पेन हुपिस्‍ता पोल्‍लें 6:10 - पवित्र पोल्‍ले

¹⁰ आ आत्मां पेद्‍दा आवाजते, “ए सामि, पवित्र आनि सत्‍तेम मनानोन, माकुन हव्कुता बूमिपोर्रोटा लोकुल्‍कुना न्‍यायम निमे बस्के कींतिन? ओरा न्‍यायम कीसि मावा नेत्‍तुरता बदला बस्के एतांतिन?” इंचि वरगेयालय दल्‍गतां.

पेन हुपिस्‍ता पोल्‍लें 6:10 Iomraidhean Croise

लूकाल 2:29

“ए सामि, निमे नाकु हीता पोल्‍ले परकारम नीवा सेवक आता नना, इंदके सांतिते हाया परांतन.

लूकाल 21:22

बारित्‍ते पेनदा पिलान परकारम अव सिक्‍सा हियना रोजुक आंदु. दर्मसास्‍त्रमते रासि मत्‍ता अन्‍नि पोल्‍लें पूरा आयना वेला आंदु.

रोम सहरतोरहाटीं पौलुसना सिट्‍टि 12:19

“बदला येतना कबळ नावद आंद, मिमेट बदला येतमट,” इंचि पेन वेहता पोल्‍ले पुस्तकमते रासि मंता. अदुनहाटीं नावा पावरमगल्‍ला विस्वासुल्‍कुनिटा, मिमेट बदला येतमट, ओरा बदला पेन येतंता, ओर्कुन पेनदुक होळसीम्टु.

इब्रि 12:24

इंका पूना करारता नड्‍डुमतोर आता येसुनगा मिमेट वातिट. आदामना मर्रि आबेलना नेत्‍तुर इत्‍ते, ओना दादाना बद्‍ला येतालय पेनदुन केयताप मत्‍ता. गानि येसुना नेत्‍तुर अय्ते मीवापोर्रो सल्सि मीवा पापाल्कुन मापि कीम इंचि पेनदुन केयताप मंता.

2 पत्रु 2:1

अस्‍के बल्हा लोकुल्‍कुना नड्‍डुम आबद्‍दम कबुरतोर मत्‍तुर, अल्‍हेने मीवा नड्‍डुमगुडा आबद्‍दम कराहनोर मंदानुर. नासडेम कियाना नियमकुन ओर मक्‍किस पीसि वांतुर आनि बोर सामि अय्ते ओर्कुन अस्तोर, ओनगुडा ओर ओप्‍कुन्‍नुर. इल्‍हा ओरद-ओरे नासडेमतुन बिराना ओरापोर्रो तरकुंतुर.

पेन हुपिस्‍ता पोल्‍लें 11:18

नीकुन एरपाट कियवा लोकुल्‍क नीवा विरोद कीताहाटीं नीकु होंग वाता. हातोरा न्‍यायम कियाना वेला इंदके एव्ता. अल्‍हेने नीवा सेवाकुल्कुंक, नीवा पोल्‍लें वेहाना कबुरतोर्कुंक, नीवा लोकुल्‍कुंक, नीकु वेरियसि पिस्‍साना सिन्‍नाल्कुंक-पेद्‍दाल्कुंक इनाम हियना वेला एवता. अचोने आयाका बूमितुन नासडेम कीतोर्कुन नासडेम कियाना वेलागुडा वाता,” इंचि इत्‍तुर.

पेन हुपिस्‍ता पोल्‍लें 18:20

“ए स्वर्गमते मनानोरिटा, पेनदा पवित्र लोकुल्‍कुनिटा, प्रेरितुल्कुनिटा आनि पेनदा कबुरतोरिटा, अद सहर नासडेम आताहाटीं कूस आम्टु, अद सहर मीकुन हर्रि तप्‍पिस्‍ता इंचि पेन दानकु दगता सिक्‍सा हीता” इंचि आ पेनदा दूता वेहता.

पेन हुपिस्‍ता पोल्‍लें 18:24

निहगा पेनदा कबुरतोरा नेत्‍तुर, पेनदा लोकुल्‍कुना नेत्‍तुर अल्‍हेने वेरे लोकुल्‍कुना नेत्‍तुर दिस्ता” इंचि वेहता.

पेन हुपिस्‍ता पोल्‍लें 19:2

अद कियाना न्‍यायम सत्‍तेमतद आनि नीतिगल्‍लद आंदु, बारित्‍ते बेबिलोन सहर बोगमतनम कीसि पूरा दुनियातुन हेळाहता. अदुनहाटीं पेन दान्क सिक्‍सा हीसि दाना सेवाकुल्कुना बदला येतता,” इंचि इनानद केंजावाता.

पेन हुपिस्‍ता पोल्‍लें 3:10

निमे ओप्के पीसि नावा पोल्‍लेते ताकतिन अल्हेन, केंजतिनगुडा. अदुनहाटीं ई दुनियाता लोकुल्‍कुना पट्‍टु हूळालय बतलय्ते परिक्‍सा वायाना मंता, अव्टेटाल नीकुन कापाळंतन.

पेन हुपिस्‍ता पोल्‍लें 3:7

पिलाडेलपिया सहरता कलिसियाता दूताक इल्‍हा रासा. बोर अय्ते पवित्र आनि सत्‍तेमतोर मंतोर, ओर दाविदना अदिकारता चाबि इर्रंतोर, ओर तेंडता तल्‍पुन बोरे बंद किया पर्रोर आनि ओर बंद कीता तल्‍पुन बोरे तेंडा पर्रोर, ओर बतल इंतोर इत्‍ते,