पेन हुपिस्‍ता पोल्‍लें 3:12 - पवित्र पोल्‍ले

¹² बोर अय्ते गेल्सांतोर, ओन नना नावा पेनदा गुळिते बस्‍केने पलाते पेय्साकोंटा उंदि कंबालेसीं निपसंतन. नना ओनपोर्रो नावा पेनदा पोरोल, नावा पेनदागटा स्वर्गमताल हिळु वायाना पूना येरुसलेमता पोरोल आनि नावा पूना पोरोल रासंतन.

पेन हुपिस्‍ता पोल्‍लें 3:12 Iomraidhean Croise

मरकुस 12:16

ओर उंदि एंडि बंडि हुपिस्तुर. अस्‍के येसु ओर्कुन इल्‍हा इत्‍तोर. “इद एंडि बंडिपोर्रो बोना पोटुवा आनि पोरोल मंता?” इत्‍तोर. “कैसर राजानद” इंचि ओर इत्‍तुर.

इपीसि 3:15

सिराप ओनाहेंदाले स्वर्गमते आनि बूमिपोर्रो मनना हरेक कुटुंबकु पोरोल इरमळ जर्गता.

इब्रि 12:22

गानि मिमेट अय्ते सियोन गुट्‍टातगा वातिट. जीवाते मनना पेनदा, स्वर्गमते मनना येरुसलेम सहर इदे आंद. कुसिते उंदगा जमा आता, लेक्‍का हिलुवच्‍चोन पेनदा दूतानगा मिमेट वातिट.

इब्रि 13:14

इद दुनियाते हमेसा मनालय मनाहाटीं बदे सहर हिल्‍ले. गानि वायाना कालमते मनाहाटीं तयार आयाना सहरते मनालय, आसेते मंतोम.

1 योहान 4:4

पिलाल्‍कुनिटा! मिमेट पेनदा हेंदोर आंदिर. मीलोप्‍पो मनना आत्मा, दुनियाते मनना आत्माकन्‍ना बच्‍चोनो पेद्‍देद आंद. अदुनहाटीं आ आबद्‍दम कबुरतोरा आत्मान मिमेट गेल्‍सतिर.

पेन हुपिस्‍ता पोल्‍लें 14:1

मर्रा नना सियोन इनना गुट्‍टापोर्रो पेनदा गोर्रे पोरि नित्‍तिसि मत्‍तद हूळतन. अगा दानतोनि उंदि लक्‍सा नल्‍पै नालुं वेय्‍कुना (1,44,000) मंदि मत्‍तुर. ओरा कपालमपोर्रो गोर्रे पोरिना आनि दाना बाबाना पोरोल रासि मत्‍ता

पेन हुपिस्‍ता पोल्‍लें 17:14

ईर राजालोर गोर्रे पोरिनतोनि लडाइ कियानुर. गानि गोर्रे पोरि सामिल्‍कुना सामि, राजालोरा राजाल आताहाटीं, अद दाना केयतोर, पेरतोर आनि विस्वासुल्‍कुनतोनि कलियसि आ राजालोर्कुन गेल्‍संता,” इंचि इत्‍ता.

पेन हुपिस्‍ता पोल्‍लें 2:11

पवित्र आत्मा कलिसियातोर्क बतल वेहंता अदुन, केव्क मत्‍तोर बेस केंजिर. बोर अय्ते गेल्सांतोर ओन्क रोंडो हामुरताहेंदाल बतल नुकसान आयो.

पेन हुपिस्‍ता पोल्‍लें 2:17

पवित्र आत्मा कलिसियातोर्क बतल वेहांता अदुन, केव्क मत्‍तोर बेस केंजिर. बोर अय्ते गेल्सांतोर ओन्क मक्‍किचि इरता मन्‍ना आनि उंदि तेल्‍ला बंडा हींतन. आ बंडापोर्रो उंदि पूना पोरोल रासि मनंता अद बोन्क अय्ते दोर्कार ओन्‍के तेळियार.

पेन हुपिस्‍ता पोल्‍लें 2:7

पवित्र आत्मा कलिसियातोर्क बतल वेहांता अदुन, केव्क मत्‍तोर बेस केंजिर. बोर अय्ते गेल्सांतोर नना ओन्क स्वर्गमते पेनदागा मनना पिस्वरता मराता पंडि तिनालय हींतन.

पेन हुपिस्‍ता पोल्‍लें 21:2

अस्‍के, पेनदागटाल पवित्र सहर पूना येरुसलेम, स्वर्गमताल हिळु रेयानद नना हूळतन. मरमिना पेडानाहाटीं, मरमिना पेगिड बल्हा तयार आंता, अल्हा अद सहर दिस्सेक मत्‍ता.

पेन हुपिस्‍ता पोल्‍लें 22:4

ओर दाना मोकोम हूळांतुर. ओरा कपालमपोर्रो पेनदा पोरोल रासि मनंता.

पेन हुपिस्‍ता पोल्‍लें 3:5

बोर अय्ते गेल्सांतोर, ओन्क इसोंटा तेल्‍ला कपडिं केर्समड जर्गार आनि नना ओना पोरोल्तुन पिस्वरता पुस्‍तकमताल तंचि पोहोन. अल्‍हेने नावा बाबाना मुन्‍ने आनि दूताना मुन्‍ने ओना पोरोलतुन ओपकुंतन.