पेन हुपिस्‍ता पोल्‍लें 22:20 - पवित्र पोल्‍ले

²⁰ इव अन्‍नि पोल्‍लेना गवाइ हीता येसु सामि, “हो नना बिरानेन वासेक मंतन” इंचि वेहासेक मंतोर. आमीन! वा! येसु सामि वा!

पेन हुपिस्‍ता पोल्‍लें 22:20 Iomraidhean Croise

योहान 21:25

बूमिपोर्रो येसु कीतव इंका वेल्‍लेन पोल्‍लें मंतां. आ उंदुंदि पोल्‍लेतुन रासते, रासता पुस्तकाल्कुन इर्रालय दुनियाते जेगा हाला पर्रो बारे, इंचि नाकु अनपिच्‍चंता.

1 कुरेंति 16:22

बोरन्‍नागिंटा सामिन पावरम कियाकोंटा मत्‍ते, ओन्क सापनेम दल्‍गि. “मारानाता” इत्‍ते, मा सामि वा.

2 तिमोति 4:8

नावाहाटीं इर्सि मत्‍ता नीतिता किरिटम, सत्‍तेमते न्‍यायम कियना सामि, ओर मल्सि वातानाडु नाकु अदुन हींतोर. सिराप नाके आयो गानि, बोर-बोर अय्ते ओर दिस्‍सना रोजुन पावरमते एदुर हूळसेक मंतुरो, ओर्कु अंटोर्कगुडा हींतोर.

इब्रि 10:37

बारित्‍ते, “बोर सामि वायानोर मंतोर, ओर बिरानेन वांतोर, ओर आल्सेम किय्योर. ओर वायनादाका, नावापोर्रो विस्वासम कीता नीतिमंतुल्क विस्वासमतेन पिस्संतुर. गानि ओराव्टेटाल बोरन्‍ना ना पोर्रोटा विस्वासमताल पजोळ्क आते, ओन नना मेच्‍चुकुन्‍नोन,” इंचि दर्मसास्‍त्रमते पेनदा पोल्‍ले रासतद मंता.

इब्रि 9:28

अल्हेन किरिस्‍तु, वेल्‍लेटोरा पापाल्कुन नासडेम कियानाहाटीं उंदे मल्का ओना सतता जीवातुन मोक्‍कु हीतोर. ओर मरुंदि मल्का मल्सि वायना मंतोर. अय्ते ई मल्का ओर पापमतुन नासडेम कियालय आयो, गानि ओनाहाटीं बच्‍चोनो ओप्‍केते बस्के वांतोर इंचेके एदुर हूळसेक मनानोर्कुन पिसागोटनाहाटीं वायानुर.

पेन हुपिस्‍ता पोल्‍लें 1:18

नना अय्ते हासि मत्‍तन गानि हूळा, इंदके नना बस्‍केळ्‍ताहाटीं पिस्सि मनंतन. हामुर आनि नरकमता चाबि नहागेन मंता.

पेन हुपिस्‍ता पोल्‍लें 1:2

अस्‍के ओर पेनदा पोल्‍लेता बारेमते, येसु किरिस्‍तुना गवाइता बारेमते आनि ओर हूळता अन्‍नि पोल्‍लेना बारेमते गवाइ वेहतोर.

पेन हुपिस्‍ता पोल्‍लें 2:16

अदुनहाटीं मीवा मनसु मार्सकुंटु. इल्‍हा कियाकोंटे नना बिरानेन मिहगा वासि, ना तोळ्‍दा कसेरतोने ओरतोनि लडाइ कींतन.

पेन हुपिस्‍ता पोल्‍लें 22:10

अद दूता मर्रा नातोनि, “इद पुस्तकमते वेह्‍चि मत्‍ता पोल्‍लें निजम आयाना वेला दग्‍गेरा एवता, अदुनहाटीं इद पुस्तकमतुन निमे मक्‍किचि इर्रुमा,” इंचि इत्‍ता.

पेन हुपिस्‍ता पोल्‍लें 22:12

पजा येसु सामि, “हुळाट! नना बिरानेन वासेक मंतन. हरेक मनकंक ओर कीता कबाह्‍कुन पीसि, ओन्क इनाम हींतन.

पेन हुपिस्‍ता पोल्‍लें 22:18

इद पुस्तकमते वेह्‍चि मत्‍ता वायाना कालमते जर्गना पोल्‍लेन केंजना हरेक मनकंक इल्‍हा गट्‍टिगा वेहासेक मंतन गदा, बोरन्‍ना इव पोल्‍लेन बतलन्‍ना एक्‍को कल्‍पानय्ते, इद पुस्तकमते रासि मत्‍ता गंडाल्कु पेनबाबाल ओनपोर्रो वायागोटनुर.

पेन हुपिस्‍ता पोल्‍लें 22:7

इवन्‍नि आता पजा येसु सामि, “हुळाट! नना बिरानेन वासेक मंतन. इद पुस्तकमते वेह्‍चि मत्‍ता पोल्‍लेन परकारम बोर अय्ते ताकंतोर, ओरे आसिर्वाद दोर्कुतोर आंद,” इंचि वेहतोर.