पेन हुपिस्‍ता पोल्‍लें 21:8 - पवित्र पोल्‍ले

⁸ गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.

पेन हुपिस्‍ता पोल्‍लें 21:8 Iomraidhean Croise

मत्‍तयाल 10:28

बोर अय्ते मीवा मेंदुल्तुन हव्का परांतुर गानि मी आत्मातुन हव्का परुर ओर्क मिमेट वेरियमट. गानि बोर अय्ते मेंदुल्तुन आनि आत्मातुन नरकमते वाट्‍सि नासडेम किया परांतोर ओन्‍के वेरियट.

मत्‍तयाल 25:25

अदुनहाटीं नना वेरियसि निमे हीता मुल्‍लेतुन ओसि पोक्‍का तव्‍सि मक्‍किचि इरतन. इदे, नीवा मुल्‍ले नीकु वापस हीसंतन,” इंचि इत्‍तोर.

मत्‍तयाल 8:26

अस्‍के, “अरे विस्वासम तक्‍को लोकुरिटा, बारि वेरियंतिर?” इंचि येसु ओर्कुन इत्‍तोर. पजा तेदसि आ वळि-दुमारमतुन आनि समुद्रमतुन गदरिचतोर अय्ते अव सांत आतां.

योहान 8:44

मिमेट देय्यमता पिलाल्क आंदिर, देय्यमे मीवा बाबाल आंदुर. अदुनहाटीं मीवा बाबाल कियना तप्‍पुड कबाह्‍क कियमळ इत्‍ते मीकु वेल्‍लेन इस्‍टम. देय्यम मुन्‍नेटाले जीवां तिंचेके वाता. अद सत्‍तेमतुन बस्‍केने हय्सो. दानागा सत्‍तेम हिल्‍लेन हिल्‍ले. आबद्‍दम वळ्‍कमळे दाना गुनम आंदु, अदुनहाटीं अद बस्‍केळ्‍क आबद्‍दमे वळ्कंता, आबद्‍दमतुन पुट्‍संता.

2 तेसलोनि 2:9

पेनदा पोल्‍लेतुन विरोद कियानोर वायमळ इत्‍ते, देय्यमतदे उंदि कबळ आंदु, ओर वासि आबद्‍दम पोल्‍लेने देय्यमतव अन्‍नि ताकतकुनतोनि चिन्‍हां, इचंत्रमता कबाह्‍क कियानुर.

1 तिमोति 4:2

बोरा बोदां अय्ते काचाह्ता सलाकिते बोळ्‍सि हासोंचि मंतां, असोंटा दोका हियानोर आनि आबद्‍दम वळकना मनकालोराहेंदाल इल्‍हा जर्गंता.

तीतु 1:16

पेन माकु एरपाटे इंचि ओर वेहांतुर, गानि ओरा कियना कबाह्‍क हूळते, ओर पेनदुन एरपाट किय्युर इत्‍तद दिस अर्रंता. ओर हय्सवोर, वेहता पोल्‍ले केंजवोर आंदुर, ओर असल बदे बेस कबळ कियनालायक हिल्‍लुर.

इब्रि 12:24

इंका पूना करारता नड्‍डुमतोर आता येसुनगा मिमेट वातिट. आदामना मर्रि आबेलना नेत्‍तुर इत्‍ते, ओना दादाना बद्‍ला येतालय पेनदुन केयताप मत्‍ता. गानि येसुना नेत्‍तुर अय्ते मीवापोर्रो सल्सि मीवा पापाल्कुन मापि कीम इंचि पेनदुन केयताप मंता.

इब्रि 13:4

मरमिन आनि मुत्‍तो-मुय्दोना संबंदमतुन कदर कियाना, ओर वरोनपोर्रो विस्वासम कीसि बदनाम आयाकोंटा मंदना. व्यबिचारम कियानोर्कुन आनि बोगमतनम कियानोर्कुन पेन न्‍यायम कींता, इदुन मतिते इर्राट. अदुनहाटीं मुत्‍तो-मुय्दो वरोनपोर्रो वरोर विस्वासम कीसि बदनाम आयाकोंटा मंदना.

