पेन हुपिस्‍ता पोल्‍लें 5:13 - पवित्र पोल्‍ले

¹³ अचोने आयाका स्वर्गमते, बूमिपोर्रो, बूमि हिळु, समुद्रम आनि अवुने मनानव अन्‍निगुडा, “राजगद्‍देपोर्रो उद्‍दनोनद आनि गोर्रे पोरिनद, स्‍तुति, कदर, महिमा आनि बलम बस्‍केळ्‍ताहाटीं मन्‍निकांटी,” इंचि इनानद नना केंजतन.

पेन हुपिस्‍ता पोल्‍लें 5:13 Iomraidhean Croise

मत्‍तयाल 6:13

माकुन पट्‍टुने अर्राकोंटा कापाळा, सेड्‍डातनमताल माकुन पिसागोट्‍टा. बस्केळक राजाल निमेन आंदिन. अदुनहाटीं ताकत आनि महिमा बस्केळक नीवदे आंद.” आमीन!

लूकाल 2:14

“स्वर्गमते पेनदा कदर आयि, बूमिपोर्रो अद पावरम कीता लोकुल्‍कुंक सांति दोर्किकांटी,” इंचि इनालय दल्‍गतां.

योहान 1:29

इंकुंदि रोजु योहान, येसु ओनाहेके वायनद हूळसि, “अद हुळाट, दुनियातुन पापमता सिक्‍साताल तप्‍सानाहाटीं मोक्‍कु आयाना पेनदा गोर्रे पोरिनसंटोर!

रोम सहरतोरहाटीं पौलुसना सिट्‍टि 11:36

दुनियाते मनानव अन्‍नि पेनदागटाले वातां, अन्‍निन अदे पुटिस्ता, दुनियाते मनानव अन्‍नि दानाहाटींगे मंतां. युगा-युगाल्‍कुनदाका दानदे महिमा आयि, आमीन.

रोम सहरतोरहाटीं पौलुसना सिट्‍टि 9:5

एनकटा पेद्‍दाल्क अब्राहाम, इसाक आनि याकोब ईरगुडा ईरोरे आंदुर. अचोने आयका येसु किरिस्‍तुगुडा मनकन रूपमते ईरा वंसंमतेन पुटतोर. अन्‍निन ताकसना अदिकारम मत्‍ता पेने ई येसु किरिस्‍तु आंदुर. अव अन्‍नि बस्‍केळ्‍क ओने तल्‍सकुन्‍निं. आमीन.

इपीसि 3:21

कलिसियाते किरिस्‍तु येसुनाहेंदाल बस्‍केळ्‍क पीळि-पीळिनदाका पेनदुके कदर दोर्कि, आमीन.

पिलिपिया 2:10

बारित्‍ते, मब्बुन पोर्रोटव, बूमि पोर्रोटव, बूमि हिळतव अन्‍नि येसुना मुन्‍ने टोंगरां ऊनसि ओन्‍के मोळ्‍काना.

कुलुसि 1:23

गानि मिमेट विस्वासमते हीके-हेके आयाकुंटा गट्‍टिगा निल्‍सि मंटु, मिमेट केंजता बेसता कबुरता आसेतुन होळ्‍समट. अद बेसता कबुर मब्बुन हिळता अंटोर लोकुल्‍कुंक वेहमळ जर्गसेक मंता. अदे सेवा कियानाहाटीं नना, इत्‍ते पौलुसुन पेनदा सेवक आतन.

1 तिमोति 4:16

निमे नीवा पिस्वर बारेमते आनि निमे वेहना पोल्‍लेन बारेमते वेल्‍ले जेर्गताते मन. अल्हा मत्‍तिनित्‍ते, नीवद निमे कापाळकुंतिन, नीवा पोल्‍लें केंजानोर्कुनगुडा कापाळंतिन.

