पेन हुपिस्‍ता पोल्‍लें 3:18 - पवित्र पोल्‍ले

¹⁸ अदुनहाटीं, निमे विस्वासम लोप्पो निजम मत्‍ता मनकल आयानाहाटीं नना नीकु उंदि उपायम वेहांतन अद बतल इत्‍ते, तळमिते सुद्‍द कीता बंगारम निमे नहागटाल एता. दानहेंदाल निमे सिरमंतुन आकिन. कुळकें मत्‍तद हूळसि सिग्गु होनामन्‍नि इंचि केर्रालय तेल्‍ला कपडि नहागटाल एता. कळ्‍क बेस दिस्‍सनाहाटीं कळ्‍कुने वाटालय मत्‍तु अस्सा.

पेन हुपिस्‍ता पोल्‍लें 3:18 Iomraidhean Croise

मत्‍तयाल 13:44

स्वर्ग राज्येम बारेमते इंकुंदि वेसुड वेहंतन केंजट. उंदि पोलमते दनम मक्‍किचि मत्‍ता. बोरो वरोर मनकल आ मक्‍किचि मत्‍ता दनमतुन हूळतोर. आनि मर्रा अग्गेन मक्‍किचि इरगा कूस आसि लोन होत्‍तोर. पजा ओर ओना लोन मत्‍तद-हिलवद अन्‍नि अमकुंचि वाता कोत्‍ताने अद पोलमतुन असकुत्‍तोर.

मत्‍तयाल 25:9

गानि, “इद निय बोनकु इंचि बोनकु हालंता? इत्‍ते माकु इंका हालो, मीकु इंका हालो, अल्हा आयो गानि, मिमेट दुकानमते होंचि मीवाहाटीं निय अस्सि तटु,” इंचि तेल्‍विता लेय्यां इत्‍तां.

लूकाल 12:21

बच्‍चोर पेद्‍दा सिरमंत मनकल अयना ओर पेनदा मुन्‍ने सिरमंतुड आयोर, बारित्‍ते ओर ओनाहाटींगें आस्‍ति जमा कींतोर इंचि. ई वेसुडिते ई मनकना गति गुडा अल्हेन आता.”

2 कुरेंति 5:3

बारित्‍ते इदुन केर्तस्‍के मोमोट कुळकें दिस्‍सोम.

2 कुरेंति 8:9

मना सामि येसु किरिस्‍तुना कुर्पा बच्‍चोर पेद्‍दादि मीक एरपाटे मंता. ओनगा अन्‍नि मंचिगुडा मीवाहाटीं गरिब आतोर. ओना गरिबतनमताहेंदाल मिमेट दनवंतुल्‍क आयना इंचि ओर अल्हा आतोर.

1 तिमोति 6:18

इचोने आयका इंका ओर्क आदेस हीम गदा, ओर बेस कबाह्‍क कीसेक मनना, बेस कबाह्‍क कीसे सिरमंत आयाना. मनागा मत्‍तदुनाल अव्‍सरम मत्‍तोंक, पंचि हियालय बस्‍केळ्‍क मनसुनाल तयार मनगोम.

याकोब 2:5

नावा पावरमगल्‍ला विस्वासुल्‍कुनिटा! केंजाट, ई दुनियाते बोर अय्ते गरिब मंतुर ओर्कुन विस्वासमते दनवंतुल्‍क कींतन इंचि, आनि दान पावरम कीतोर्कुंक दाना राज्येमते वारसदार्क कींतन इंचि, मुन्‍नेने पोल्‍ले हीसि मत्‍ता, अद हियालय ओर्कुन पेरता.

1 पत्रु 1:7

नासडेम आयाना बंगारमतुन तळमिते करगागोटसि परिक्‍सा कींतुर. गानि आ बंगारमकन्‍ना बच्‍चोरो विलुवाता मीवा विस्वासमतुनगुडा परिक्‍सा एतमळ जर्गंता. येसु किरिस्‍तु मर्रा वातस्के, मीकुन मेच्‍कुंचि पेद्‍दातनम आनि कदर दोर्काना कारनम आयगोम.

पेन हुपिस्‍ता पोल्‍लें 16:15

अव आत्मां आ राजालोर्कुन इब्रानि बासाते अरमिगदोन इनना जेगातगा कल्‍पतां. अदुनहाटीं येसु, “हुळाट नना मिहगा दोंगानलेसीं वांतन, बोर अय्ते तेल्‍विते मंचि, केर्राना कपडिन कापाळकुंतोर ओरे आसिर्वाद दोर्कतोर आंद. बोरे आयिर अल्हा मनाकोंटे मेंदुल कुळकें दिस्‍सि लोकुल्‍कुना मुन्‍ने ओनद ओरे सिग्गु पोगोटकुत्‍तोर आंतोर” इंचि वेहतोर.

पेन हुपिस्‍ता पोल्‍लें 19:8

दान्क पोंडालय साप-सुतरा तेल्‍लाटा आनि मेर्सना मलमल कपडिं हीतुर. आ मलमल कपडिं इत्‍ते, पेनदा लोकुल्‍क कीता नीति कबाह्‍क आंदु” इंचि वेहानद नना केंजतन.

पेन हुपिस्‍ता पोल्‍लें 2:9

“नीवा तिप्‍पल्‍क आनि गरिबतनम नाकु एरपाटे. (गानि निमे सिरमंतुने आंदिन) बोर अय्ते नीवा अपमानम कींतुर, मोमोट यहुदिल्क आंदुम इंचि इंतुर, गानि असल ओर आयुर. ओर देय्यमता दर्मसास्‍त्रम कराहना लोतुर आंदुर.

पेन हुपिस्‍ता पोल्‍लें 3:17

निमे अय्ते, “नना सिरमंतुन, नहगा अन्‍नि मंतां, नाकु बतल तक्‍को हिल्‍ले”, इंचि इनकुंचंतिन. गानि नीकु इदु एरपाट हिल्‍ले गदा, निमे पेद्‍दा हेडसोत्‍तोन, गति हिल्वोन, गरिबोन, गुड्‍डिन, कुळकें मंतिन इंचि.

पेन हुपिस्‍ता पोल्‍लें 4:4

राजगद्‍देता सुट्‍टु इरवै नालुं राजगद्‍दें मत्‍तां. अव राजगद्‍देन पोर्रो इरवै नालुर एनकटा पेद्‍दाल्क तेल्‍ला कपडिं केरसि उद्‍दिस मत्‍तुर. ओरा तल्‍लानपोर्रो बंगारमता किरिटाल्कु दोस्‍सि मत्‍तां.

पेन हुपिस्‍ता पोल्‍लें 7:13

अस्‍के पेद्‍दाल्कुना अव्टेटाल वरोर “तेल्‍ला कपडिं केरसि मन्‍नानुर ईर बोर आंदुर? ईर बगाटाल वातुर?” इंचि नाकुन पूसकीतोर.