पेन हुपिस्‍ता पोल्‍लें 21:7 - पवित्र पोल्‍ले

⁷ गेल्सानोर अंटोर इव अन्‍निटवुना वारसदार्क आंतुर. नना ओरा पेनदुन आंतन, ओर नावा पिलाल्क आंतुर.

पेन हुपिस्‍ता पोल्‍लें 21:7 Iomraidhean Croise

मत्‍तयाल 19:29

अचोने आयका नावाहाटीं बोर अय्ते लोन-दारातुन, दादल-तम्मुह्‍कुन, अक्‍कल-हेलाह्कुन, तल्‍लुर-बाबोन, पिलाल्कुन, इंका बूमिं-जेगान होळसीतुरो ओर्कु आ होळसीतवुंकन्‍ना नूर अंताल्‍क एक्‍को दोर्कार. इंका ओर बस्‍केळ्‍क पिस्सना पिस्वरता वारसदार आयानुर.

मत्‍तयाल 25:21

अस्‍के मालक कूस आसि, “वा रे वा, निमे बेस विस्वासमलायक दासुन आंदिन. इच्‍चोटा पोल्‍लेतगा निमे विस्वासमलायक मंतिन, अदुनहाटीं नना नीकु वेल्‍लेटोरपोर्रो अदिकारम हींतन. निमे लोप्पो होंचि मालकुनतोनि कूळसि कुसिते मन,” इत्‍तोर.

मत्‍तयाल 25:34

अस्‍के राजाल तिना बाजुनोर्कुन इनानुर, “वटु, ना बाबाना आसिर्वाद मीकु दोर्कुता, मीवाहाटीं दुनिया पुटतस्केटाले राज्येम तयार कीसि मंता, दान एतट.

मरकुस 10:17

येसु अगटाल पेय्सि हर्रि पीसि होननेंके, वरोर मनकल विच्‍चि वासि काल्कुनपोर्रो अर्सि, “गुरु, निमे बेसतोन आंदिन. बस्‍केळ्‍क पिस्सना पिस्वरता वारसदार आयानाहाटीं नना बतल कीते बेस?” इंचि पूसकीतोर.

रोम सहरतोरहाटीं पौलुसना सिट्‍टि 8:14

बोर अय्ते पेनदा आत्मा वेहताप ताकंतोर, ओर अंटोर पेनदा मर्क-मियाह्क आंदुर.

रोम सहरतोरहाटीं पौलुसना सिट्‍टि 8:19

पेन दाना मर्क-मियाह्कुंक हीता कदरतुन बस्के हुप्‍सार इंचि अद पुट्‍टिस्‍तव अन्‍निटवे वेल्‍लेन आसेते एदुर हूळसेक मंतां.

2 कुरेंति 6:16

बोम्मांक, पेनदा गुळिकु बाता संबंदम? बारित्‍ते मनम अय्ते जीवाते मनना पेनदा गुळि आंदुम. पेनदा दर्मसास्‍त्रमते, “नना ओरा लोप्पो मनंतन, ओरतोनि तिरियंतन, नना ओरा पेन आसि मनंतन, ओर नावा लोकुल्‍क आयानुर,” इंचि रासि मंता.

2 कुरेंति 6:18

नना मीवा बाबान आकन, मिमेट नावा मर्क-मियाह्क आकिट इल्‍हा पेद्‍दा सक्‍तिमंतुड पेन इंता,” इंचिगुडा रासि मंता.

इब्रि 8:10

गानि अव रोजकु दाटसोत्‍ता पजा, नना इस्राएल लोकुल्‍कुनतोनि कियाना पूना करार इल्‍हा मनंता. नना नावा नियमकुन ओरा मनसुल्कुने रासि, अवुन ओरा बुद्‍दिते इर्रानालायक कींतन. नना ओरा पेनदुन आकन, ओर नावा लोकुल्‍क आयानुर.

1 पत्रु 3:9

कराबता बदला कराबतोनि एतमट; तेराहतोर इंचि तेराहमट गानि ओर्क आसिर्वाद हीम्टु. बारित्‍ते मीक आसिर्वाद दोर्काना इंचि पेन मीकुन केयता.

पेन हुपिस्‍ता पोल्‍लें 2:11

पवित्र आत्मा कलिसियातोर्क बतल वेहंता अदुन, केव्क मत्‍तोर बेस केंजिर. बोर अय्ते गेल्सांतोर ओन्क रोंडो हामुरताहेंदाल बतल नुकसान आयो.

पेन हुपिस्‍ता पोल्‍लें 2:17

पवित्र आत्मा कलिसियातोर्क बतल वेहांता अदुन, केव्क मत्‍तोर बेस केंजिर. बोर अय्ते गेल्सांतोर ओन्क मक्‍किचि इरता मन्‍ना आनि उंदि तेल्‍ला बंडा हींतन. आ बंडापोर्रो उंदि पूना पोरोल रासि मनंता अद बोन्क अय्ते दोर्कार ओन्‍के तेळियार.

पेन हुपिस्‍ता पोल्‍लें 2:25

नना मल्सि वायनदाका सिराप मिहगा मनना विस्वासमतुन गट्‍टिगा पीसि मंटु.

पेन हुपिस्‍ता पोल्‍लें 2:7

पवित्र आत्मा कलिसियातोर्क बतल वेहांता अदुन, केव्क मत्‍तोर बेस केंजिर. बोर अय्ते गेल्सांतोर नना ओन्क स्वर्गमते पेनदागा मनना पिस्वरता मराता पंडि तिनालय हींतन.

पेन हुपिस्‍ता पोल्‍लें 21:3

पजा राजगद्‍देतगटाल उंदि पेद्‍दा लेंग इल्‍हा केंजावाता, “हुळाट, पेन इंदके मनकालोरा नड्‍डुम जेगा आता. अद ओरतोने मनंता. ओर दाना लोकुल्‍क आंतुर, अद कुद्‍दु ओरा पेन आसि ओरतोने मनंता.