पेन हुपिस्‍ता पोल्‍लें 21:27 - पवित्र पोल्‍ले

²⁷ गोर्रे पोरिना पिस्वरता पुस्तकमते बोरा पोरोलीं अय्ते रासि मंतां, ओरे अद सहरते होळिया परांतुर. गानि अपवित्र लोकुल्‍क, पापि कबाह्‍क कियानुर हिलाकोंटे आबद्‍दम वळ्कानुर अद सहरते होळिया पर्रुर.

पेन हुपिस्‍ता पोल्‍लें 21:27 Iomraidhean Croise

मत्‍तयाल 13:41

बारित्‍ते अद वेलाते मनकना रूपमते पुटतोन नना, नावा दूतन लोहंतन. अव नावा राज्येमते मनना पापिर्कुन आनि पापम किया वेहानोर्कुन अंटोर्कुन पेच्‍हासि,

मरकुस 7:2

येसुना इच्‍चुर सिस्युल्कु यहुदि लोकुल्‍कुना रीति-रिवाज परकारम सुद्‍द आयाकोंटेन इत्‍ते, कय्‍क नोर्राकेने तिनानद ओर हूळतुर.

लूकाल 10:20

अयना मीवा पोल्‍ले देय्याल्क केंजतां इंचि कूस आयमट, गानि मीवा पोरोल स्वर्गमते रासि मंता इंचि कूस आम्टु,” इंचि वेहतोर.

इपीसि 5:5

बारित्‍ते, बोगमतनम कियानोर, अपवित्र मनकल हिलाकोंटे लालचि मनकल (लालच कियमळ इत्‍ते, बोम्माना पूजें कीतापे आंता) ईरकु बोर्के आयि, किरिस्‍तुना आनि पेनदा राज्येमते वारसाहक्‍क हिल्‍ले, इंचि मीकु तेळियसे मंता.

पिलिपिया 4:3

नावा दंटातोना! अव रोंड मुर्ताह्क जगडाल्‍क होळसि उंदासि मनालय निमे सहायम कीम इंचि नीकु विनंति कीसेक मंतन. बारित्‍ते किलेमेन्‍स आनि नावातोनि कबळ कियानोरतोनि कलियसि अव रोंड मुर्ताह्क बेसता कबुर वेहालय वेल्‍ले कस्‍टपळतां. अल्हा कबळ कियानोरा पोरोल्क पेनदागा मनना बस्‍केळ्‍क पिस्सना पिस्वरता पुस्तकमते रासि मंता.

1 तिमोति 1:10

बोगमतनम कियानोराहाटीं, मांड्‍सा-मांड्‍सातोनि बोगमतनम कियानोराहाटीं, मनकालोर्कुन दोर्कापीसि अम्मानोराहाटीं, आबद्‍दम वळ्कानोराहाटीं, तप्‍पुड गवाइ वेहानोराहाटीं इंका सत्‍तेम पोल्‍लेन आबद्‍दम कियानोराहाटीं ई मूसाना नियमकु मंतां.

इब्रि 12:14

अंटोर मनकालोरतोनि सांतिते कलियसि पवित्र मनना कोसिस कीम्‍टु, अल्हा मनाकोंटे बोरे मनकल सामिनगा होना पर्रोर.

2 पत्रु 3:13

गानि पेन हीता पोल्‍ले परकारम मनम पूना मब्बु, पूना बूमिताहाटीं एदुर हूळसेक मंतोम. अगा सत्‍तेमे निल्‍सि मनंता.

पेन हुपिस्‍ता पोल्‍लें 13:8

बूमिपोर्रो मनना अंटोर इद दुनिया तयार आतागटाल, बोरा पोरोल्क अय्ते, मोक्‍कु आता गोर्रे पोरिना पिस्वरता पुस्तकमते हिल्‍लेंगो, ओर अद जिवरासितुन मोळ्‍कानुर.

पेन हुपिस्‍ता पोल्‍लें 20:12

पजा, हासि मत्‍ता सिन्‍नाल्कुन-पेद्‍दाल्कुन अंटोर्कुन राजगद्‍देता मुन्‍ने नित्‍तिसि मत्‍तद नना हूळतन. पुस्तकाल्क विच्‍चिसि मत्‍तां. पजा इंकुंदि पुस्तकम विच्‍चुमळ जर्गता, अद पुस्तकम इत्‍ते पिस्वरता पुस्तकम आंद. पुस्तकाल्कुने रासि मत्‍ता पोल्‍लेन पोर्रोटाल, हासि मत्‍तोर कीता कबाह्‍कुन पीसि ओरा न्‍यायम कियमळ जर्गता.

पेन हुपिस्‍ता पोल्‍लें 20:15

पिस्वरता पुस्तकमते बोरा-बोरा पोरोलीं अय्ते रासि मना हिल्‍लेंगों, ओर्कुन अंटोर्कुन तळमिता सेरवुने वाटमळ जर्गता.

पेन हुपिस्‍ता पोल्‍लें 21:8

गानि वेरियानोर, विस्वासम हिल्वोर, कराब कबाह्‍क कियानुर, हव्कानुर, बोगमतनम कियानुर, होदें कियानुर, बोम्मान मोळ्‍कानुर आनि आबद्‍दम वळ्कानुर अंटोर, गंदकमते गबा-गबा पोतसेके मनना तळमिता सेरवुने अर्रानुर. इदु रोंडो हामुर आंद,” इंचि वेहतोर.

पेन हुपिस्‍ता पोल्‍लें 3:5

बोर अय्ते गेल्सांतोर, ओन्क इसोंटा तेल्‍ला कपडिं केर्समड जर्गार आनि नना ओना पोरोल्तुन पिस्वरता पुस्‍तकमताल तंचि पोहोन. अल्‍हेने नावा बाबाना मुन्‍ने आनि दूताना मुन्‍ने ओना पोरोलतुन ओपकुंतन.