1 पत्रु 4:11

बोन्क अय्ते पेनदा पोल्‍ले वेहाना वरम दोर्कता, ओर पेन वेहतापे वळ्कना. बोर अय्ते सेवा कींतोर, ओर पेन हिय्यना बलमतेने कियाना. अन्‍नि पोल्‍लेने येसु किरिस्‍तुनाहेंदाल पेनदुके महिमा दोर्काना. महिमा आनि ताकत युगा-युगाल्‍कुनदाका पेनदादे आंद. आमीन.

1 पत्रु 5:11

दानादे राज्येम युगा-युगाल्‍कुनदाका मन्‍निकांटी, आमीन.

यहुदा 1:25

अद उंदे पेनदुक, मनाकु मुक्‍ति हियानोर सामि येसु किरिस्‍तुनाहेंदाल, महिमा, पेद्‍दातनम, ताकत, अदिकारम मुन्‍नेटा कालमते मत्‍ताप इद कालमते आनि युगा-युगाल्‍कुनदाका मन्‍निकांटी, आमीन.

पेन हुपिस्‍ता पोल्‍लें 1:6

मना पेनबाबाना पेद्‍दातनम, अदिकारम बस्‍केळ्‍क मननाहाटीं ओर मनाकुन पेनदा राज्येमतोर आनि पेर्मालोर्क कीतोर. आमीन!

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 5:1

पजा आ राजगद्‍देपोर्रो उद्‍दिस मत्‍तोना तिना कय्‍दे नाकु उंदि पुस्तकम दिस्ता. अद लोप्पो, पलाते रोंडु पक्‍काने रासि मत्‍ता आनि दान्क एडुं सिक्‍कां तंचि गुंडूर्गा हुट्‍सि मत्‍ता.

पेन हुपिस्‍ता पोल्‍लें 5:12

“मन्कालोर इद गोर्रे पोरिन हव्‍किस मत्‍तुर गानि, संपत्‍ति, बुद्‍दि, बलम, कदर, महिमा आनि स्‍तुतिता लायक इदे आंद,” इल्‍हा अव अन्‍नि दूतां पेद्‍दा आवाजते इंचेके मत्‍तां.

पेन हुपिस्‍ता पोल्‍लें 5:3

गानि स्वर्गमते आयि, बूमिपोर्रो आयि, बूमि हिळु आयि अद पुस्तकमतुन विच्‍चिसि दाना लोप्पो हूळना लायकतोर बोरे मनाहिल्‍लोर.

पेन हुपिस्‍ता पोल्‍लें 5:6

अस्‍के आ राजगद्‍दे, जीवाते मनना नालुं जिवरासीं आनि पेद्‍दाल्कुना नड्‍डुम, मोक्‍कु हीतदुनलेसीं उंदि गोर्रे पोरि नित्‍तिसि मत्‍तद नना हूळतन. दान्क एडुं कोह्कु, एडुं कळ्‍क मत्‍तां. आ एडुं कळ्‍क इत्‍ते, पेन बूमिपोर्रो अन्‍नि दिक्‍कुल्कुने लोहता दाना एडुं आत्मां आंदुं.

पेन हुपिस्‍ता पोल्‍लें 5:9

पज्जो ओर अंटोर उंदि पूना पाटा पारालय दल्‍गतुर, “निमे इद पुस्तकमतुन एतसि, दाना सिक्‍कान नेम्‍हाचि विच्‍चनालायक मंतिन. बारित्‍ते, निमे मोक्‍कु आसि नीवा नेत्‍तुर कुदुवा दोस्‍सि हरेक जातिताल, हरेक बासानोरव्टेटाल, हरेक लोकुल्‍कुनाल आनि हरेक देसेमतोरव्टेटाल पेनदाहाटीं अस्‍कुत्‍तिन. निमे ओर्कुन पेनदाहाटीं दाना राज्येमतोर आनि पेर्मालोर्क कीतिन. ओर बूमिपोर्रो राज्येम कींतुर.”

पेन हुपिस्‍ता पोल्‍लें 6:16

मक्‍किसि गुट्‍टां आनि बंडानतोनि, “मापोर्रो अर्सि, राजगद्‍देपोर्रो उद्‍दिस मत्‍तोना नदरताल आनि गोर्रे पोरिना होंगुनाल माकुन मक्‍किचट.