पेन हुपिस्‍ता पोल्‍लें 3:3 - पवित्र पोल्‍ले

³ अदुनहाटीं केंजता बोदातुन निमे बल्हा ओप्कुत्‍तिनो अदुन मति कीम. मति कीसि अल्हे ताका आनि मनसु मार्सकुन. ओक्‍कला निमे जेगर्ता मनाकोंटे, नना वरोर दोंगानलेसीं वांतन, नना बद वेलाक निहागा वांतन, दाना पत्‍तागुडा नीकु दल्‍गो.

पेन हुपिस्‍ता पोल्‍लें 3:3 Iomraidhean Croise

मत्‍तयाल 25:13

पजा येसु सिस्युल्कुन इल्‍हा इत्‍तोर. “मनकना रूपमते पुटतोन नना वायानदगुडा इल्हे मनंता. अद रोजुन आनि वेलातुन मिमेट बिल्कुल एरपाट किय्‍यिर. अदुनहाटीं मिमेट तेल्‍विते मंटु,” इत्‍तोर.

मरकुस 13:33

अद वेला बस्के वांतानो मीक तेळियो. अदुनहाटीं मिमेट तेल्‍विते, उसारते मंटु.

मरकुस 13:36

ओर अचानक वासि, मीकुन निद्र होंचि मत्‍तद हूळा मनि इंचि मिमेट तेल्‍विते मंटु.

1 तेसलोनि 5:2

बारित्‍ते नर्कटा वेलाते दोंगल बल्हा अचानक वांतोर, अल्‍हेने सामि वायाना रोजुगुडा मनंता इंचि मीकु एरपाटे.

1 तिमोति 6:20

तिमोति, नीकु अप्पजेपतदुन निमे कापाळकुन. बक्‍ति हिल्वा कराब पोल्‍लेनाल लक्‍कु मन. इंका इदे “निजम तेल्वि” इंचि वेहना आबद्‍दम कतानाल लक्‍कु मन.

2 तिमोति 1:13

किरिस्‍तु येसुना लोप्पो मनना विस्वासम आनि पावरमताहेंदाल निमे बव सत्‍तेम पोल्‍लें अय्ते नाहेकेटाल केंजतिनो, अवुन पीसि वेरेतोराहाटीं मन्‍नु.

इब्रि 2:1

अदुनहाटीं मनम केंजता सत्‍तेम पोल्‍लेनाल लक्‍कु आयामन्‍नि इंचि अवुनहेके मनम बेस लक्‍से हियगोम.

2 पत्रु 1:13

नना इद मेंदुलते मत्‍तच्‍चोरजेम मीक इवुन मति कीसि हीसि मीकुन हुसार कियमळे, बेस इनकुंतन.

2 पत्रु 3:1

पावरमगल्‍लोरिटा! इद रोंडो सिट्‍टि नना मीक रासतन. इव रोंडु सिट्‍टिने मीवा पवित्र मनसुन जेगर्ताते इर्राट इंचि नना मति कीसि हीतन.

2 पत्रु 3:10

गानि सामि मल्सि वायाना रोजु दोंगानलेसीं वांता. अस्‍के मब्बु पेद्‍दा आवाजतोनि दिसाकोंटा आंता. मब्बुने मनानव अन्‍नि तळमिते कर्गिस दांतां आनि बूमि, बूमिपोर्रो मत्‍तव अन्‍नि वेसि दांतां.

पेन हुपिस्‍ता पोल्‍लें 16:15

अव आत्मां आ राजालोर्कुन इब्रानि बासाते अरमिगदोन इनना जेगातगा कल्‍पतां. अदुनहाटीं येसु, “हुळाट नना मिहगा दोंगानलेसीं वांतन, बोर अय्ते तेल्‍विते मंचि, केर्राना कपडिन कापाळकुंतोर ओरे आसिर्वाद दोर्कतोर आंद. बोरे आयिर अल्हा मनाकोंटे मेंदुल कुळकें दिस्‍सि लोकुल्‍कुना मुन्‍ने ओनद ओरे सिग्गु पोगोटकुत्‍तोर आंतोर” इंचि वेहतोर.

पेन हुपिस्‍ता पोल्‍लें 2:25

नना मल्सि वायनदाका सिराप मिहगा मनना विस्वासमतुन गट्‍टिगा पीसि मंटु.

पेन हुपिस्‍ता पोल्‍लें 2:5

निमे बद परिस्तितिते अय्ते अरतिनो अदुन मति कीम. मनसु मार्सकुंचि मुन्‍ने कीता कबाह्‍कुन मर्रा कीम. निमे गिंटा मनसु मार्सकुनाकुंटे नना वासि नी वेडसितुन अद जागाताल तेंडसि पोहांतन.

पेन हुपिस्‍ता पोल्‍लें 22:7

इवन्‍नि आता पजा येसु सामि, “हुळाट! नना बिरानेन वासेक मंतन. इद पुस्तकमते वेह्‍चि मत्‍ता पोल्‍लेन परकारम बोर अय्ते ताकंतोर, ओरे आसिर्वाद दोर्कुतोर आंद,” इंचि वेहतोर.

पेन हुपिस्‍ता पोल्‍लें 3:11

नना बिरानेन निहागा वांतन. नीवा किरिटमतुन निहागटाल बोरे गुंजा मन्‍नि इंचि, निहागा बतलय्ते विस्वासम मंता अदुन इंका गट्‍टिगा पीसि ताका.

पेन हुपिस्‍ता पोल्‍लें 3:19

बोन-बोन अय्ते नना पावरम कींतन, ओनकु गट्‍टिगा वेह्‍चि, सुद्रांचा गोट्‍टंतन. अदुनहाटीं इरगा जोसुने मंचि मनसु मार्सकुन्‍नु.

पेन हुपिस्‍ता पोल्‍लें 3:2

निमे तेल्‍विते मन, पेनदा मुन्‍ने नीवा कबाह्‍क पुरा आताप नाक दिस्सेक हिल्‍ले. अदुनहाटीं, मय्सि मत्‍ता कबाह्‍कुन पुरागा कीम. मायसि होनालय आता विस्वासमतुन गट्‍टिगा कीम.