पेन हुपिस्‍ता पोल्‍लें 3:21 - पवित्र पोल्‍ले

²¹ बल्हा अय्ते नना गेल्सि नावा पेनबाबानतोनि ओना राजगद्‍देपोर्रो होंचि उदतन. अल्हे बोर अय्ते गेल्सांतोर ओन नना नातोनि नावा राजगद्‍देपोर्रो उपसंतन.

पेन हुपिस्‍ता पोल्‍लें 3:21 Iomraidhean Croise

मत्‍तयाल 19:28

“नना मीकु निजम वेहांतन, पूना दुनियाते, मनकना रूपमते पुटतोन नना नावा महिमाता राजगद्‍देपोर्रो उद्‍दंतन, अस्‍के नावा पज्जो मनानोर मिमेटगुडा पन्‍नेंड राजगद्‍देन पोर्रो उद्‍दिसि, इस्राएलना पन्‍नेंड गोत्राल्कुनोरा न्‍यायम कीकिर.

मत्‍तयाल 25:21

अस्‍के मालक कूस आसि, “वा रे वा, निमे बेस विस्वासमलायक दासुन आंदिन. इच्‍चोटा पोल्‍लेतगा निमे विस्वासमलायक मंतिन, अदुनहाटीं नना नीकु वेल्‍लेटोरपोर्रो अदिकारम हींतन. निमे लोप्पो होंचि मालकुनतोनि कूळसि कुसिते मन,” इत्‍तोर.

मत्‍तयाल 28:18

अस्‍के येसु ओरा दग्‍गेर होंचि ओर्कुन इल्‍हा इत्‍तोर. “स्वर्गमते आनि बूमिपोर्रोटा अदिकारम अंता नाकु हीसि मंता.

लूकाल 22:30

अद अदिकारम बद इत्‍ते, मिमेटगुडा नावा राज्येमते नावातोनि उद्‍दिसि तिनकिर, उनकिर. इंका राजगद्‍देन पोर्रो उद्‍दिसि इस्राएलना पन्‍नेंड गोत्राल्कुनोरा न्‍यायम कीकिर,” इंचि इत्‍तोर.

योहान 13:32

नावाहेंदाल पेनदुक महिमाता कदर दोर्कानय्ते, पेन नाकु दाना कदर हिय्यार. अद आल्सेम कियाकोंटा बिरानेन हींता.

योहान 16:33

नाहगटाल मीकु सांति दोर्कि, इंचि इव पोल्‍लें मीकु वेहतन. दुनियाते मीकु तिप्‍पल्‍क-कस्‍टाल्‍क वायनुं, गानि नना दुनियाता ताकततुन गेल्सतन, अदुनहाटीं मिमेट बेस दैरनेमते मंटु,” इंचि येसु वेहतोर.

2 तिमोति 2:12

मनम ओर्सकुंचेके मनानय्ते, ओनतोनि राज्येम इंका कींतोम. ओक्‍कला मनम ओन एरपाट किय्योन इनानय्ते, ओर इंका मनाकुन एरपाट किय्योर.

पेन हुपिस्‍ता पोल्‍लें 1:6

मना पेनबाबाना पेद्‍दातनम, अदिकारम बस्‍केळ्‍क मननाहाटीं ओर मनाकुन पेनदा राज्येमतोर आनि पेर्मालोर्क कीतोर. आमीन!

पेन हुपिस्‍ता पोल्‍लें 12:11

गोर्रे पोरिना नेत्‍तुरताहेंदाल, ओर वेहता गवाइ हेंदाल देय्यमतुन गेल्सतुर. ओर्कु हामुर वायिनागानि ओर ओरा जीवाता पर्वा किया हिल्‍लुर.

पेन हुपिस्‍ता पोल्‍लें 17:14

ईर राजालोर गोर्रे पोरिनतोनि लडाइ कियानुर. गानि गोर्रे पोरि सामिल्‍कुना सामि, राजालोरा राजाल आताहाटीं, अद दाना केयतोर, पेरतोर आनि विस्वासुल्‍कुनतोनि कलियसि आ राजालोर्कुन गेल्‍संता,” इंचि इत्‍ता.

पेन हुपिस्‍ता पोल्‍लें 2:7

पवित्र आत्मा कलिसियातोर्क बतल वेहांता अदुन, केव्क मत्‍तोर बेस केंजिर. बोर अय्ते गेल्सांतोर नना ओन्क स्वर्गमते पेनदागा मनना पिस्वरता मराता पंडि तिनालय हींतन.

पेन हुपिस्‍ता पोल्‍लें 20:4

मर्रा राजगद्‍दें हूळतन. अवुनपोर्रो उद्‍दिस मत्‍तोर्कुंक न्‍यायम कियाना अदिकारम हीसि मत्‍ता. इंका येसुना बारेमते गवाइ वेहताहाटीं आनि पेनदा पोल्‍ले वेहताहाटीं बोरा तल्‍लां अय्ते कोयमळ जर्गता, बोर अय्ते जिवरासितुन हिलाकोंटे दाना बोम्मातुन मोळ्‍का हिल्‍लुर आनि कपालमपोर्रो हिलाकोंटे कय्दापोर्रो दाना चिन्‍ह वाटकुना हिल्‍लुर असंटोरा आत्मान नना अगा हूळतन. ओर मर्रा जीवाते तेदसि किरिस्‍तुनतोनि कलियसि वेय वर्सनदाका राज्येम कीतुर.

पेन हुपिस्‍ता पोल्‍लें 6:2

अस्‍के अगा नाकु उंदि तेल्‍ला गुर्रम दिसता, दानपोर्रो वरोर बानम पीसि उद्‍दिस मत्‍तोर. ओन्क उंदि किरिटम हियमळ जर्गता. ओर लडाईं गेल्सतोर, अय्नागानि इंका गेल्सना इंचि पेय्सतोर.

पेन हुपिस्‍ता पोल्‍लें 7:17

बारित्‍ते ईर अंटोर्कुन मेहानोर, राजगद्‍दे नड्‍डुम उद्‍दिस मनना गोर्रे पोरि आंदुर. ओर ईरकुन पिस्वरता एता उटानगा ओंतोर. पेन ओरा कळ्‍कुना कंडेह्कुन पुरागा उसमंता,” इंचि वेहतोर.