पेन हुपिस्‍ता पोल्‍लें 3:10 - पवित्र पोल्‍ले

¹⁰ निमे ओप्के पीसि नावा पोल्‍लेते ताकतिन अल्हेन, केंजतिनगुडा. अदुनहाटीं ई दुनियाता लोकुल्‍कुना पट्‍टु हूळालय बतलय्ते परिक्‍सा वायाना मंता, अव्टेटाल नीकुन कापाळंतन.

पेन हुपिस्‍ता पोल्‍लें 3:10 Iomraidhean Croise

मत्‍तयाल 24:14

पेनदा राज्येमता बारेमता बेसता कबुर दुनियाता अन्‍नि देसेल्‍कुना लोकुल्‍कुंक उंदि गवाइ इंचि तेळियागोटसि वेहतस्के, इद दुनियाता आकिर आयार.”

मत्‍तयाल 26:41

मिमेट पट्‍टुने अर्राकोंटा मननाहाटीं तेल्‍विते मंचि, पारतना कीसेके मंटु. नना वेहताप कियालय मीवा आत्मा तयार मंता, गानि मीवा मेंदुल कमजोर मंता,” इत्‍तोर.

मत्‍तयाल 6:13

माकुन पट्‍टुने अर्राकोंटा कापाळा, सेड्‍डातनमताल माकुन पिसागोट्‍टा. बस्केळक राजाल निमेन आंदिन. अदुनहाटीं ताकत आनि महिमा बस्केळक नीवदे आंद.” आमीन!

मरकुस 14:9

नना मीक निजम वेहांतन. पूरा दुनियाते बगा-बगा पेनदा बेसता कबुर वेहमळ जर्गंता, अगा ई मुरतटुन आनि इद कीता कबळतुन मति कियानुर,” इत्‍तोर.

लूकाल 2:1

योहान पुटतस्के, रोम सरकारता राजाल कैसर अगस्तुस ओना कय हिळु मनना अन्‍नि देसेल्‍कुना लोकुल्‍कुनद सिरगंति कियना इंचि आदेस हीतोर.

योहान 17:6

“ई दुनियाताल निमे नाकु हीता लोकुल्‍कुंक, नना नीवा पोरोल्तुन हुपिस्तन. ओर बस्‍केळ्‍क नीवोर्के आंदुर. ओर्कुन निमे नाकु हीतिन. ओर नीवा पोल्‍लेपोर्रो ताकतुर.

रोम सहरतोरहाटीं पौलुसना सिट्‍टि 1:8

मोदाला नना मीकु वेहानद बतल इत्‍ते, मीवा विस्वासम बारेमते पूरा दुनियाक तेळियसि होत्‍ता. इदुन मति कीसेक मीवा अंटोराहाटीं येसु किरिस्‍तुनहेंदाल पेनदुक दन्यवाद कींतन.

1 कुरेंति 10:13

अंटोर्क वायानसोंटवे परिक्‍सां मीक वातां, दानकन्‍ना एक्‍को परिक्‍सां मीक वाया हिल्‍लें. गानि पेन विस्वासमगल्‍लद आंद. अद मीतोनि आया परवसोंटा एक्‍को परिक्‍साने अर्रा हिय्यो, परिक्‍सां वाते मिमेट सहन कियागोम इंचि अव्टेटाल पेय्‍सना हर्रिगुडा पेन कींता.

इपीसि 6:13

इंचि आ सेड्‍डा रोजकु वातस्के वेरियाकोंटा नित्‍तालय मिमेट पेन हीता अन्‍नि आयुदाल्कुन पीकुंटु. अस्‍के मिमेट कियानद अन्‍नि पुरागा कीसि आकिरदाकागुडा नित्‍तिसि मना परकिट.

2 तिमोति 2:12

मनम ओर्सकुंचेके मनानय्ते, ओनतोनि राज्येम इंका कींतोम. ओक्‍कला मनम ओन एरपाट किय्योन इनानय्ते, ओर इंका मनाकुन एरपाट किय्योर.

