पेन हुपिस्‍ता पोल्‍लें 5:8 - पवित्र पोल्‍ले

⁸ बस्के अय्ते गोर्रे पोरि आ पुस्तकमतुन तेंडकुत्‍ता, अस्‍के आ नालुं जिवरासि आनि इरवै नालुर पेद्‍दाल्क गोर्रे पोरिना मुन्‍ने काल्कुनगा बोक-बोर्लें अर्सि मोळ्‍कतुर. ओर अंटोरा कय्‍दे उंद-उंदि टांबुरा आनि दूपमते निंडिसि मत्‍ता बंगारमता कुळ्‍कां मत्‍तां. आ दूपमते निंडिसि मत्‍ता कुळ्‍कां इत्‍ते, पेनदा लोकुल्‍कुना पारतनां आंदुं.

पेन हुपिस्‍ता पोल्‍लें 5:8 Iomraidhean Croise

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

इब्रि 1:6

इदे आयवा, बस्के अय्ते पेन दाना तोल्सूर मर्रिन बूमितगा तत्‍ता, अस्‍के, “पेनदा अन्‍नि दूतां ओन मोळ्‍किं,” इंचि इत्‍ता.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 15:2

बोर अय्ते आ जिवरासि, बोम्मा आनि दाना पोरोलता नंबरतोनि लडाइ कीसि गेल्सि मत्‍तुर, ओर अंटोर पेनदा टांबुरां पीसि आ समुद्रमता ओड्‍डुनपोर्रो नित्‍तिस मत्‍तद नना हूळतन

पेन हुपिस्‍ता पोल्‍लें 15:7

अस्‍के आ नालुं जिवरासिनाल उंदि जिवरासि, अव एडुं दूतांक, बंगारमता एडुं वाटिं हिता. आ वाटिने युगा-युगाल्क जीवाते मंदना पेनदा होंग निंडिस मत्‍ता.

पेन हुपिस्‍ता पोल्‍लें 19:4

अस्‍के आ इरवै नालुर एनकटा पेद्‍दाल्क आनि आ नालुं जिवरासीं राजगद्‍देपोर्रो उद्‍दिस मत्‍ता पेनदा काल्कुनगा टोंगरां ऊनसि, “आमीन हालेलुया!” इंचि मोळ्‍कतुर.

पेन हुपिस्‍ता पोल्‍लें 4:10

अस्‍के ओर इरवै नालुर पेद्‍दाल्क पेनदा मुन्‍ने टोंगरां ऊनसि ओरा तल्‍लानपोर्रो मत्‍ता किरिटाल्कुन हिळु इर्सि,

पेन हुपिस्‍ता पोल्‍लें 4:4

राजगद्‍देता सुट्‍टु इरवै नालुं राजगद्‍दें मत्‍तां. अव राजगद्‍देन पोर्रो इरवै नालुर एनकटा पेद्‍दाल्क तेल्‍ला कपडिं केरसि उद्‍दिस मत्‍तुर. ओरा तल्‍लानपोर्रो बंगारमता किरिटाल्कु दोस्‍सि मत्‍तां.

पेन हुपिस्‍ता पोल्‍लें 4:6

राजगद्‍देता मुन्‍ने अद्‍दमतसोंटा समुद्रम दिस्सेक मत्‍ता. आ राजगद्‍देता नड्‍डुम, सुट्‍टु नालुं जीवाते मत्‍ता जिवरासीं नित्‍तिसि मत्‍तां. अवुंक पज्जो-मुन्‍ने कळ्के कळ्‍क निंडिस मत्‍तां.

पेन हुपिस्‍ता पोल्‍लें 4:8

जीवाते मनना नालुं जिवरासिंक हारुं-हारुं रेक्‍कां मंतां, अवुना मेंदुलता सुट्‍टु, लोप्पो कळ्के-कळ्‍क मंतां. अव पोद्‍दाला नर्का पल्हीं आराम कियाकोंटा उंदेतीर, “निमेने पवित्र, पवित्र, पवित्र, सामि पेनबाबाल, अन्‍निटकन्‍ना सक्‍तिमंतुन आंदिन. निमेने मुन्‍नेटाल मत्‍तिन, इंदके मंतिन, मुन्‍नेगुडा मनांतिन” इंचि इंचेक मत्‍तां.

पेन हुपिस्‍ता पोल्‍लें 5:11

पजा नना अगा हूळते, आ राजगद्‍दे सुट्‍टु, अव नालुं जिवरासिना सुट्‍टु आनि पेद्‍दाल्कुना सुट्‍टु पेनदा वेल्‍लेन दूताना लेंग केंजावाता. अव दूतां लेक्‍कुते लाकुल्क, कोट्‍कुने मत्‍तां.

पेन हुपिस्‍ता पोल्‍लें 5:12

“मन्कालोर इद गोर्रे पोरिन हव्‍किस मत्‍तुर गानि, संपत्‍ति, बुद्‍दि, बलम, कदर, महिमा आनि स्‍तुतिता लायक इदे आंद,” इल्‍हा अव अन्‍नि दूतां पेद्‍दा आवाजते इंचेके मत्‍तां.

पेन हुपिस्‍ता पोल्‍लें 5:14

अस्‍के जीवाते मनना नालुं जिवरासीं “आमीन” इत्‍तां. पजा पेद्‍दाल्क टोंगरां ऊनसि आरादना कीतुर.

पेन हुपिस्‍ता पोल्‍लें 5:6

अस्‍के आ राजगद्‍दे, जीवाते मनना नालुं जिवरासीं आनि पेद्‍दाल्कुना नड्‍डुम, मोक्‍कु हीतदुनलेसीं उंदि गोर्रे पोरि नित्‍तिसि मत्‍तद नना हूळतन. दान्क एडुं कोह्कु, एडुं कळ्‍क मत्‍तां. आ एडुं कळ्‍क इत्‍ते, पेन बूमिपोर्रो अन्‍नि दिक्‍कुल्कुने लोहता दाना एडुं आत्मां आंदुं.

पेन हुपिस्‍ता पोल्‍लें 6:1

पजा एडुं सिक्‍कानाल उंदि सिक्‍कातुन आ गोर्रे पोरि नेम्‍हाचि विच्‍चुता. अस्‍के जीवाते मत्‍ता आ नालुं जिवरासिनाल उंदि जिवरासि, पिडगु वाटते वायानसोंटा आवाजते, “वा” इत्‍तद नना केंजतन.