पेन हुपिस्‍ता पोल्‍लें 22:15 - पवित्र पोल्‍ले

¹⁵ गानि नयकस्‍केल लोकुल्‍क, होदेगाह्‍कु, बोगमतनम कियानुर, हव्कानुर, बोम्मांक मोळ्‍कानुर, आबद्‍दमतुन पावरम कियानुर, आबद्‍दम वळ्कानुर अंटोरगुडा सहरता पलातेन मनांतुर.

पेन हुपिस्‍ता पोल्‍लें 22:15 Iomraidhean Croise

मत्‍तयाल 7:6

पवित्र वस्‍तुक नय्‍कुन मुन्‍ने वाटमट, पद्‍दिना मुन्‍ने मुच्‍च्याल्‍क पोच्‍चुमट. अल्हा कीते पद्‍दिं अवुन काल्कुने जारांतां, नय्‍कु बारे मीपोर्रो अर्सि मीकुने कस्कंतां.

मत्‍तयाल 8:12

गानि बोर अय्ते, ‘मोमोट पेनदा संतानम आंदुम’ इनकुंतुरो, ओर्कुन मात्रम पेन पलाते हीकटते वाटसींता. अगा सिराप अळमळ, पल्कु कोर्कमळे मनंता,” इंचि वेहतोर.

योहान 8:46

नना बतलन्‍ना पापम कीतन इंचि मिहागटाल बोरन्‍ना हुप्‍सा परांतिरा? नना निजम वेहचंतन, अय्ते मिमेट बारि नाकुन नमसेक हिल्‍लिर?

प्रेरितुल्‍कुना कबाह्‍क 8:11

बारित्‍ते ओर वेल्‍ले रोजकुनाल ओना मंत्राल्कुना बलमते अंटोर लोकुल्‍कुन इचंत्रमते अरहचि मत्‍तोर. दानहाटींगे लोकुल्‍क ओर बतल वेहिना नम्मुंदुर.

पिलिपिया 3:2

अदुनहाटीं तप्‍पुड कबाह्‍क कियना नयकस्‍केल गुनमतोरगटाल जेगर्ता मंटु. कतना रिवाज कीतेन नीतिमंतुल्क आंतुर इंचि ओर कराहंतुर.

कुलुसि 3:6

इवुनाहाटींगे पेनदा होंग दाना पोल्‍ले केंजवोरा पोर्रो वांता.

1 तिमोति 1:10

बोगमतनम कियानोराहाटीं, मांड्‍सा-मांड्‍सातोनि बोगमतनम कियानोराहाटीं, मनकालोर्कुन दोर्कापीसि अम्मानोराहाटीं, आबद्‍दम वळ्कानोराहाटीं, तप्‍पुड गवाइ वेहानोराहाटीं इंका सत्‍तेम पोल्‍लेन आबद्‍दम कियानोराहाटीं ई मूसाना नियमकु मंतां.

पेन हुपिस्‍ता पोल्‍लें 18:23

इंदकेटाल नीवा लोप्पो पंतेना वेळसि बस्‍केने दिस्सो. मरमिने एगराना-दुनकाना सप्पुड बस्‍केने केंजा वायो. बारित्‍ते निहगा दंदा कियाना लोकुल्‍क पूरा बूमिपोर्रो पेद्‍दाल्क मत्‍तुर, इंका निमे नीवा होदें-मंत्राल्कु कीसि अन्‍नि देसेल्‍कुनोर्कुन पसांचतिन.

पेन हुपिस्‍ता पोल्‍लें 21:27

गोर्रे पोरिना पिस्वरता पुस्तकमते बोरा पोरोलीं अय्ते रासि मंतां, ओरे अद सहरते होळिया परांतुर. गानि अपवित्र लोकुल्‍क, पापि कबाह्‍क कियानुर हिलाकोंटे आबद्‍दम वळ्कानुर अद सहरते होळिया पर्रुर.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.