पेन हुपिस्‍ता पोल्‍लें 22:18 - पवित्र पोल्‍ले

¹⁸ इद पुस्तकमते वेह्‍चि मत्‍ता वायाना कालमते जर्गना पोल्‍लेन केंजना हरेक मनकंक इल्‍हा गट्‍टिगा वेहासेक मंतन गदा, बोरन्‍ना इव पोल्‍लेन बतलन्‍ना एक्‍को कल्‍पानय्ते, इद पुस्तकमते रासि मत्‍ता गंडाल्कु पेनबाबाल ओनपोर्रो वायागोटनुर.

पेन हुपिस्‍ता पोल्‍लें 22:18 Iomraidhean Croise

मत्‍तयाल 15:13

अस्‍के येसु जवाबुने, “स्वर्गमते मनना नावा बानाहेंदाल वाटुवद बदे मोल्का आयि, दान पीकिस पोहमळ जर्गंता.

इपीसि 4:17

अदुनहाटीं सामिना पोरोलते नना मीकु विनंति कीसि वेहानद बतल इत्‍ते, यहुदि आयवोर बल्हा ओरा बत्‍तक ओज्जुवा विचाराल्कुन परकारम ताकंतुरो, अल्हा मिमेट इंदकेटाल मर्रा ताकमट.

1 तेसलोनि 4:6

दीना बारेमते बोरे आयिर दंटाता विस्वासिन पसांचामन्‍नि, पसांचते सामि ओर्क सिक्‍सा हींतोर इंचि मोमोट मीक मुन्‍नेने गट्‍टिगा वेहतोम.

पेन हुपिस्‍ता पोल्‍लें 1:3

पेनदाहेंदाल वाता ई वायाना कालमते जर्गना पोल्‍लेन बोर अय्ते हदवंतुर, केंजांतुर आनि अव्टे रासि मत्‍ता परकारम ताकंतुर ओर आसिर्वाद दोर्कतोर आंदुर. बारित्‍ते इव पोल्‍लें जर्गना वेला दग्गेर्क एवता.

पेन हुपिस्‍ता पोल्‍लें 15:1

अस्‍के स्वर्गमते नना मरुंदि पेद्‍दा इचंत्रमता चिन्‍ह हूळतन. अद बतल इत्‍ते, एडुं दूतानगा, एडुं गंडाल्कु मत्‍तां. अव आकिरता गंडाल्कु आंदुं. अव आता पजा पेनदा होंग सल्‍लारंता.

पेन हुपिस्‍ता पोल्‍लें 15:6

आ गुळिताल एडुं दूतां एडुं गंडाल्‍कुन पीसि पलाते पेय्सतां, अव जगा-जगा तेल्‍लगा मेर्सना कपडिं केरसि मत्‍तां. अवुना सातिक बंगारमता पट्‍टां दोहाचि मत्‍तां.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.

पेन हुपिस्‍ता पोल्‍लें 20:10

अस्‍के, जिवरासितुन आनि आबद्‍दम कबुरतोर्कुन बगा अय्ते मुन्‍नेन वाटतुरो, अदे गंदकमतोनि बगा-बगा पोतसेके मनना तडमिते, ओर्कुन नडेह कियाना देय्यमतुन वाटमळ जर्गता. अगा ओर नर्का-पिय्यल युगा-युगाल्‍कुनाहाटीं तडमि मंटाते तनलाळसेक मनांतुर.

पेन हुपिस्‍ता पोल्‍लें 20:15

पिस्वरता पुस्तकमते बोरा-बोरा पोरोलीं अय्ते रासि मना हिल्‍लेंगों, ओर्कुन अंटोर्कुन तळमिता सेरवुने वाटमळ जर्गता.

पेन हुपिस्‍ता पोल्‍लें 22:10

अद दूता मर्रा नातोनि, “इद पुस्तकमते वेह्‍चि मत्‍ता पोल्‍लें निजम आयाना वेला दग्‍गेरा एवता, अदुनहाटीं इद पुस्तकमतुन निमे मक्‍किचि इर्रुमा,” इंचि इत्‍ता.

पेन हुपिस्‍ता पोल्‍लें 22:16

येसुन आंदुन. दाविदना वंसंमतोन ननाने आंदुन. हक्‍केटा मेर्सना सुक्‍कातुनगुडा ननाने आंदुन, इंचि इव पोल्‍लेना बारेमता गवाइ कलिसियातोर्क वेहनाहाटीं नावा उंदि दूतातुन मिहगा लोहतन” इंचि वेहता.

पेन हुपिस्‍ता पोल्‍लें 22:7

इवन्‍नि आता पजा येसु सामि, “हुळाट! नना बिरानेन वासेक मंतन. इद पुस्तकमते वेह्‍चि मत्‍ता पोल्‍लेन परकारम बोर अय्ते ताकंतोर, ओरे आसिर्वाद दोर्कुतोर आंद,” इंचि वेहतोर.

पेन हुपिस्‍ता पोल्‍लें 22:9

गानि अद नाकुन, “निमे नावा काल्क मोळ्‍कमा, ननागुडा नीलेसीं, नी दंटाता कबुरतोरलेसीं, इद पुस्तकमते वेह्‍चि मत्‍ता पोल्‍लेन परकारम ताकानोरलेसीं पेनदुन मोळ्‍कानोने आंदुन. निमे सिराप पेनदुने मोळ्‍का,” इंचि इत्‍ता.

पेन हुपिस्‍ता पोल्‍लें 3:14

लोदिकिया सहरता कलिसियाता दूताक इल्‍हा रासा. बोर अय्ते आमीन इननोर, विस्वासमगल्‍लोड, निजम गवाइ वेहानोर, इंका पेन तयार कीता अन्‍निटवुने मोदोल मनकल आसि मंतोर, इव पोल्‍लें ओनव आंदुं.