पेन हुपिस्‍ता पोल्‍लें 21:9 - पवित्र पोल्‍ले

⁹ पजा, एडुं वाटिने आकिरता एडुं गंडाल्‍कुन पीसि मत्‍ता एडुं दूतानाल उंदि दूता नहगा वासि, “हिक्‍के वा! नना नीकु मरमिना पेगिटुन, इत्‍ते गोर्रे पोरिना मुत्‍तोन हुप्‍संतन” इंचि इत्‍ता.

पेन हुपिस्‍ता पोल्‍लें 21:9 Iomraidhean Croise

पेन हुपिस्‍ता पोल्‍लें 1:1

इव पोल्‍लें, वायाना कालमते बिरानेन जर्गानव आंदुं, इवुन येसु किरिस्‍तु ओना सेवाकुल्कुंक वेहना इंचि पेन ओन्क अप्पजेपता. अस्‍के येसु ओना उंदि दूतातुन योहान इनना वरोन सेवाकुनगा लोहचि, ओन्क रासालय वेहतोर.

पेन हुपिस्‍ता पोल्‍लें 17:1

अस्‍के गंडाल्कुना एडुं वाटिं पीसि मत्‍ता दूतानाल उंदि दूता नाकुन, “हिक्‍के वा! वेल्‍लेन एता जलनपोर्रो उद्‍दिस मत्‍ता बोगमदान्‍कु दोर्काना सिक्‍सा बदो नीकु हुप्‍संतन,

पेन हुपिस्‍ता पोल्‍लें 19:7

गोर्रे पोरिना मरमिं दग्गेर्क एवतां, मरमिं आयालय मरमिना पेगिडगुडा तयारे मंता. अय्ते वटु, मनम आनंदमते, कुसिते दाना स्‍तुति कीकोम.

पेन हुपिस्‍ता पोल्‍लें 21:17

पजा आ दूता सहरता गूरेतुन कह्तस्के, आ गूरे मनकना कूटाते इत्‍ते दूताता कूटातेगुडा नूटा नल्‍पै नालुं कूटां मत्‍ता.

पेन हुपिस्‍ता पोल्‍लें 21:2

अस्‍के, पेनदागटाल पवित्र सहर पूना येरुसलेम, स्वर्गमताल हिळु रेयानद नना हूळतन. मरमिना पेडानाहाटीं, मरमिना पेगिड बल्हा तयार आंता, अल्हा अद सहर दिस्सेक मत्‍ता.

पेन हुपिस्‍ता पोल्‍लें 22:1

अस्‍के पेनदा दूता नाकु सक्‍कगा मिटकरा मनना पिस्वरता एर हिय्यना बेरेटुन हुपिस्‍ता. अद बेरेड पेनदा आनि गोर्रे पोरिना राजगद्‍देताल सुरुव आसि, अद सहरता पेद्‍दा हरदा नड्‍डुमताल पोंगसेक मनुंदु. अद बेरेटा ओड्‍डुंक रोंडु पक्‍काने पिस्वर हियना मराक मत्‍तां. अव मराक वर्साता हरेक नेलाते पन्‍नेंड तीरकुना पंडि हादसेकेन मनुंदु. दुनियाता अन्‍नि देसेल्‍कुना लोकुल्‍क अव मराकुना आकिने बेस आयुंदुर.

पेन हुपिस्‍ता पोल्‍लें 22:17

पेनदा आत्मा आनि मरमिना पेगिड, “हिक्‍के वा” इंचि वेहांता. केंजानोरगुडा, “वा” इंचि इन्‍निरकांटी. दूपा आसि मत्‍तोर बोरे आयिर इद पिस्वर हियना एतुन पुक्‍कटते उन्‍ना वच्‍चु.

पेन हुपिस्‍ता पोल्‍लें 22:6

पजा अद पेनदा दूता नातोनि, “इदवेरादाका बतल अय्ते वेहामळ जर्गता अव पोल्‍लें विस्वासमलायक आनि सत्‍तेम पोल्‍लें आंदुं, बव पोल्‍लें अय्ते बिराना जर्गमळ अव्‍सरम मंता, अव पोल्‍लेन दाना सेवाकुल्कुंक हुप्‍सानाहाटीं, कबुरतोरा आत्मान ताकसाना पेने दाना दूतातुन लोहता,” इंचि इत्‍ता.