पेन हुपिस्‍ता पोल्‍लें 4:1 - पवित्र पोल्‍ले

¹ इव अन्‍नि आतस्के, स्वर्गमते उंदि तल्‍पु कुल्‍ला मत्‍तद नाकु दिसता. मोट्‍टा मोदाला नना केंजता आवाज तूताकोमता आवाजलेह्का मत्‍ता. अदे आवाज नाकुन, “निमे इगे पोर्रो वा, इव अन्‍नि आतस्के बव पोल्‍लें अय्ते जर्गानव मंतांगो अवुन हुपसंतन,” इंचि इत्‍ता.

पेन हुपिस्‍ता पोल्‍लें 4:1 Iomraidhean Croise

मत्‍तयाल 3:16

येसु बापतिस्मा एतसि एताल पलाते पेय्‍स्‍तस्‍के मब्बु बय्यारा आता. पेनदा आत्मा उंदि पावरेम पिट्‍टेतालेसीं आसि येसुनपोर्रो रेयतद येसु हूळतोर.

मरकुस 1:10

येसु बस्के अय्ते एताल पलाते वातोर, अस्‍केने मब्बु बैय्यरा आयानद आनि पवित्र आत्मा पावरेम पिट्‍टेलेसीं ओनपोर्रो रेयानद हूळतोर.

लूकाल 3:21

योर्दन बेरेटे योहान वेल्‍लेन लोकुल्‍कुंक बापतिस्मा हीसेक मत्‍तोर. अस्‍के येसुगुडा अगा वासि योहानुना कय्‍दे बापतिस्मा एततोर. बापतिस्मा एततंका येसु पारतना कियनेंके मब्बु अंता बैय्यरा आता.

योहान 16:13

गानि सत्‍तेम आत्मा वातस्के, अद मीकु पूरा सत्‍तेमतुन हुप्‍सार. अद दाना मनसुंक वाताप वळ्को, गानि बतल अय्ते अद बाबानगटाल केंजंता, अदे वेहंता. इंका मुन्‍ने जर्गना बारेमतेगुडा वेहंता.

प्रेरितुल्‍कुना कबाह्‍क 10:11

अद दर्सनमते, मब्बु बय्यर आसि, पोर्रोटाल बतलो उंदि वस्तु हिळु वायनद ओर हूळतोर. अद उंदि पेद्‍दा सेदरलेह्का मंता. दाना नालुं मूलां पीसि हिळु रेयताप ओर हूळतोर.

प्रेरितुल्‍कुना कबाह्‍क 7:56

हूळसि, “हुळाट! स्वर्गम बय्यर आयानद आनि मनकना रूपमते पुटता पेनदा मर्रि पेनदा तिना बाजुंक नित्‍तिसि मत्‍तद नना हूळसंतन,” इंचि ओर इत्‍तोर.

पेन हुपिस्‍ता पोल्‍लें 1:10

सामिना रोजुननाड, इत्‍ते अय्तारम, नना पवित्र आत्माते निंडिस मत्‍तन. नावा पज्जो तूताकोमता आवाजनसोंटा पेद्‍दा आवाज केंजावाता.

पेन हुपिस्‍ता पोल्‍लें 1:12

अस्‍के, नातोनि बोर वळ्कसेक मंतोर इंचि हूळालय पज्जो तिरियसि हूळतन अय्ते, नाक बंगारमता एडुं दीसोडिं दिसतां.

पेन हुपिस्‍ता पोल्‍लें 1:19

निमे इदवेरादाका हूळता पोल्‍लें, बव अय्ते जर्गसेक मंतांगो आनि मुन्‍ने जर्गानव अन्‍नि पोल्‍लें रासि इर्रा.

पेन हुपिस्‍ता पोल्‍लें 11:12

पजा स्वर्गमताल उंदि पेद्‍दा लेंग, “इगे पोर्रो वटु” इंचि इत्‍तद ओर इव्वुर गवाइदार्क केंजतुर. केंजसि उंदि मब्बु तेर्पेते कलियसि ओरा पगातुर हूळानेंकेन स्वर्गमताहेके पोर्रो होत्‍तुर.

पेन हुपिस्‍ता पोल्‍लें 11:19

पजा स्वर्गमते मत्‍ता पेनदा गुळि कुल्‍ला आता. अय्ते अगा पेनदा करारकुना संदुग दिस्ता. अस्‍के इरगा मेर्समळ, उरुममळ, पिडगु वाटमळ, बुकंम आयमळ जर्गता पजा इरगा बंडां अरतां.

पेन हुपिस्‍ता पोल्‍लें 16:17

पेनदा एडुंगो दूता दाना वाटितुन वळि पोर्रो वळियसीता, अस्‍के स्वर्गमते मनना गुळिता राजगद्‍देताल पेद्‍दा आवाजते, “बोत्‍तिगा आता” इत्‍तद केंजावाता.

पेन हुपिस्‍ता पोल्‍लें 19:11

अस्‍के स्वर्गम कुल्‍ला आसि मत्‍तद हूळतन, अगा नाकु उंदि तेल्‍ला गुर्रम दिस्ता. दानपोर्रो उद्‍दिस मत्‍तोन, विस्वासमगल्‍लोड, सत्‍तेमतोर इंतुर. ओर नीतिते न्‍यायम कीसि लडाइ कींतोर.

पेन हुपिस्‍ता पोल्‍लें 22:6

पजा अद पेनदा दूता नातोनि, “इदवेरादाका बतल अय्ते वेहामळ जर्गता अव पोल्‍लें विस्वासमलायक आनि सत्‍तेम पोल्‍लें आंदुं, बव पोल्‍लें अय्ते बिराना जर्गमळ अव्‍सरम मंता, अव पोल्‍लेन दाना सेवाकुल्कुंक हुप्‍सानाहाटीं, कबुरतोरा आत्मान ताकसाना पेने दाना दूतातुन लोहता,” इंचि इत्‍ता.