पेन हुपिस्‍ता पोल्‍लें 3:7 - पवित्र पोल्‍ले

⁷ पिलाडेलपिया सहरता कलिसियाता दूताक इल्‍हा रासा. बोर अय्ते पवित्र आनि सत्‍तेमतोर मंतोर, ओर दाविदना अदिकारता चाबि इर्रंतोर, ओर तेंडता तल्‍पुन बोरे बंद किया पर्रोर आनि ओर बंद कीता तल्‍पुन बोरे तेंडा पर्रोर, ओर बतल इंतोर इत्‍ते,

पेन हुपिस्‍ता पोल्‍लें 3:7 Iomraidhean Croise

मत्‍तयाल 16:19

नना नीकु स्वर्ग राज्येमता तालम कय्‍क हीसंतन, निमे बूमिपोर्रो बदुन अय्ते दोहंतिनो, अदुन स्वर्गमतेगुडा दोहमळ जर्गंता. निमे बूमिपोर्रो बदुन अय्ते लेहांतिनो, अदुन स्वर्गमतेगुडा लेहमळ जर्गंता.” इंचि इत्‍तोर.

मत्‍तयाल 24:35

इद बूमि, मब्बु नासडेम आसि होंदार, गानि नावा पोल्‍लें बस्‍केने नासडेम आयों.

मरकुस 1:24

ओर येसुन हूळसि, “निमे बोन आंदिनो नाक एरपाटे, निमे नासरेत सहरता येसुन, पेनदा पवित्र मनकन आंदिन. मातोनि नीकु बाता कबळ? माकुन नासडेम कियालय वातिना?” इंचि वरगेयसि इत्‍तोर.

लूकाल 1:32

ओन अंटोर ‘अन्‍निटकन्‍ना पेद्‍दा पेनदा मर्रि’ इंचि इनानुर, इल्‍हा ओर पेद्‍दा पोरोलता मनकल आयानुर. ओना वंसमता पेद्‍दा मनकल दाविद राजानलेसीं पेन ओनगुडा राजाल कींता.

लूकाल 4:34

“ए नासरेत नाटेना येसु! मातोनि नीकु बाता कबळ? माकुन नासडेम कियालय वातिना? निमे बोन आंदिनो नाक एरपाटे, निमे नासरेत सहरता येसुन, पेनदा पवित्र मनकन आंदिन,” इत्‍तोर.

योहान 14:6

पजा येसु, “हर्रि, सत्‍तेम, आनि पिस्वर ननाने आंदुन. नाकुन होळसि बाबानगा बोरे एव्‍वा परोर.

प्रेरितुल्‍कुना कबाह्‍क 3:14

पवित्र आनि नीतिमंतुड मत्‍ता येसुन ओप्‍कुन्‍ना हिल्‍लिर, गानि वेरेतोरा जीवां तेंडाना पापि मनकन गावाले इत्‍तिर.

1 योहान 5:20

गानि मनाकु एरपाट मंता, पेनदा मर्रि वासि, मनम निजम पेनदुन एरपाट कियागोम इंचि मनाकु तेल्वि हीतोर. बारित्‍ते मनम निजम पेनदुन एरपाट कियागोम इंचि. इत्‍ते, मनम पेनदा मर्रि येसु किरिस्‍तुनलोप्‍पो मंतोम. पेनबाबाले निजम पेन आंदुर आनि बस्‍केळ्‍क पिस्सना पिस्वर ओरे आंदुर.

पेन हुपिस्‍ता पोल्‍लें 1:11

“निमे बतल अय्ते हूळांतिन अदुन पुस्तकमते रासि, इपीसि, स्मुरना, पेर्गमम, तुयतीरा, सरदिस, पिलाडेलपिया आनि लोदिकिया इव एडुं कलिसियानोर्क लोहचीम” इंचि इत्‍ता.

पेन हुपिस्‍ता पोल्‍लें 1:18

नना अय्ते हासि मत्‍तन गानि हूळा, इंदके नना बस्‍केळ्‍ताहाटीं पिस्सि मनंतन. हामुर आनि नरकमता चाबि नहागेन मंता.

पेन हुपिस्‍ता पोल्‍लें 15:3

पेनदा सेवाकुड मूसाना पाटा आनि गोर्रे पोरिना पाटा पारसेके ओर इल्‍हा इनुंदुर, “ए अन्‍निटकन्‍ना एक्‍को सक्‍तिमंतुन आता मावा सामि पेनदुना, नीवा कबाह्‍क पेद्‍देय आनि इचंत्रमतव आंदुं, निमे बस्‍केळ्‍क मंदना राजान आंदिन, नीवा हर्रि नीतितद, आनि सत्‍तेमतद आंदु,

पेन हुपिस्‍ता पोल्‍लें 16:7

अच्‍चोटेन मोक्‍कु हिय्याना गद्‍देताल, “ए पेनबाबा, सामि, निमेने अन्‍निटकन्‍ना सक्‍तिमंतुन आता पेनदुन आंदिन. निमे कियाना न्‍यायमते निजम आनि सत्‍तेम मंता,” इंचि नाकु केंजावाता.

