पेन हुपिस्‍ता पोल्‍लें 6:11 - पवित्र पोल्‍ले

¹¹ पजा ओर्क अंटोर्क तेल्‍ला कपडिं हीसि, “मीकुन हव्‍कुतापे मीवा दंटाता सेवाकुल्कुन आनि विस्‍वासुल्‍कुन हव्कना मंता, ओरा लेक्‍कांगुडा पुरागा आयानदाका मिमेट गळसेप आराम कीम्‍टु,” इंचि ओर्कु वेहतोर.

पेन हुपिस्‍ता पोल्‍लें 6:11 Iomraidhean Croise

मत्‍तयाल 10:21

कासा दादल-तम्मुह्‍क पगां आसि हव्कालय अप्‍पजेपनुर. पिलाल्क ओरा तल्‍लुर-बाबोंक अड्‍डम तिरियसि ओर्कुन हव्का वेहांतुर.

लूकाल 15:22

गानि बाबाल ओन लोन तच्‍चि, जीतागाह्कुनतोनि, बिराना होंचि बेसता कपडिं तच्‍चि ईनकु केरहट, ईना वेलुंक उंदि मुद्‍दा दोस्सट, काल्कुंक हेरपुह्क केरहट.

योहान 16:2

विस्वासम कियवा पेद्‍दाल्क मीकुन दर्मसास्‍त्रम कराहना लोहकुनाल पेच्‍हांतुर. इंका मीकुन हव्कना हरेक मनकल, नना पेनदा सेवा कीसंतन, इंचि इनकुनना कालम वायाना मंता.

प्रेरितुल्‍कुना कबाह्‍क 20:24

नाकु नावा जीवाता पिकिर हिल्‍ले. नना अय्ते सिराप येसु सामिनहेंदाल नाकु दोर्कुता आ पंदेमतुन, सेवातुन पूरा कींतन. अद बतल इत्‍ते, पेनदा कुर्पाता बारेमते बेसता पोल्‍लेना गवाइ वेहामळ आंद.”

2 तेसलोनि 1:7

बस्के अय्ते सामि येसु ओना बलमगल्‍ला दूतनतोनि पोत्‍तना तळमिते स्वर्गमताल दिस्‍सानुर, अस्‍के तकलिपते मत्‍तोर्कुंक आनि माकु सांति हियानुर.

2 तिमोति 4:7

सामिना पोर्रोटा विस्वासम बारेमता लडाइते, नना लडाइ बेस कीतन, नना बेस वित्‍तुतन. नावा विस्वासमतुन नना कापाळकुत्‍तन.

इब्रि 11:40

बारित्‍ते अन्‍निटकन्‍ना बेसतद उंदि पोल्‍ले पेन मनाहाटीं मुन्‍नेटाले तयार कीसि इरता. अद पोल्‍लेतुन मनाकु, ओर्कु उंदे मल्का दोर्काना इंचि पेन अल्हा कीता.

इब्रि 12:23

नीतिमंतुड लोकुल्‍कुना आत्माना कलिसियातगा मिमेट वातिट. आ कलिसियातगा अंटोरा पोरोलीं रासि मंतां, अंटोर्क जेस्‍टम पालना अदिकारम मंता. अंटोर्कुन पेन दानतोनि मनालय पुरागा कीता. दुनियाते मनना अन्‍निटवुना न्‍यायम कियाना पेनदागा मिमेट वातिट.

इब्रि 4:10

बल्हा अय्ते पेन दाना कबाह्‍कुन महाचि एडोव रोजु आराम कीता, अल्हेन दाना आराम कियाना जेगाते होळियानोरगुडा ओरा कबाह्‍कुन महाचि आराम कियानुर.

पेन हुपिस्‍ता पोल्‍लें 10:6

पजा अद दूता, बोर अय्ते स्वर्गमतुन आनि अव्टे मनना अन्‍निटवुन, बूमितुन आनि अव्टे मनना अन्‍निटवुन, समुद्रमतुन आनि अव्टे मनना अन्‍निटवुन तयार कीतोर, बस्‍केळ्‍क जीवाते मनना आ पेनबाबाना पोरोलते ओट्‍टु तिंचि इल्‍हा इत्‍ता, “इंका आल्सेम आयो.”

पेन हुपिस्‍ता पोल्‍लें 13:15

मोदाटा जिवरासिता बोम्मा वळ्‍कागोम इंचि बोम्माते जीवोत्रम वाटानद, आनि अदुन बोर अय्ते मोळ्‍कुर, ओर अंटोर्कुन हव्कना अदिकार दीनकु हियमळ जर्गता.

पेन हुपिस्‍ता पोल्‍लें 14:13

अस्‍के स्वर्गमताल उंदि आवाज, “इल्‍हा रासा, बोर अय्ते सामिन विस्वासम कीसि हातुर, ओर इंदके नसिबतोर आंदुर,” इंचि नाक केंजावाता. “हो! निजमे, ओरा कस्‍टमताल ओर्क आराम दोर्कंता. ओर कीता कबाह्‍क ओरतोने दांतां,” इंचि आत्मा इत्‍तद केंजावाता.

पेन हुपिस्‍ता पोल्‍लें 17:6

अद मुरतळ पेनदा लोकुल्‍कुना नेत्‍तुरतुन आनि येसु सामिना गवाइताहाटीं जीवा हीतोरा नेत्‍तुरतुन उंचि रिम्मा आतद हूळसि नाकु वेल्‍ले इचंत्रम आता.

पेन हुपिस्‍ता पोल्‍लें 7:14

अस्‍के, “नीकु एरपाटे महाराज,” इंचि नना ओन इत्‍तन. अस्‍के ओर, “ईर अंटोर वेल्‍ले तिप्पल्कुनाल पलाते वातोर आंदुर. ईर ईरा कपडिं गोर्रे पोरिना नेत्‍तुरते हुक्‍किसि तेल्‍लगा कीतुर आंदुर.

पेन हुपिस्‍ता पोल्‍लें 7:9

अद आता पजा, पेनदा राजगद्‍दे आनि गोर्रे पोरिना मुन्‍ने तेल्‍ला कपडिं केरसि, कजूर मराता कोम्मां कय्‍दे पीसि हरेक जातितोर, हरेक बासातोर, हरेक लोकुल्‍क आनि अन्‍नि देसेल्‍कुनोर इल्‍हा लेक्‍कुते बोरे लेक्‍का पर्रुर अच्‍चोन मंदितुन नना हूळतन.