पेन हुपिस्‍ता पोल्‍लें 3:14 - पवित्र पोल्‍ले

¹⁴ लोदिकिया सहरता कलिसियाता दूताक इल्‍हा रासा. बोर अय्ते आमीन इननोर, विस्वासमगल्‍लोड, निजम गवाइ वेहानोर, इंका पेन तयार कीता अन्‍निटवुने मोदोल मनकल आसि मंतोर, इव पोल्‍लें ओनव आंदुं.

पेन हुपिस्‍ता पोल्‍लें 3:14 Iomraidhean Croise

योहान 1:3

दुनियाते मननव अन्‍निटवुन, पेन अदुनहेंदाले पुटिस्ता. अदुन होळसि बतले तयार आयाहिल्‍ले.

योहान 8:14

अय्ते येसु ओर्क इल्‍हा जवाब हीतोर, “नावा बारेमते ननाने गवाइ वेहिनागानि, नावा गवाइ मात्रम सत्‍तेम आंद. बारित्‍ते, नना बगाटाल वातन, बगा दांतन, इत्‍तद नाक एरपाट मंता. गानि नना बगा वातन, बगा दांतन मीकु बतले एरपाट हिल्‍ले.

2 कुरेंति 1:20

पेनदा अन्‍नि पोल्‍लें येसुनगा पूरा आतां. अदुनहाटीं मनम आमीन इंचि पेनदा महिमा कींतोम.

कुलुसि 1:15

ओर दिस्‍सवसोंटा पेनदा रूपम आंदुर, ओर दुनिया पुट्‍टका मुन्‍नेटाले मत्‍ताहाटीं, दुनियाते पुटतवुने अन्‍निनपोर्रो पेद्‍दोड आंदुर.

कुलुसि 1:18

मेंदुललेसीं मंदना कलिसियाकु ओर तल्‍ला आंदुर. अन्‍नि पोल्‍लेने पेद्‍दोड आयागोम इंचि हातोरा लोप्पोटाल मोट्‍टा मोदाला तेदतोर ओरे आंदुर. ओरे मोदोल आंदुर.

कुलुसि 2:1

मिमेट नाकुन हूळाकोन्‍ना गानि मीवाहाटीं, लोदिकिया सहरते मंदना विस्‍वासुल्‍कुनाहाटीं आनि कळमता अंटोर विस्‍वासुल्‍कुनाहाटीं नना वेल्‍लेन कस्‍टम कीसेके मंतन, इद मीक तेळियाना इंचि नावा इच्‍चा मंता.

कुलुसि 4:16

इद सिट्‍टितुन मिमेट हदुव्‍ता पजा, इदुन लोदिकिया सहरता कलिसियातोर्क लोहचि, अगागुडा हदवा वेहाट आनि लोदिकियाताल वाता सिट्‍टितुन मिमेटगुडा मीवा कलिसियाते हद्‍विसि वेहाट.

पेन हुपिस्‍ता पोल्‍लें 1:11

“निमे बतल अय्ते हूळांतिन अदुन पुस्तकमते रासि, इपीसि, स्मुरना, पेर्गमम, तुयतीरा, सरदिस, पिलाडेलपिया आनि लोदिकिया इव एडुं कलिसियानोर्क लोहचीम” इंचि इत्‍ता.

पेन हुपिस्‍ता पोल्‍लें 19:11

अस्‍के स्वर्गम कुल्‍ला आसि मत्‍तद हूळतन, अगा नाकु उंदि तेल्‍ला गुर्रम दिस्ता. दानपोर्रो उद्‍दिस मत्‍तोन, विस्वासमगल्‍लोड, सत्‍तेमतोर इंतुर. ओर नीतिते न्‍यायम कीसि लडाइ कींतोर.

पेन हुपिस्‍ता पोल्‍लें 2:1

इपीसि सहरता कलिसियाता दूताक इल्‍हा रासा. बोर अय्ते ओना तिना कय्‍दे एडुं सुक्‍कां पीसि मनांतोर, आनि बंगारमता एडुं दीसोडिन नड्‍डुम तिरियंतोर इव ओना पोल्‍लें आंदु.

पेन हुपिस्‍ता पोल्‍लें 21:6

पजा मरुंदि मल्का नाकु इल्‍हा वेहतोर, “इव पोल्‍लें पुरागा आतां. अल्‍पा आनि ओमेगा, मोदोल आनि आकिर ननाने आंदुन. दूपाते मत्‍तोर्कुंक नना पिस्वरता एता ऊटाताल एर पुक्‍कटते हींतन.

पेन हुपिस्‍ता पोल्‍लें 22:13

ननाने अल्‍पा, ननाने ओमेगा आंदुन. ननाने मोदाटोन, ननाने आकिर आंदुन. इंका ननाने सुरुव कियानोन, ननाने महानोन आंदुन.

पेन हुपिस्‍ता पोल्‍लें 22:6

पजा अद पेनदा दूता नातोनि, “इदवेरादाका बतल अय्ते वेहामळ जर्गता अव पोल्‍लें विस्वासमलायक आनि सत्‍तेम पोल्‍लें आंदुं, बव पोल्‍लें अय्ते बिराना जर्गमळ अव्‍सरम मंता, अव पोल्‍लेन दाना सेवाकुल्कुंक हुप्‍सानाहाटीं, कबुरतोरा आत्मान ताकसाना पेने दाना दूतातुन लोहता,” इंचि इत्‍ता.

पेन हुपिस्‍ता पोल्‍लें 3:7

पिलाडेलपिया सहरता कलिसियाता दूताक इल्‍हा रासा. बोर अय्ते पवित्र आनि सत्‍तेमतोर मंतोर, ओर दाविदना अदिकारता चाबि इर्रंतोर, ओर तेंडता तल्‍पुन बोरे बंद किया पर्रोर आनि ओर बंद कीता तल्‍पुन बोरे तेंडा पर्रोर, ओर बतल इंतोर इत्‍ते,