पेन हुपिस्‍ता पोल्‍लें 3:4 - पवित्र पोल्‍ले

⁴ गानि सरदिस सहरता इच्‍चुर विस्वासुल्‍क, ओरा कपडिंक डाग अंटाकोंटा इरताप, ओरा ताकमळतुन बेस इरतुर. ओर तेल्‍ला कपडिं केरताप सत्‍तेमते नावातोनि ताकनुर; ओर अल्हा ताकना लायक मंतुर.

पेन हुपिस्‍ता पोल्‍लें 3:4 Iomraidhean Croise

मत्‍तयाल 10:11

मिमेट मोदाला बद नाटे, बद सहरते अय्ते दांतिटो, अद नाटे वरोर बेसता मनकना बारेमते जाडा कीम्‍टु. मिमेट अगटाल पेय्सि होननाल ओना लोने मंटु.

मरकुस 16:5

अव बोंदाते होळियतस्‍के वरोर लेय्या मनकल तेल्‍लाटा कपडिं केर्सि तिना बाजुंक उदिद्‍स मत्‍तद हूळसि अव वेरियतां.

लूकाल 20:35

गानि बोर अय्ते हामुरताल मर्रा जीवाते तेदनलायक मनंतुर आनि मर्रा जीवाते तेदमळतुन दोर्किच्‍कुंतुर, ओर वायाना कालमते बस्‍केने मरमिं आयुर, मरमिं कीसिगुडा हिय्युर.

लूकाल 21:36

अदुनहाटीं वेल्‍लेन उसारते मंचि, बव अय्ते गटनां जर्गनद मंता, अव अन्‍नि गटनानाल पिस्‍सनाहाटीं ताकत दोर्कगोम इंचि बस्केळक पारतना कीसेक मंटु. अल्हा मत्‍तिरित्‍ते, बस्के अय्ते मनकना रूपमते पुटतोन नना वांतन, अस्‍के नावा मुन्‍ने वेरियाकोंटा नित्‍ता परकिट.”

प्रेरितुल्‍कुना कबाह्‍क 1:15

उंदि रोजु नूटा इरवै (120) विस्वासि दादालोरा नड्‍डुम पत्रु नित्‍तिसि,

2 तेसलोनि 1:5

इद पेनदा सत्‍तेम न्‍यायमता रुजुव आंदु. मिमेट पेनदा राज्येमते होननालायक आयागोम इंचि इवन्‍नि बादां अरसेक मंतिर.

यहुदा 1:23

तळमिताल इग्‍गिस पिस्‍सागोटताप इच्‍चुर्कुन पिस्‍सागोटट आनि वेल्‍लेटोरा पोर्रो वेर्रेतोनि मिमेट दया कीम्‍टु. गानि मेंदुल्ते कियाना पापाल्कुन मिमेट हय्समट.

पेन हुपिस्‍ता पोल्‍लें 1:11

“निमे बतल अय्ते हूळांतिन अदुन पुस्तकमते रासि, इपीसि, स्मुरना, पेर्गमम, तुयतीरा, सरदिस, पिलाडेलपिया आनि लोदिकिया इव एडुं कलिसियानोर्क लोहचीम” इंचि इत्‍ता.

पेन हुपिस्‍ता पोल्‍लें 11:13

अच्‍चोटेन अदे वेलाते अगा पेद्‍दा बुकंप आता, अद सहरता पदि बागाल्कुनाल उंदि बागम नासडेम आता. अद बुकंपता हेंदाल एडुं वेय्‍कुना लोकुल्‍क हासि होत्‍तुर. आनि बोर अय्ते पिस्सि मत्‍तुरो, ओर इरगा वेरियतुर, वेरियसि स्वर्गमते मनना पेनदा महिमा कीतुर.

पेन हुपिस्‍ता पोल्‍लें 14:4

ईर अंटोरगुडा मरमिं आयवोर, मुर्ताह्कुनाल लक्‍कु मंचि सतातुन पवित्र इरतोर आंदुर. गोर्रे पोरि बगा-बगा अय्ते होनुंदु ईर अंटोर दाना पज्जो-पज्जो होनानोर आंदुर. ईर अंटोरगुडा पेन आनि गोर्रे पोरिनाहाटीं मोदाटा पलम आयगोम इंचि अस्‍कुत्‍तोर आंदुर.

पेन हुपिस्‍ता पोल्‍लें 19:14

स्वर्गमते मनना सिपाइल्क तेल्‍लगा साप-सुतरा मलमल कपडिं केरसि, तेल्‍ला गुर्राल्कुनपोर्रो उद्‍दिस ओना पज्जो-पज्जो होंचेके मत्‍तुर.

पेन हुपिस्‍ता पोल्‍लें 19:8

दान्क पोंडालय साप-सुतरा तेल्‍लाटा आनि मेर्सना मलमल कपडिं हीतुर. आ मलमल कपडिं इत्‍ते, पेनदा लोकुल्‍क कीता नीति कबाह्‍क आंदु” इंचि वेहानद नना केंजतन.

पेन हुपिस्‍ता पोल्‍लें 3:18

अदुनहाटीं, निमे विस्वासम लोप्पो निजम मत्‍ता मनकल आयानाहाटीं नना नीकु उंदि उपायम वेहांतन अद बतल इत्‍ते, तळमिते सुद्‍द कीता बंगारम निमे नहागटाल एता. दानहेंदाल निमे सिरमंतुन आकिन. कुळकें मत्‍तद हूळसि सिग्गु होनामन्‍नि इंचि केर्रालय तेल्‍ला कपडि नहागटाल एता. कळ्‍क बेस दिस्‍सनाहाटीं कळ्‍कुने वाटालय मत्‍तु अस्सा.

पेन हुपिस्‍ता पोल्‍लें 3:5

बोर अय्ते गेल्सांतोर, ओन्क इसोंटा तेल्‍ला कपडिं केर्समड जर्गार आनि नना ओना पोरोल्तुन पिस्वरता पुस्‍तकमताल तंचि पोहोन. अल्‍हेने नावा बाबाना मुन्‍ने आनि दूताना मुन्‍ने ओना पोरोलतुन ओपकुंतन.

पेन हुपिस्‍ता पोल्‍लें 4:4

राजगद्‍देता सुट्‍टु इरवै नालुं राजगद्‍दें मत्‍तां. अव राजगद्‍देन पोर्रो इरवै नालुर एनकटा पेद्‍दाल्क तेल्‍ला कपडिं केरसि उद्‍दिस मत्‍तुर. ओरा तल्‍लानपोर्रो बंगारमता किरिटाल्कु दोस्‍सि मत्‍तां.

पेन हुपिस्‍ता पोल्‍लें 6:11

पजा ओर्क अंटोर्क तेल्‍ला कपडिं हीसि, “मीकुन हव्‍कुतापे मीवा दंटाता सेवाकुल्कुन आनि विस्‍वासुल्‍कुन हव्कना मंता, ओरा लेक्‍कांगुडा पुरागा आयानदाका मिमेट गळसेप आराम कीम्‍टु,” इंचि ओर्कु वेहतोर.

पेन हुपिस्‍ता पोल्‍लें 7:9

अद आता पजा, पेनदा राजगद्‍दे आनि गोर्रे पोरिना मुन्‍ने तेल्‍ला कपडिं केरसि, कजूर मराता कोम्मां कय्‍दे पीसि हरेक जातितोर, हरेक बासातोर, हरेक लोकुल्‍क आनि अन्‍नि देसेल्‍कुनोर इल्‍हा लेक्‍कुते बोरे लेक्‍का पर्रुर अच्‍चोन मंदितुन नना हूळतन.