पेन हुपिस्‍ता पोल्‍लें 4:5 - पवित्र पोल्‍ले

⁵ आ राजगद्‍देताल पिडगु वाटाना वेलगु, उरुमना आवाज आनि पेद्‍दा लेंग पलाते पेय्सेक मत्‍ता. राजगद्‍देता मुन्‍ने तळमितव एडुं वेडसिं पोतसेके मत्‍तां. अव वेडसिं इत्‍ते, पेनदा एडुं आत्मा आंदुं.

पेन हुपिस्‍ता पोल्‍लें 4:5 Iomraidhean Croise

मत्‍तयाल 25:1

येसु मर्रा उंदि वेसुड वेहालय सुरुव कीतोर. ओर इत्‍तोर, स्वर्ग राज्येम बारेमते नना उंदि वेसुड वेहंतन केंजट. पदि लेय्यां कंदिलिं पीसि वरोर मरमिना पेडांक कलियालय होत्‍तां.

मत्‍तयाल 3:11

मिमेट मीवा मनसु मार्सकुत्‍ताहाटीं नना मीकु एते मुळ्‍हाचि बापतिस्मा हीसेक मंतन. गानि नाकन्‍ना सक्‍तिमंतुड नावा पज्जोटाल वासंतोर. ओना हेरपुह्कुन इटाना लायकगुडा नना हिल्‍लेन. ओरे मीकु पवित्र आत्माते आनि तडमिते बापतिस्मा हींतोर.

प्रेरितुल्‍कुना कबाह्‍क 2:3

अस्‍के तळमितालेसीं पोत्‍तना नाल्‍कें ओर्कु दिसतां, अव अगा मत्‍तोरा पोर्रो उंद-उंदि रेयतां.

पेन हुपिस्‍ता पोल्‍लें 1:4

आसिया राज्येमते मनना एडुं कलिसियानोर्क नना योहानुन बतल रासेक इत्‍ते, इंदके मनानद, मोदोलताल मत्‍तद आनि मुन्‍ने वायाना मंता आ पेनदाहेंदाल, दाना राजगद्‍देता मुन्‍ने मनना आ एडुं आत्मानाहेंदाल इंका विस्वासमलायक गवाइ मत्‍ता येसु किरिस्‍तुनाहेंदाल मीकु कुर्पा, सांति दोर्किकांटी. येसु हातोराव्टेटाल जीवाते तेदता मोदाटा मनकल आंदुर. ओर ई बूमिपोर्रोटा राजालोरा राजाल आंदुर. मना अंटोर्कुन पावरम कियानोर आंदुर, इंका ओना नेत्‍तुरतुन पोंगागोटसि मनाकुन मना पापाल्कुनाल पाय्सतोर.

पेन हुपिस्‍ता पोल्‍लें 10:3

पजा सिंहम मोत्‍कुत्‍ताप पेद्‍दा आवाजते मोतकुत्‍ता. अस्‍के एडुं मल्कां उरुमताप गड्‍डेल इंचि आवाज वाता.

पेन हुपिस्‍ता पोल्‍लें 11:19

पजा स्वर्गमते मत्‍ता पेनदा गुळि कुल्‍ला आता. अय्ते अगा पेनदा करारकुना संदुग दिस्ता. अस्‍के इरगा मेर्समळ, उरुममळ, पिडगु वाटमळ, बुकंम आयमळ जर्गता पजा इरगा बंडां अरतां.

पेन हुपिस्‍ता पोल्‍लें 3:1

सरदिस सहरता कलिसियाता दूताक इल्‍हा रासा. बोनगा अय्ते पेनदा एडुं सुक्‍कां आनि एडुं आत्मां मंतां ओर बतल इंतोर इत्‍ते, निमे कियाना कबाह्‍क नाकु एरपाटे; नीवद निमे “जीवाते मंतन” इंचि इनकुंचंतिन गानि असल इत्‍ते निमे हासि मंतिन.

पेन हुपिस्‍ता पोल्‍लें 5:6

अस्‍के आ राजगद्‍दे, जीवाते मनना नालुं जिवरासीं आनि पेद्‍दाल्कुना नड्‍डुम, मोक्‍कु हीतदुनलेसीं उंदि गोर्रे पोरि नित्‍तिसि मत्‍तद नना हूळतन. दान्क एडुं कोह्कु, एडुं कळ्‍क मत्‍तां. आ एडुं कळ्‍क इत्‍ते, पेन बूमिपोर्रो अन्‍नि दिक्‍कुल्कुने लोहता दाना एडुं आत्मां आंदुं.

पेन हुपिस्‍ता पोल्‍लें 8:5

आ दूता दूपमता कुळकाते गद्‍देतगा मत्‍ता तळमितुन निहाचि अदुन बूमिपोर्रो पोह्‍चीता, अदुनहेंदाल मब्बु गळ-गळा इंचेके उरमालय, मेर्सालय, बुकंप आयालय दल्‍गता.