकारम हीसि मत्‍ता. इंका येसुना बारेमते गवाइ वेहताहाटीं आनि पेनदा पोल्‍ले वेहताहाटीं बोरा तल्‍लां अय्ते कोयमळ जर्गता, बोर अय्ते जिवरासितुन हिलाकोंटे दाना बोम्मातुन मोळ्‍का हिल्‍लुर आनि कपालमपोर्रो हिलाकोंटे कय्दापोर्रो दाना चिन्‍ह वाटकुना हिल्‍लुर असंटोरा आत्मान नना अगा हूळतन. ओर मर्रा जीवाते तेदसि किरिस्‍तुनतोनि कलियसि वेय वर्सनदाका राज्येम कीतुर.

पेन हुपिस्‍ता पोल्‍लें 8:3

अगा इंकुंदि पेनदा दूता गद्‍देतगा वासि नित्‍तुता. दाना कय्‍दे बंगारमता गुगलेम कुळका मत्‍ता. दान्क राजगद्‍दे मुन्‍ने मनना बंगारमता गद्‍देपोर्रो अंटोर पेनदा लोकुल्‍कुना पारतनांतोनि गुगलेम वाटानाहाटीं वेल्‍लेन गुगलेम हियमळ जर्गता.

पेन हुपिस्‍ता पोल्‍लें 9:13

हारुंगो दूता तूताकोम उह्कता, अस्‍के पेनदा मुन्‍ने मत्‍ता बंगारमता गद्‍देता नालुं कोह्कुनाल उंदि लेंग नना केंजतन.