पेन हुपिस्‍ता पोल्‍लें 19:11

अस्‍के स्वर्गम कुल्‍ला आसि मत्‍तद हूळतन, अगा नाकु उंदि तेल्‍ला गुर्रम दिस्ता. दानपोर्रो उद्‍दिस मत्‍तोन, विस्वासमगल्‍लोड, सत्‍तेमतोर इंतुर. ओर नीतिते न्‍यायम कीसि लडाइ कींतोर.

पेन हुपिस्‍ता पोल्‍लें 19:2

अद कियाना न्‍यायम सत्‍तेमतद आनि नीतिगल्‍लद आंदु, बारित्‍ते बेबिलोन सहर बोगमतनम कीसि पूरा दुनियातुन हेळाहता. अदुनहाटीं पेन दान्क सिक्‍सा हीसि दाना सेवाकुल्कुना बदला येतता,” इंचि इनानद केंजावाता.

पेन हुपिस्‍ता पोल्‍लें 2:1

इपीसि सहरता कलिसियाता दूताक इल्‍हा रासा. बोर अय्ते ओना तिना कय्‍दे एडुं सुक्‍कां पीसि मनांतोर, आनि बंगारमता एडुं दीसोडिन नड्‍डुम तिरियंतोर इव ओना पोल्‍लें आंदु.

पेन हुपिस्‍ता पोल्‍लें 21:5

अस्‍के राजगद्‍देपोर्रो उद्‍दिस मत्‍तोर ओर, “हुळाट! नना अन्‍निटवुन पूनाव कीसि वाटंतन” इंचि इत्‍तोर. मर्रा ओर, “इव पोल्‍लें सत्‍तेम, विस्वासमलायकतव आंदुं, इवुन रासा,” इंचि नाकु वेहतोर.

पेन हुपिस्‍ता पोल्‍लें 3:14

लोदिकिया सहरता कलिसियाता दूताक इल्‍हा रासा. बोर अय्ते आमीन इननोर, विस्वासमगल्‍लोड, निजम गवाइ वेहानोर, इंका पेन तयार कीता अन्‍निटवुने मोदोल मनकल आसि मंतोर, इव पोल्‍लें ओनव आंदुं.

पेन हुपिस्‍ता पोल्‍लें 4:8

जीवाते मनना नालुं जिवरासिंक हारुं-हारुं रेक्‍कां मंतां, अवुना मेंदुलता सुट्‍टु, लोप्पो कळ्के-कळ्‍क मंतां. अव पोद्‍दाला नर्का पल्हीं आराम कियाकोंटा उंदेतीर, “निमेने पवित्र, पवित्र, पवित्र, सामि पेनबाबाल, अन्‍निटकन्‍ना सक्‍तिमंतुन आंदिन. निमेने मुन्‍नेटाल मत्‍तिन, इंदके मंतिन, मुन्‍नेगुडा मनांतिन” इंचि इंचेक मत्‍तां.

पेन हुपिस्‍ता पोल्‍लें 5:9

पज्जो ओर अंटोर उंदि पूना पाटा पारालय दल्‍गतुर, “निमे इद पुस्तकमतुन एतसि, दाना सिक्‍कान नेम्‍हाचि विच्‍चनालायक मंतिन. बारित्‍ते, निमे मोक्‍कु आसि नीवा नेत्‍तुर कुदुवा दोस्‍सि हरेक जातिताल, हरेक बासानोरव्टेटाल, हरेक लोकुल्‍कुनाल आनि हरेक देसेमतोरव्टेटाल पेनदाहाटीं अस्‍कुत्‍तिन. निमे ओर्कुन पेनदाहाटीं दाना राज्येमतोर आनि पेर्मालोर्क कीतिन. ओर बूमिपोर्रो राज्येम कींतुर.”

पेन हुपिस्‍ता पोल्‍लें 6:10

आ आत्मां पेद्‍दा आवाजते, “ए सामि, पवित्र आनि सत्‍तेम मनानोन, माकुन हव्कुता बूमिपोर्रोटा लोकुल्‍कुना न्‍यायम निमे बस्के कींतिन? ओरा न्‍यायम कीसि मावा नेत्‍तुरता बदला बस्के एतांतिन?” इंचि वरगेयालय दल्‍गतां.