पेन हुपिस्‍ता पोल्‍लें 6:12 - पवित्र पोल्‍ले

¹² गोर्रे पोरि हारुंगो सिक्‍कातुन नेम्‍हाचि विच्‍चुता, अस्‍के पेद्‍दा बुकंप आतद नना हूळतन. अस्‍के पोळ्‍दु कर्रे गोंगोळिलेसीं कर्रेगा आनि वेळ्‍सिअंता बारे नेत्‍तुरलेसीं एर्रगा आता.

पेन हुपिस्‍ता पोल्‍लें 6:12 Iomraidhean Croise

मत्‍तयाल 11:21

“ए कोरजिना आनि बेतसेदा नाटेना लोकुरिटा, मीकु गोसा तप्‍पो! ओक्‍कला मिहगा बव अद्‍बूताल्‍क आतां, अवे गिंटा सूर, सिदोन नाह्कुने आसि मत्‍ते अगाटा लोकुल्‍क बिराना बोंतां हुट्‍सि, मेंदुल्क बूळ्‍दि होकसि, दुक्‍कमते मनसु मार्सकुंचि मन्‍नेर.

मत्‍तयाल 24:29

आ रोजकुना तकलिपकु मारता मारुडे, “पोळ्‍दुंक हीकट मुच्‍चका वायार, वेळसि वेल्‍गु हियाकोंटा आयार, मब्बुनाल सुक्‍कां हिळु अर्रानुं, मब्बुने मनना अन्‍नि सक्‍तिन कदलिच्‍मळ जर्गंता.”

मत्‍तयाल 24:7

देसेमपोर्रो देसेम, राज्येमपोर्रो राज्येम लडाईं आयनुं, वेरे-वेरे जेगाने बूकंपाल्क आयनुं, कर्वु अर्रार.

मत्‍तयाल 27:45

पजा पिय्यटा पन्‍नेंड एगानस्‍केटाल अय्ते मूड एगनदाका पूरा बूमिअंता हीकट आता.

मत्‍तयाल 27:54

अगा जर्गुता गटनां आनि बूमि अदुल्तद हूळसि, नूर मंदि सिपाइल्कुना पोर्रो मनना अदिकारि आनि येसुनगा कावेल कीसेक मत्‍ता सिपाइल्क वेल्‍ले वेरियतुर. वेरियसि, “ईर निजमे पेनदा मर्रि आंदुर” इंचि इत्‍तुर.

मत्‍तयाल 28:2

अस्‍के उंदि पेनदा दूता स्वर्गमताल अगा रेयताहाटीं अगा पेद्‍दा बुकंप आता. पजा आ पेनदा दूता बोंदक अड्‍डम मत्‍ता बंडातुन तेंडसि, अदे बंडापोर्रो उद्‍दुता.

मरकुस 15:33

अस्‍के पिय्यटा पन्‍नेंड एगानस्‍केटाल अय्ते, मूड एगनदाका पूरा बूमिअंता हीकट आता.

पेन हुपिस्‍ता पोल्‍लें 11:13

अच्‍चोटेन अदे वेलाते अगा पेद्‍दा बुकंप आता, अद सहरता पदि बागाल्कुनाल उंदि बागम नासडेम आता. अद बुकंपता हेंदाल एडुं वेय्‍कुना लोकुल्‍क हासि होत्‍तुर. आनि बोर अय्ते पिस्सि मत्‍तुरो, ओर इरगा वेरियतुर, वेरियसि स्वर्गमते मनना पेनदा महिमा कीतुर.

पेन हुपिस्‍ता पोल्‍लें 16:18

अस्‍के मब्बु मेर्सालय, गळ-गळा इंचि उरमालय दल्‍गता, पजा इद बूमिपोर्रो लोकुल्‍क पुटतस्केटाल अय्ते, बस्‍केने आयाहिल्‍ले असोंटा पेद्‍दा बुकंप आता.

पेन हुपिस्‍ता पोल्‍लें 16:8

नालुंगो दूता दाना वाटितुन पोडदुन पोर्रो वळियसीता, अस्‍के लोकुल्‍कुन दाना दगळाते कर्वगोटाना अदिकारम पोळ्‍दुंक हियमळ जर्गता.

पेन हुपिस्‍ता पोल्‍लें 8:12

नालुंगो दूता तूताकोम उह्कता, अस्‍के पोळ्‍दु, वेडसि आनि सुक्‍कां इवुना मूड बागाल्कुनाल उंदि बागम नासडेम आता. अदुनहाटीं अवुना मूड बागाल्कुनाल उंदि बागम हीकट आता. पोद्‍दाला-नर्कागुडा मूड बागाल्कुनाल उंदि बागम हीकट आसोत्‍ता.

पेन हुपिस्‍ता पोल्‍लें 8:5

आ दूता दूपमता कुळकाते गद्‍देतगा मत्‍ता तळमितुन निहाचि अदुन बूमिपोर्रो पोह्‍चीता, अदुनहेंदाल मब्बु गळ-गळा इंचेके उरमालय, मेर्सालय, बुकंप आयालय दल्‍गता.