पेन हुपिस्‍ता पोल्‍लें 5:9 - पवित्र पोल्‍ले

^9-10 पज्जो ओर अंटोर उंदि पूना पाटा पारालय दल्‍गतुर, “निमे इद पुस्तकमतुन एतसि, दाना सिक्‍कान नेम्‍हाचि विच्‍चनालायक मंतिन. बारित्‍ते, निमे मोक्‍कु आसि नीवा नेत्‍तुर कुदुवा दोस्‍सि हरेक जातिताल, हरेक बासानोरव्टेटाल, हरेक लोकुल्‍कुनाल आनि हरेक देसेमतोरव्टेटाल पेनदाहाटीं अस्‍कुत्‍तिन. निमे ओर्कुन पेनदाहाटीं दाना राज्येमतोर आनि पेर्मालोर्क कीतिन. ओर बूमिपोर्रो राज्येम कींतुर.”

पेन हुपिस्‍ता पोल्‍लें 5:9 Iomraidhean Croise

मत्‍तयाल 20:28

बारित्‍ते मनकना रूपमते पुटतोन नना, सेवा कियागोटकुनालय वाया हिल्‍लेन गानि वेरेतोरा सेवा कियालय आनि वेल्‍लेटोर्कुन पापमताल पेचाहलय, ओराहाटीं नावा जीवा हियालय वातन,” इत्‍तोर.

मत्‍तयाल 26:28

बारित्‍ते इद पूना करारता नेत्‍तुर आंदु. वेल्‍लेटुर लोकुल्‍कुना पापाल्क मापि कियालय पोंगसेक मंता.

प्रेरितुल्‍कुना कबाह्‍क 20:28

पवित्र आत्मा मीकुन मीवा कलिसियातोरपोर्रो कोहानोन-मेहानोन लेह्का पेर्कुत्‍ता. अद मंदातुन पेन कुद्‍दु दाना मर्रिना नेत्‍तुर हीसि असकुत्‍ता. अदुनहाटीं मीवद मिमेट अल्‍हेने मीवा जिम्मेदारिते मनना मंदातुनगुडा मिमेट बेस कापाळसेके मंटु.

1 कुरेंति 6:20

बारित्‍ते पेन मीकुन दरा दोस्‍सि अस्‍कुत्‍ता, अदुनहाटीं मिमेट मीवा मेंदुलताहेंदाल दाना महिमा कीम्‍टु.

1 कुरेंति 7:23

पेन मीकुन दरा दोस्‍सि अस्‍कुत्‍ता, दानहाटीं मनकालोरा दास आयमटु.

इपीसि 1:7

किरिस्‍तु ओना सतता नेत्‍तुरतुन पोंगागोटताहेंका मना पापाल्क मापि आसि मनाकु मुक्‍ति दोर्कता. इल्‍हा पेन दाना वेल्‍लेन कुर्पातुन मनापोर्रो कुम्मरिच्‍ता.

इपीसि 5:19

इंकावरोनतोनि वरोर बस्‍केळ्‍क बक्‍ति पाटां, पेनदुन तल्‍सकुनना पाटां, पेनदा पाटां पारसेके, सामिन मीवा मनसुने बस्‍केळ्‍क मति कीसेके मंटु.

कुलुसि 1:14

ओना मर्रिनाहेंदाले मनाकु मुक्‍ति दोर्कंता, इत्‍ते ओनाहेंदाल पापाल्कुनाल मापि दोर्कंता.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

तीतु 2:14

इंका किरिस्‍तु मनाकुन अन्‍नि तीरकुना तप्‍पुड कबाह्कुनाल तपिच्‍चि, बस्‍केळ्‍क बेसता कबाह्के कियगोम इंचि मनसु इर्राना ओना सतता लोकुल्‍क मनम आयगोम इंचि, मनाकुन पवित्र कियनाहाटीं ओना सतता जीवातुन हीतोर.

इब्रि 11:14

इसोंटा पोल्‍लें बोर अय्ते वळ्कंतुरो, ओर ओरा सतता देसेमतुन पहकसंतुर इंचि मनाकु अर्तम आंता.

2 पत्रु 2:1

अस्‍के बल्हा लोकुल्‍कुना नड्‍डुम आबद्‍दम कबुरतोर मत्‍तुर, अल्‍हेने मीवा नड्‍डुमगुडा आबद्‍दम कराहनोर मंदानुर. नासडेम कियाना नियमकुन ओर मक्‍किस पीसि वांतुर आनि बोर सामि अय्ते ओर्कुन अस्तोर, ओनगुडा ओर ओप्‍कुन्‍नुर. इल्‍हा ओरद-ओरे नासडेमतुन बिराना ओरापोर्रो तरकुंतुर.

1 योहान 1:7

गानि पेन बल्हा वेलगुने मंता, अल्हा मनमगुडा वेलगुने ताकानय्ते, मनम वरोनतोनि वरोर कलियसि उंदासि मत्‍ताप मनंतोम. अस्‍के पेनदा मर्रि येसुना नेत्‍तुर, मनाकुन मना अन्‍नि पापाल्कुनाल पुरागा बेस साप कींता.

