पेन हुपिस्‍ता पोल्‍लें 6:8 - पवित्र पोल्‍ले

⁸ पजा नाकु अगा उंदि पस्पु रंगुना गुर्रम दिस्ता. आ गुर्रमपोर्रो उद्‍दिस मत्‍तोना पोरोल हामुर, ओना पज्जो-पज्जो नरकम वासेक मत्‍ता. ओन्क बूमिता नालुं बागाल्कुनाल उंदि बागमपोर्रोटा लोकुल्‍कुन कसेरते, कर्वुने, बिमार्कुने आनि केडाता जिवरासिन हेंदाल नासडेम कियाना अदिकारम हियमळ जर्गता.

पेन हुपिस्‍ता पोल्‍लें 6:8 Iomraidhean Croise

मत्‍तयाल 11:23

“ए कपर्नाहुम सहरता लोकुरिटा, मिमेट स्वर्गमते दांतोम इनकुंचंतिरा? मिमेट नरकमते दांतिर. ओक्‍कला मिहगा जर्गता अद्‍बूताल्‍क सदोम सहरते जर्गिसि मत्‍ते, अद सहर इदवेरादाका आगवड.

मत्‍तयाल 24:7

देसेमपोर्रो देसेम, राज्येमपोर्रो राज्येम लडाईं आयनुं, वेरे-वेरे जेगाने बूकंपाल्क आयनुं, कर्वु अर्रार.

1 कुरेंति 15:55

“ए हामुरतुना! निमे माकुन बगा गेल्‍स्‍तिन? ए हामुरतुना, नीवा कस्कना कोंडि बगा मंता?” इंचि रासि मंता.

पेन हुपिस्‍ता पोल्‍लें 1:18

नना अय्ते हासि मत्‍तन गानि हूळा, इंदके नना बस्‍केळ्‍ताहाटीं पिस्सि मनंतन. हामुर आनि नरकमता चाबि नहागेन मंता.

पेन हुपिस्‍ता पोल्‍लें 12:4

अद तरास दाना तोकाते, मब्बुने मनना सुक्‍काना मूड बागाल्कुनाल उंदि बागम सुक्‍कान इग्‍गिस बूमिपोर्रो अरहता. एर पूरालय आसि मत्‍ता मुरतळ, एर पूरतारित्‍ते, दाना पेळान मिंगनाहाटीं आ तरास, मुरतटा मुन्‍ने होंचि नित्‍तिसि मत्‍ता.

पेन हुपिस्‍ता पोल्‍लें 9:15

अदे वेला, अदे रोजु, अदे नेला, अदे वर्साताहाटीं होळसालय पेन अवुन तयार कीसि मत्‍ता. बूमिपोर्रोटा लोकुल्‍कुना मूड बागाल्कुनाल उंदि बागम लोकुल्‍कुन हव्कानाहाटीं आ नालुं दूतन होळ्‍सीयमळ जर्गता.

पेन हुपिस्‍ता पोल्‍लें 9:18

आ मूड गंडाल्कुनाहेंदाल इत्‍ते, गुर्राल्कुना तोळ्‍दाल पेय्‍सना तळमि, पोया, गंदकम इवुनाहेंदाल बूमिपोर्रोटा मूड बागाल्कुना लोकुल्‍कुनाल उंदि बागम लोकुल्‍कुन हव्‍किसि पोहमळ जर्गता.