1 योहान 2:22

बोर अय्ते, येसुन “किरिस्‍तु” इंचि ओप्‍कुन्‍नोरो, ओर असल आबद्‍दम वळ्कानोर आंदुर. ओरे किरिस्‍तुना पगातोर आंदुर. ओर बाबन, मर्रिन ओप्‍कुन्‍नोर.

1 योहान 3:15

बोर अय्ते ओना दादन, तम्मुन हय्‍सोर, ओर मनकन हव्‍कानसंटोर आंदुर. मनकन हव्‍कानोनगा बस्‍केळ्‍क पिस्सना पिस्वर मन्‍नो इंचि मीके अय्ते एरपाटे मंता.

1 योहान 5:10

बोरय्ते पेनदा मर्रिनपोर्रो विस्वास इर्रंतोर, ओर ओनालोप्‍पो पेनदा साक्‍सितुन इर्रंतोर. पेन इत्‍ता पोल्‍लेनपोर्रो बोरय्ते विस्वास इर्रोर, ओर पेनदुन आबद्‍दम कींतोर. बारित्‍ते पेन तना मर्रिना बारेमते हीता साक्‍सितुन ओर विस्वास किया हिल्‍लोर.

पेन हुपिस्‍ता पोल्‍लें 19:20

पजा अद जिवरासितुन आनि पेनदा आबद्‍दम कबुरतोन दोर्का पियमळ जर्गता. ओर कीता चिन्‍हाना हेंदाल, अद जिवरासिता सिक्‍का तंचि मत्‍तुर्कुन आनि दाना बोम्मातुन मोळ्‍कानोर्कुन पसांचमळ जर्गता. ओर इव्‍वुर्कुनगुडा गंदकमते रमारमा पोत्‍सेके मनना तळमि गुंडमते जीवाते मननेंकेन वाटसीयमळ जर्गता.

पेन हुपिस्‍ता पोल्‍लें 2:11

पवित्र आत्मा कलिसियातोर्क बतल वेहंता अदुन, केव्क मत्‍तोर बेस केंजिर. बोर अय्ते गेल्सांतोर ओन्क रोंडो हामुरताहेंदाल बतल नुकसान आयो.

पेन हुपिस्‍ता पोल्‍लें 2:2

निमे कियाना कबाह्‍क, नीवा मेहनत आनि ओप्के नाक एरपाटे. अल्‍हेने निमे सेड्‍डा लोकुल्‍कुन हय्सिन आनि बोर अय्ते “नना प्रेरित” इंचि इनकुंतुर गानि ओरा परिक्‍सा एततस्के ओर नीकु आबद्‍दम वळ्कतद दिसतुर.

पेन हुपिस्‍ता पोल्‍लें 21:27

गोर्रे पोरिना पिस्वरता पुस्तकमते बोरा पोरोलीं अय्ते रासि मंतां, ओरे अद सहरते होळिया परांतुर. गानि अपवित्र लोकुल्‍क, पापि कबाह्‍क कियानुर हिलाकोंटे आबद्‍दम वळ्कानुर अद सहरते होळिया पर्रुर.

पेन हुपिस्‍ता पोल्‍लें 22:15

गानि नयकस्‍केल लोकुल्‍क, होदेगाह्‍कु, बोगमतनम कियानुर, हव्कानुर, बोम्मांक मोळ्‍कानुर, आबद्‍दमतुन पावरम कियानुर, आबद्‍दम वळ्कानुर अंटोरगुडा सहरता पलातेन मनांतुर.

पेन हुपिस्‍ता पोल्‍लें 9:17

नना हूळता दर्सनमते, आ गुर्राल्कुनपोर्रो उद्‍दिस मत्‍तोर केरता कच्‍चिता अंगिं, तळमितलेसीं रगारगा, नेळि पंडि रंगुलेसीं आनि गंदकम रंगुनव मत्‍तां. अवुना तल्‍लां सिंहमता तल्‍लानलेसीं दिस्सेक मत्‍तां. इंका अवुना तोळ्‍दाल तळमि, पोया, गंदकम पेय्सेक मत्‍ता.

पेन हुपिस्‍ता पोल्‍लें 9:21

अचोने आयका लोकुल्‍कुन हव्‍कमळ, होदें कियमळ, बोगमतनाल्क कियमळ, दोंगातनाल्‍क कियमळ इसोंटा कबाह्कुनालगुडा मनसु मार्सकुन्‍ना हिल्‍लुर.