1 योहान 2:2

मना पापाल्क मापि आयाना इंचि ओर मनाहाटीं मोक्‍कु आतोर. ओर सिराप मना पापाल्क मापि आयानाहाटींगे आयो, पूरा दुनियातोरा पापाल्क मापि आयानाहाटीं मोक्‍कु आतोर.

पेन हुपिस्‍ता पोल्‍लें 10:11

पजा आ दूता नाकुन, “मरुंदि मल्का निमे होंचि हरेक बासा वळकानोर्कुंक, राजुल्‍कुंक, वेल्‍लेन लोकुल्‍कुंक आनि दुनियाता अन्‍नि देसेल्‍कनोर्कुंक, वायाना कालमते ओरपोर्रो बतल जर्गानद मंतानो, अदुना बारेमते बविस्यवानि वेहा” इंचि इत्‍ता.

पेन हुपिस्‍ता पोल्‍लें 11:9

मूडुननरा रोजकुनदाका अन्‍नि जातिनोर, हरेक बासा वळ्कानोर, अंटोर लोकुल्‍क, दुनियाता अन्‍नि देसेल्‍कुनोर ओरा पीनगुल्कुन हूळांतुर, गानि ओर्कुन बोंदा मात्रम दोस्‍सा हिय्युर.

पेन हुपिस्‍ता पोल्‍लें 13:7

दान्क पेनदा लोकुल्‍कुनतोनि लडाइ कीसि ओर्कुन गेल्सानद अदिकारम हियमळ जर्गता. इच्‍चोने आयाका दान्क हरेक जाति, हरेक बासा, हरेक लोकुल्‍क आनि दुनियाता अन्‍नि देसेल्‍कुना लोकुल्‍कुनपोर्रो अदिकारम हियमळ जर्गता.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 14:6

अद आता पजा नना पेनदा इंकुंदि दूतातुन मब्बुना नड्‍डुमताल परियसेक मननद हूळतन, दानागा बूमिपोर्रो मनना अंटोर्क, हरेक जातितोर्क, हरेक बासा वळ्कानोर्क, अंटोर लोकुल्‍कुंक आनि दुनियाता अन्‍नि देसेल्‍कुना लोकुल्‍कुंक वेहालय बस्‍केळ्‍क पिस्सना पिस्वर बारेमता बेसता कबुर मत्‍ता.

पेन हुपिस्‍ता पोल्‍लें 15:3

पेनदा सेवाकुड मूसाना पाटा आनि गोर्रे पोरिना पाटा पारसेके ओर इल्‍हा इनुंदुर, “ए अन्‍निटकन्‍ना एक्‍को सक्‍तिमंतुन आता मावा सामि पेनदुना, नीवा कबाह्‍क पेद्‍देय आनि इचंत्रमतव आंदुं, निमे बस्‍केळ्‍क मंदना राजान आंदिन, नीवा हर्रि नीतितद, आनि सत्‍तेमतद आंदु,

पेन हुपिस्‍ता पोल्‍लें 17:15

अद आता पजा दूता नातोनि, “बोगामोतळ उद्‍दिस मत्‍ता बव एता जलां अय्ते निमे हूळतिन, अव जलां इत्‍ते, वेरे-वेरे लोकुल्‍क, वेरे-वेरे लोकुल्‍कुना मंदां, वेरे-वेरे देसेल्‍कुनोर, वेरे-वेरे बासां वळकानोर आंदुर.

पेन हुपिस्‍ता पोल्‍लें 4:11

“निमेने ई दुनियाता अन्‍नि वस्‍तुक तयार कीतिन, इव अन्‍नि नीवा इच्‍चा परकारम तयार आतां. नीवा इच्‍चा परकारमे मंतां, निमेने मावा पेन, मावा सामिन आंदिन. महिमा, स्‍तुति आनि ताकत नीवदे आंदु,” इंचि इंतुर.

पेन हुपिस्‍ता पोल्‍लें 5:12

“मन्कालोर इद गोर्रे पोरिन हव्‍किस मत्‍तुर गानि, संपत्‍ति, बुद्‍दि, बलम, कदर, महिमा आनि स्‍तुतिता लायक इदे आंद,” इल्‍हा अव अन्‍नि दूतां पेद्‍दा आवाजते इंचेके मत्‍तां.

पेन हुपिस्‍ता पोल्‍लें 5:6

अस्‍के आ राजगद्‍दे, जीवाते मनना नालुं जिवरासीं आनि पेद्‍दाल्कुना नड्‍डुम, मोक्‍कु हीतदुनलेसीं उंदि गोर्रे पोरि नित्‍तिसि मत्‍तद नना हूळतन. दान्क एडुं कोह्कु, एडुं कळ्‍क मत्‍तां. आ एडुं कळ्‍क इत्‍ते, पेन बूमिपोर्रो अन्‍नि दिक्‍कुल्कुने लोहता दाना एडुं आत्मां आंदुं.