याकोब 3:12

नावा विस्वासुल्‍कुनिटा, अंजिर मराकु जय्तुन पंडिं हादांतंगा हिलाकोंटे अंगुर वेलिक अंजिर पंडिं हादांतंगा? हादों. अल्‍हेने होव्वोर एता ऊटाताल, उनाना एर पेय्‍सा पर्रो.

1 पत्रु 4:12

नावा पावरमगल्‍लोरिटा! मीवा परिक्‍सा कियानाहाटीं मीवापोर्रो तळमितसोंटा तकलिपकु वांतां, अस्‍के मिमेट “बस्‍केने जर्गवद जर्गना मंता” इंचि, परेसान आयमटु. गानि मोमोटगुडा किरिस्‍तुना दुक्‍कमते पोत्‍तु आतोम इंचि कुसिते मंटु. किरिस्‍तु मल्सि वासि ओना पेद्‍दातनमतुन हुपिस्तस्के मिमेट वेल्‍ले कूस आकिट.

2 पत्रु 2:9

इल्‍हा, बक्‍तिगल्‍लोर्कुन परिक्‍सानाल बल्हा कापाळना आनि बक्‍ति हिल्वोर्कुन न्‍यायमता रोजुनदाका सिक्‍साते बल्हा वाटसि इर्राना इत्‍तद सामिंक तेळियसे मंता.

पेन हुपिस्‍ता पोल्‍लें 1:9

नना योहानुन मीवा दादान आंदुन. येसु बोगांसता तिप्पल्कुने, राज्येमते आनि ओप्के पियमळते मीवातोनि दंटाते मंतन. नना पेनदा पोल्‍ले आनि येसुना बारेमते गवाइ वेहताहाटीं पतमोस इनना दीबेतगा बंद कीसि मंतन.

पेन हुपिस्‍ता पोल्‍लें 11:10

ओर इव्वुर कबुरतोराहेंदाल बूमिपोर्रो वेल्‍लेन तकलिपकु वासि मत्‍तां. अदुनहाटीं ओर हातुर इंचि बूमिपोर्रोटा लोकुल्‍क वेल्‍लेन कुसिते पंडगुल्कु कियानुर, वरोंक-वरोर इनामकु हीकुनानुर.

पेन हुपिस्‍ता पोल्‍लें 13:10

जेलुंक होनना मत्‍तोर, जेलने अर्रानुर. बोर अय्ते कसेटे हव्कंतोर, ओनगुडा कसेटेन हव्‍कमळ जर्गार. इदुन पीसि पेनदा लोकुल्‍कुना विस्वासम, ओप्के दिस अर्रंता.

पेन हुपिस्‍ता पोल्‍लें 13:14

मोदाटा जिवरासिता मुन्‍ने इद जिवरासिक चिन्‍हां हुप्‍सना अदिकार दोर्कता, अदुनहाटीं चिन्‍हां हुपिच्‍चेक बूमिपोर्रो मनना लोकुल्‍कुन, “बद जिवरासिक अय्ते हायानसोंटा देब्बा दल्‍गिसि मत्‍ता, अद जीवाते मंता अदुना बोम्मा कीम्‍टु,” इंचि बोंकिचुंदु.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 14:12

अदुनहाटीं पेनदा आदेस परकारम ताकानोर आनि येसु सामिना पोर्रो विस्वासम कियाना पेनदा लोकुल्‍क तिप्पल्कुने ओप्के पियमळे गावाले.

पेन हुपिस्‍ता पोल्‍लें 14:6

अद आता पजा नना पेनदा इंकुंदि दूतातुन मब्बुना नड्‍डुमताल परियसेक मननद हूळतन, दानागा बूमिपोर्रो मनना अंटोर्क, हरेक जातितोर्क, हरेक बासा वळ्कानोर्क, अंटोर लोकुल्‍कुंक आनि दुनियाता अन्‍नि देसेल्‍कुना लोकुल्‍कुंक वेहालय बस्‍केळ्‍क पिस्सना पिस्वर बारेमता बेसता कबुर मत्‍ता.

