पेन हुपिस्‍ता पोल्‍लें 4:2 - पवित्र पोल्‍ले

² अस्‍केने नना पवित्र आत्माते निंडतन. नाक स्वर्गमते राजगद्‍देपोर्रो बोरो वरोर उद्‍दिस मत्‍तद दिसतोर.

पेन हुपिस्‍ता पोल्‍लें 4:2 Iomraidhean Croise

मत्‍तयाल 22:43

अस्‍के येसु ओर्कुन इल्‍हा इत्‍तोर. “अय्ते, दाविद पवित्र आत्माते निंडसि इल्‍हा इत्‍तोर. सामि नावा सामिन इत्‍तोर, बदवेरदाका अय्ते नीवा पगातोर्कुन नीवा काल्कुनगा तायोन, अदवेरदाका नावा तिना बाजुंक उद्‍दिसि मन.

इब्रि 8:1

इदवेरदाका वेहासेक वाता पोल्‍लेता मेन पोल्‍ले बतल इत्‍ते, स्वर्गमते अन्‍निटकन्‍ना पेद्‍दा पेनदा तिना बाजुंक राज्येम कियालय बोर अय्ते उद्‍दिसि मंतोरो, ओरे मावाहाटीं पेद्‍दा पेर्मल आतोर.

पेन हुपिस्‍ता पोल्‍लें 1:10

सामिना रोजुननाड, इत्‍ते अय्तारम, नना पवित्र आत्माते निंडिस मत्‍तन. नावा पज्जो तूताकोमता आवाजनसोंटा पेद्‍दा आवाज केंजावाता.

पेन हुपिस्‍ता पोल्‍लें 12:5

अद मुरतळ वरोर मर्रिन कंता. ओर अन्‍नि राज्येल्कुनपोर्रो कच्‍चिता सलाकिलेसीं कडक राज्येम कियानोर मत्‍तोर. गानि आ पेळान पेनदागा, दाना राजगद्‍देतगा ओयमळ जर्गता.

पेन हुपिस्‍ता पोल्‍लें 17:3

नना पवित्र आत्माते निंडतस्के, आ दूता नाकुन बय्‍लि जेगाते ओता. अगा पदि कोह्कु आनि एडुं तल्‍लां मत्‍ता उंदि एर्राटा जिवरासिपोर्रो उंदि मुरतळ उद्‍दिस मत्‍तद नाकु दिस्ता. आ जिवरासिता मेंदुलमेड पेनदा अपमानम कियाना पोल्‍लेंगे रासि मत्‍तां.

पेन हुपिस्‍ता पोल्‍लें 19:4

अस्‍के आ इरवै नालुर एनकटा पेद्‍दाल्क आनि आ नालुं जिवरासीं राजगद्‍देपोर्रो उद्‍दिस मत्‍ता पेनदा काल्कुनगा टोंगरां ऊनसि, “आमीन हालेलुया!” इंचि मोळ्‍कतुर.

पेन हुपिस्‍ता पोल्‍लें 20:11

पजा नना, उंदि तेल्‍लाटा राजगद्‍दे आनि दानपोर्रो उद्‍दिस मत्‍तोन हूळतन. बूमि, मब्बु ओना मुन्‍नेटाल पेय्सि वित्‍तुतां. मर्रा अवुंक बग्‍गेन जेगा दोर्काहिल्‍ले.

पेन हुपिस्‍ता पोल्‍लें 21:10

अस्‍के आ दूता, नना पवित्र आत्माते निंडिसि मन्‍नेंके नाकुन उंदि पेद्‍दा एत्‍तु गुट्‍टापोर्रो ओता. ओसि, पेनदागटाल पवित्र येरुसलेम सहर स्वर्गमताल हिळु रेयानदुन नाकु हुपिस्‍ता.

पेन हुपिस्‍ता पोल्‍लें 21:5

अस्‍के राजगद्‍देपोर्रो उद्‍दिस मत्‍तोर ओर, “हुळाट! नना अन्‍निटवुन पूनाव कीसि वाटंतन” इंचि इत्‍तोर. मर्रा ओर, “इव पोल्‍लें सत्‍तेम, विस्वासमलायकतव आंदुं, इवुन रासा,” इंचि नाकु वेहतोर.

पेन हुपिस्‍ता पोल्‍लें 3:21

बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.

पेन हुपिस्‍ता पोल्‍लें 4:10

अस्‍के ओर इरवै नालुर पेद्‍दाल्क पेनदा मुन्‍ने टोंगरां ऊनसि ओरा तल्‍लानपोर्रो मत्‍ता किरिटाल्कुन हिळु इर्सि,

पेन हुपिस्‍ता पोल्‍लें 4:5

आ राजगद्‍देताल पिडगु वाटाना वेलगु, उरुमना आवाज आनि पेद्‍दा लेंग पलाते पेय्सेक मत्‍ता. राजगद्‍देता मुन्‍ने तळमितव एडुं वेडसिं पोतसेके मत्‍तां. अव वेडसिं इत्‍ते, पेनदा एडुं आत्मा आंदुं.

पेन हुपिस्‍ता पोल्‍लें 4:9

बस्के अय्ते अव नालुं जिवरासीं, राजगद्‍देपोर्रो उद्‍दिस मत्‍ता बस्‍केळ्‍क जीवाते मनना पेनदा स्‍तुति, महिमा, दन्यवाद कींतां,

पेन हुपिस्‍ता पोल्‍लें 5:1

पजा आ राजगद्‍देपोर्रो उद्‍दिस मत्‍तोना तिना कय्‍दे नाकु उंदि पुस्तकम दिस्ता. अद लोप्पो, पलाते रोंडु पक्‍काने रासि मत्‍ता आनि दान्क एडुं सिक्‍कां तंचि गुंडूर्गा हुट्‍सि मत्‍ता.

पेन हुपिस्‍ता पोल्‍लें 5:13

अचोने आयाका स्वर्गमते, बूमिपोर्रो, बूमि हिळु, समुद्रम आनि अवुने मनानव अन्‍निगुडा, “राजगद्‍देपोर्रो उद्‍दनोनद आनि गोर्रे पोरिनद, स्‍तुति, कदर, महिमा आनि बलम बस्‍केळ्‍ताहाटीं मन्‍निकांटी,” इंचि इनानद नना केंजतन.

पेन हुपिस्‍ता पोल्‍लें 6:16

मक्‍किसि गुट्‍टां आनि बंडानतोनि, “मापोर्रो अर्सि, राजगद्‍देपोर्रो उद्‍दिस मत्‍तोना नदरताल आनि गोर्रे पोरिना होंगुनाल माकुन मक्‍किचट.