पेन हुपिस्‍ता पोल्‍लें 16:14

इव चिन्‍हां हुप्‍सना देय्याल्कुना आत्मां आंदु. आत्मा अन्‍निटकन्‍ना एक्‍को सक्‍तिमंतुड आता पेनबाबानतोनि आकिरता रोजकुने लडाइ कियानाहाटीं, दुनियाता अंटोर राजालोर्कुन उंदि कियालय ओरगा होंचेके मंतां.

पेन हुपिस्‍ता पोल्‍लें 17:2

बूमिपोर्रोटा राजालोर दानतोनि बोगमतनम कीतुर, दाना बोगमतनमता कल्‍दुन उंचि बूमिपोर्रोटा लोकुल्‍क रिम्मालोर आतुर.” इंचि इत्‍ता.

पेन हुपिस्‍ता पोल्‍लें 17:8

निमे हूळता जिवरासि मोदाला मत्‍ता गानि इंदके हिल्‍ले, अद वेल्‍लेन लोत पोक्‍काताल पेय्सि नासडेमते अर्रार. दुनिया पुटतस्केटाल बूमिपोर्रो मनानोरा बोरा पोरोलीं अय्ते पिस्वरता पुस्तकमते रासि हिल्‍लें, ओर अद जिवरासितुन हूळसि, ‘इद मोदाला मत्‍ता, इंदके हिल्‍ले गानि मर्रा वायानद मंता’ इंचि इचंत्रम आयानुर.

पेन हुपिस्‍ता पोल्‍लें 2:10

बव तिप्‍पल्‍क अय्ते नीकु वायानव मंतां अवुना बारेमते निमे वेरियमा. हुळाट! देय्यम मी अव्टेटाल इच्‍चुर लोकुल्‍कुन जेलने वाटंता, मीवा विस्वासमता परिक्‍सा एतालय अल्हा जर्गार. मीकु पदि रोजकु तिप्‍पल्‍क अर्रापींता. हायाना वेला वायिनागानि मिमेट विस्वासमते गट्‍टिगा मंटु. अस्‍के मीकु पिस्वरता किरिटम हींतन” इंचि इत्‍ता.

पेन हुपिस्‍ता पोल्‍लें 3:8

निमे कियाना कबाह्‍क नाक एरपाटे, नीवा ताकत तक्‍को मंता गानि नावा पोल्‍लेता पालन कीतिन आनि नावा पोरोलतुन एतोन इंचि इना हिल्‍लिन. अदुनहाटीं हूळा! नीवा मुन्‍ने उंदि तल्‍पु कुल्‍ला कीसि इरतन, अदुन बोरे बंद किया पर्रुर.

पेन हुपिस्‍ता पोल्‍लें 6:10

आ आत्मां पेद्‍दा आवाजते, “ए सामि, पवित्र आनि सत्‍तेम मनानोन, माकुन हव्कुता बूमिपोर्रोटा लोकुल्‍कुना न्‍यायम निमे बस्के कींतिन? ओरा न्‍यायम कीसि मावा नेत्‍तुरता बदला बस्के एतांतिन?” इंचि वरगेयालय दल्‍गतां.

पेन हुपिस्‍ता पोल्‍लें 8:13

पज्जो उंदि गुव्वा डेगातुन मब्बुन नड्‍डुमताल परियसेक वायनद हूळतन अद जोरते इल्‍हा इनानद केंजतन: “इंदके मूड दूतां अवुना तूताकोम उह्कानदे मंता, अव अवुना तूताकोम उह्कतस्के बूमिपोर्रो मनना अंटोर्क इरगा गोसा आयार! गोसा आयार! गोसा आयार!”